TƏLƏSMƏYİN
(hekayə)
Rəisim məni çağırıb bir həftəlik Gürcüstana ezamiyyətə gedəcəyimi dedikdə çox təəccübləndim. Axı o mənim həyat yoladaşımı yaxşı tanıyırdı və toyumuzdan cəmi iki ay keçdiyini və yoldaşımın kifayət qədər qısqanc olduğunu da bilirdi.
– Rəfiqəniz tək getməli idi. Sonra belə qərara gəldik ki,ikinizi də göndərək. Həm bir az gəzərsiz , həm də təcrübə keçərsiz.
– Mən…- deyə etiraz etmək istədim,lakin o, məni heç dinləmədən.
-Get hazırlaş! Sabah qatarla gedirsiz!- dedi.
Bu xəbəri yoldaşıma deməyə çəkinirdim, çünki əmin idim ki, heç vaxt məni tək başqa ölkəyə buraxmaz. Ona görə belə qərara gəldim ki,axşam rəfiqəm də bizə gəlsin və biz bu xəbəri ona birlikdə çatdıraq.
Axşam şam yeməyinə gələn rəfiqəm bütün söz ehtiyatını toplayıb söhbətə başladı:
– Xəbərin var? Mən Gürcüstana ezamiyyətə gedirəm?- deyə o mənim həyat yoldaşıma müraciət etdi.
Kişi çəngəli nimçəyə qoyub rəfiqəmə sərt baxdı və:
-Təək? – deyə soruşdu
Qız özünü itirsə də “yoox!”- deyə cavab verdi.
-Bəs kiminlə?-deyə ərim soruşdu.
-Sənin …sənin həyat yoldaşınla,- dedi rəfiqəm.
İkimiz də nəfəsimizi içimizə çəkib gözləyirdik.
Bir neçə saniyə ərzində hər ikimiz indi nələr olacağını təsəvvür edib diqqətlə gözləyirdik.
-Aaaa! Bu başqa məsələ! Elə olar. Yoxsa tək Gürcüstana.. Tək olmaz!- deyən həyat yoldaşımın belə cavab verəcəyi heç ağlımıza da gəlmirdi.
İkimiz də rahat nəfəs aldıq.
-Nə vaxt gedirsiz?-deyə o, sakitcə soruşdu.
-Sabah, qatarla.
-Mən elə bildim sən razı olmazsan. Ona görə dedim, birlikdə xəbər verək sənə.
-Niyə ki? Get. Gedin gəzin. Gürcüstan gözəl ölkədi. Sabah mən maşınla apararam sizi. Həmişə gəzməkdə!-deyə o gülümsədi və siqaret götütüb eyvana çıxdı.
– Nə yaxşı buraxdı səni?-deyə rəfiqəm pıçıldadı
-Nə bilim. Heç gözləmirdim belə cavabı.
– Çox yaxşı oldu. Gedib gəzərik sərbəst. Qürçülər də qonaqpərvər olurlar.
-Orası elədi, amma…
-Nə amma?
-Bu nə yaxşı məni yollayıb tək qalmağa razı oldu? Bəlkə bir adamı var ?
-Sən dəlisən? Nə adamı? Siz təzə evlənmisiz.
-Bəs niyə belə tez razılaşdı?
– Gör ee! Qadın ki, qadın! Razılaşır, deyir niyə razılaşdı. Razılaşmasaydı, deyəcəydin, niyə razılaşmır.
– Yox ee!Görmədin? Heç təəccüblənmədi də. Məni yola salan kimi gedəcək kiminsə yanına!
-Ay qız, yaxşı sən Allah. Neçə illərdir tanıyırıq onu,bir yerdə illərdir işləyirik. Bir adamı olsa, bilərdik.
Ertəsi gün mənim həyat yoldaşım geyinib kecindi,lazım olanları alıb gətirdi və bizi maşınla vağzala aparıb qatara otuzdurdu.
-Yaxşı yol. Özünüzdən muğayət olun!- deyib getdi.
Ürəyimdə bir narahatlıq var idi.
-Gör necə də geyinib! Heç olmasa məni yola salıb sonra geyinib gedərdi. Əhvalı da əladır! Heç ayrılanda məni öpmədi də. Yüz faiz bunun kimisə var..
-deyə düşünürdüm.
Nə isə.Qatar artıq Biləcəri stansiyasına yaxınlaşırdı. Biz yavaş- yavş Bakını tərk edirdik.
İkimiz də pəncərədən baxıb xəyala dalmışdıq.
Biləcəridə bir qədər dayandıqdan sonra qatar yenə yola düşdü və çox sevdiyim qatar səsi ətrafa yayıldı.
Elə bu vaxt vaqonun qapısı açıldı
Əlində bir şüşə şampan şərabı mənim həyat yoldaşım içəri girdi.
– Düşündüm ki,mənsiz darıxarsan, əzizim! -deyib üzümdən öpdü.
Sonradan bildik ki,məzunuyyətə əvvəl tək onu göndərmək istəyiblər.O, məni qoyub gedə bilməyəcəyini dedikdə, bizə belə bir sürpriz variantı düşünülüb.
Sevdiyiniz insan haqda mənfi qərar verməyə tələsməyin. Bəlkə o sizi siz onu sevdiyinizdən daha çox sevir?! Bunu həmişə nəzərə alın! Yersiz qısqanclıq etməyin. Siz sadəcə sevin! Sevilmək üçün sevin!
Müəllif: Təranə MƏMMƏD
PDF: >>>>> ZAUR USTAC “QƏLƏMDAR-2”
PDF>>>ZAUR USTAC – “BB” HEKAYƏLƏR
>>>> ƏN ÇOX OXUNAN HEKAYƏ <<<<
Əbdürrəhim bəy Haqverdiyev – 150
“Tərəfsiz ədəbiyyat tarixdir” layihəsi
ZAUR USTACIN SATIŞDA OLAN KİTABLARI
YAZARLAR.AZ
===============================================
<<<<<< WWW.YAZARLAR.AZ və WWW.USTAC.AZ >>>>>>