آیریلیق نغمه سی
چالیسان آیریلیقین نغمه سینی، چالماگینان
او گئجن گونلری بیرده، یادیما سالماگینان
چوخ آرامیزدا سوز اولدو ولی من دوزدوم اونا
سنده بیر مرحمت ایله اوره گه آلماگینان
دییسن من گئدیرم دوز دییم آمما سوزومی
گر خطا ایله دیم اوندا منیله قالماگینان
سوزلریم قالدی سینمده گوز یاشیم آخدی بیرآن
دفتر عشقی ورق له ولی دای دولماگینان
مونیسی تکجه قویوب غملره تاپشیردین اونی
اینصاف ایله منه حققیم ده جفا قیلماگینان