Qəzənfər Məsimoğlu: – YADINA DÜŞÜRƏMMİ!?

YADINA DÜŞÜRƏMMİ

A dərmanım bildiyim,
A dərdini böldüyüm,
A dərdindən öldüyüm,
Yadına düşürəmmi?

Vüsalımın dəyəsi,
Həsrətimin tiyəsi,
Yaddaşımın yiyəsi,
Yadına düşürəmmi?

Qəlbində iz açdığım,
Könlünəcən qaçdığım,
Ömrünə nur saçdığım,
Yadına düşürəmmi?

Dağım, dərəm, gədiyim,
Bu qismətə nə deyim?
Dilindən düşmədiyim,
Yadına düşürəmmi?

Qibləm bilib baxdığım,
Gözlərindən axdığım,
Eşqi boyu qalxdığım,
Yadına düşürəmmi?

Müəllif: Qəzənfər MƏSİMOĞLU

QƏZƏNFƏR MƏSİMOĞLUNUN YAZILARI

İLHAM QAZAXLININ YAZILARI

ADİL CƏFAKEŞİN YAZILARI


> > > > MÜTLƏQ OXUYUN !!!

“YAZARLAR”  JURNALI PDF

YAZARLAR.AZ
======================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir