Stalinin amerikalı qız nəvəsiSvetlana Alliluyevanın övladları

Stalinin amerikalı qız nəvəsi
Svetlana Alliluyevanın övladları

Stalinin qızının üç övladı olub: İosif, Yekaterina və Kris Evans. Onların hərəsinin öz atası olub, yəni hərəsi Svetlananın bir ərindən dünyaya gəlib.
İosif Morozov məşhur kordioloq olub, tibb elmlər doktoru kimi öz sahəsinin görkəmli mütəxəssisi hesab edilib.
Yekaterina Jdanova geologiya-minerologiya elmləri namizədidir, Kamçatkada yaşayır. Yəqin ki, onun familiyası sizə tanış gəlir. Bəli, bəli, səhv etmirsiz, o, Stalinin dostu, məşhur ideoloji katib Andrey Aleksandroviç Jdanovun nəvəsi, kimyaçı alim Yuri Andreyeviç Jdanovun isə qızıdır. Yekaterina hal-hazırda tərki-dünya bir zahid həyatı yaşamaqdadır. Anası haqda heç kəsə heç bir müsahibə vermir. Babası Stalini nəhəng şəxsiyyət hesab edir.
O ki qaldı üçüncü-sonuncu övlada…


Svetlana Alliluyevanın sonbeşiyi Kris Evans 1971-ci ildə Amerikada doğulub. Onun ilkin ad- soyadı Olqa Piters olub. Əzəli ad-soyaından nə üçün imtina edib? Sadəcə istəməyib ki, onun Stalinlə qohumluq əlaqəsini bilən olsun… Hazırda Kris Piters Potlandda kasıblar məhəlləsində yaşayır, kiçik bir köşkü var, orada xırda-xuruş məmulatlar satır. O, özünü demokrat hesab edir. Dini baxışlarına görə buddistdir. Tatu və pirsinqləri sevir, bədəninin çox yeri “döyəclənib”, rəngbərəng şəkillərlə “bəzədilib. Babası kimi tütünü xoşlayır, amma qəlyan yox, siqaret çəkir. Sosial şəbəkələrdə fəaldır. Rus dilini bilsə də bu dili sevmir, ingiliscəyə üstünlük verir. İngilis dilini bilənlər onu fb-də tapıb yazışa bilərlər. Amma nəbadə ona babası haqda sual verəsiz. Babasının adını eşidəndə hirsindən az qala dəli olur. Çünki Stalinə nifrət edir, onu tiran və diktator kimi “qiymətləndirir”.
Yeri gəlmişkən, Amerikada dəfn olunan Svetlana Alliluyevanın (1926-2011) qəbrinin yerini yalnız qızı Kris Piters (Olqa) bilir. Anası öləndə qızına özü vəsiyyət edərək deyib ki, “məzarımın yerini heç kəsə demə. KQB bunu bilsə qəbrimi təhqir edib dağıdar”. Atasının soyadını götürməkdən imtina edən Svetlana atasının yaratdığı sistemi “totalitar” quruluş, atasını isə “tiran” adlandırırdı. Svetlana İosivovna ğlənəcən Stalindən “yadigar” qalmış qorxunc KQB-dən çəkinmiş, onu daim lənətləmişdir.

Foto- Stalinin qızı və nəvəsi

Mustafa Müseyiboğlu adına kitabxana

> > > > MÜTLƏQ OXUYUN !!!

“ƏDƏBİ OVQAT” JURNALI PDF

“YAZARLAR”  JURNALI PDF

“XƏZAN” JURNALI PDF

YAZARLAR.AZ
===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir