Fənafillah
(Nirvana)
Çaylar hey axır-axır
dənizə qovuşmağa…
adamlar sevir, sevir…
özündən sovuşmağa…
Rəbbinə çatanadək
çaylar məcra dəyişir..
uçur bəzən adamlar…
yuxarıdan aşağı
göbələk tək görünür,
göydələnlər- o damlar…
Uçma vaxtı gələndə
mən də ruhən uçuram..
Uçuram səma boyu
ulduzları qucuram.
Sonsuz, mavi göylərə
səadət daşıyıram.
bütün arzularımı
səmada yaşayıram.
Heyif ki, çoxlarını
günah uçmağa qoymur,
mən elə uçuram ki,
kimsənin ruhu duymur.
Qanadlarım qırılır
fikir məni aldıqca.. –
çünki şeytan varlanır
ruhunu çox ucuza
satanlar çoxaldıqca…
Yox, yox,
zamanım yoxdur
adamları tanıyam,
Mən zamanın anıyam…
İndi uçma vaxtıdır,
şeytanı yox sayıram…
Çaylar dənizə axır,
adamlar adam sevir…
Görsən ki, tüstü qalxır
məndən,
üzünü çevir..
Kim hardan keçir keçsin,
mən özümdən keçirəm…
Sentyabr gecəsi…
Ah, nirvana, nirvana,
ey yoxolmanın həzzi…
Müəllif: Adilə NƏZƏR
Filologiya üzrə fəlsəfə doktoru
>>>AŞIQ ƏLƏSGƏR >>>DƏDƏ ƏLƏSGƏR
Mustafa Müseyiboğlu adına kitabxana
PDF>>>ZAUR USTAC UŞAQ ŞEİRLƏRİ
PDF: >>>>> ZAUR USTAC “QƏLƏMDAR-2”
PDF>>> ZAUR USTAC “BB” KİTABI
>>>> ƏN ÇOX OXUNAN HEKAYƏ <<<<
ZAUR USTACIN SATIŞDA OLAN KİTABLARI
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru