SALAM OLSUN !
(şəhidlərimizə həsr olunub)
Yolun düşsə bu yerlərə, bu yanlara,
Könüllərə fəxr gələn məkanlara,
Gəlişini, gedişini duyanlara,
Kədər dolu, qürur dolu salam olsun!
Məqsədinə, niyyətinə çatanlara,
Sadiq yolda sözlərini tutanlara,
Ruhlarına ali dəyər qatanlara,
Kədər dolu, qürur dolu salam olsun!
Canlarıyla öz yerini alanlara,
Yaddaşlarda, zehinlərdə qalanlara,
Özlərini könüllərə salanlara,
Kədər dolu, qürur dolu salam olsun!
Bu dünyada həyatından keçənlərə,
Amalıyla şəhidliyi seçənlərə,
Cənnət kimi bir ünvana köçənlərə,
Kədər dolu, qürur dolu salam olsun!
14.03.24.
Müəllif: CAMAL CƏFƏR
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru