Mehriban insan, qayğıkeş və Vətənpərvər xanım , şair, yazıçı-publisist Təranə Məmmədə ithaf edirəm.
Təbim gəlib şeir qoşum,
Əli qızıl , könlü toxdan.
Ruhu sağlam ,gözəl insan ,
Ad-sanı var onun çoxdan !
Nə gözəl naxış toxuyur,
Əlvan – əlvan əsərləri.
Yazdığın ellər oxuyur,
Xatırlayır əsrləri.
Ürəklərə yol açıbdır,
Yazdığı hər hekayəsi.
Şeirləri nur saçıbdır,
Hər kəlmədə söz qayəsi!
Əynindəki mundirindən,
Qarabağın ətri gəlir.
Misrasından,cümləsindən,
Vətən adlı sətri gəlir !
Gül çöhrəli,nur üzlüdür,
Mələksima bir sonadır.
Azəridir dürr sözlüdür,
Xanım-xatın bir anadır.
Nə yaxşı ki hələ qalıb,
Sözə hörmət edən kəslər!
Haqq yolunu Tanrı salıb,
Ana deyib, Vətən səslər!
Müəllif: Mübariz SÜLEYMANLI
MÜBARİZ SÜLEYMANLINLN YAZILARI
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru