Uşaqlar
Ömrümüzə ətir saçan çiçəklər,
Sabahlara ümid verən diləklər,
Yer üzündə qəlbi təmiz mələklər,
Uşaqlardır! Uşaqlardır! Uşaqlar!
Hər fəsildə ruhumuzun baharı,
Bir gülüşü könüllərin açarı,
Dünyanın əvəzsiz sərvəti, varı,
Uşaqlardır! Uşaqlardır! Uşaqlar!
Günəş kimi parıldayıb hərarət,
Daim yayan ürəyindən məhəbbət,
Könüllərə bəxş eyləyən səadət,
Uşaqlardır! Uşaqlardır! Uşaqlar!
Camal, dünyamızın sevinc telləri,
Ətirli, qoxulu, solmaz gülləri,
Sevginin sarılan dürüst əlləri,
Uşaqlardır! Uşaqlardır! Uşaqlar!
01.06.2024.
Müəllif: CAMAL CƏFƏR
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru