Yorulmuşam
Yorulmuşam, qoca dünya,
yorulmuşam.
Çalxalanıb dağ selitək
ümmanlarda boğulmuşam…
Əkilmişəm damla-damla
dəryaların sinəsinə,
aram-aram qarışmışam
dalğaların nəfəsinə…
Nəriltili dağ selimdən
bir əsər yox!
Qovuşduğum ümmanlarda
bir kəsər yox…
Çalxalanır aram-aram,
layla deyir dağ selimə,
arabir də asta-asta
“sığal” çəkir sərt telimə…
Yumşalıram aram-aram,
bilməyirəm,
harda yoxam, harda varam,
bölünürəm param-param…
Yorulmuşam, qoca dünya…
Eldən-elə daşınmaqdan yorulmuşam.
Dəryalarda aşınmaqdan yorulmuşam.
Haqq görəndə yaşınmaqdan yorulmuşam.
Yorulmuşam, qoca dünya….
Müəllif: Naibə YUSİF
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru