UNUDULMAQ
Bir səhər ayrılıq öpər Üzündən,
Qəfil ağaracaq saçı illərin
Bir qərib tək əl eylər sənə
Yaddaşı üşüyən xatirələrin.
Doğma da,tanış da baxar uzaqdan,
Özündən -özünə əlin uzanar
Deyə bilmədiyin tənha bir sətir,
Dilində alışar ,dodaqda yanar .
Sevən duyğuların payızı başlar
Xəzan yarpağına dönər gözəllik .
Tutar əllərindən vəfalı dost tək,
Uzaqdan gələn tənhalıq ,təklik .
Suya həsrət qalan torpağa bənzər ,
Öpüşsüz çatlayan qönçə dodağın .
Onda anlayarsan,onda bilərsən ,
Ağrısı yamanmış unudulmağın.
Müəllif: Şəfəq SAHİBLİ
“YAZARLAR” – SİFARİŞ ET
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru