Bəzən müəyyən hadisələri və s. nə qədər unutmaq istəsək də onlar barədə düşünməyi dayandıra bilmirik. Bəlkə də bu vəziyyətlə çoxumuz rastlaşmışıq. Bu zaman beynimizin iki qütbü qarşı-qarşıya gəlir.
1987-ci ildə psixoloq Daniel Wegner, düşüncələrə mane olmağın çətinliyini ölçmək məqsədi ilə bir təcrübə etmək qərarına gəlir. Təcrübə zamanı Daniel bir qrup insandan 5 dəqiqə boyunca bir qütb ayısı barədə düşünmələrini və bu zaman ağıllarına gələn şeyləri də ona çatdırmalarını, amma ağıllarına ağ qütb ayısı gəldikdə isə zəngə vurmalarını istəmişdi. İkinci bir qrupa isə həmin təcrübəni sadəcə”bir ağ qütb ayısı barədə düşünməyin” kimi yenilədi. “Ağ ayı” deyənlər və o bardə düşünənlər zəngə vurmalı idi. Nəticə isə belə idi: Zəngin səsi demək olar, dayanmırdı.
Sindromun adının “Ağ ayı” olmasının isə xüsusi səbəbi yoxdur. Burada “ağ ayı” bizim istəmədiyimiz düşüncələri təmsil edir. Düşünmək istəmədiyimiz, düşünməməyə çalışdığımız şeyləri daha çox düşünməyə başlayırıq. Yemək, içki, başımıza gələn trajikomik hadisələr və s. bunlara nümunə göstərmək olar. Ona görə də özümüzü düşünməməyə zorlamaqdansa sadəcə fikrimizi başqa yerə yönəltməyin daha məqsədəuyğun olduğu düşünülür.
“Özünüzə bu tapşırığı verin: ağ ayı haqqında düşünməməyə çalışın və görəcəksiniz ki, bu lənətlənmiş şey hər dəqiqə ağlınıza gələcək”– Dostoyevski “Yay təəssüratları üzərində qış xatirələri”
Məlumatı hazırladı: Zəhra HƏŞİMOVA
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru