ŞAİR ÖMRÜ
Bir yağış oyaqdır, bir o, bu gecə,
Şairin gözləri yuxu bilməyir.
Elə dalıb gedir düşüncələrə,
Düşdüyü quyudan çıxa bilməyir.
Bu başdöndürücü həyatın sonu,
Nə zaman gələcək tapacaq onu?!
Tüstüdür o gedən qatarın donu,
Ya da bir lənətli çuxa, bilməyir.
Keçəmmir sədləri kor yorğa ilə,
Nəsihət qulaqda asırğa elə…
Oynayır tufanla, qasırğa ilə,
Çay kimi sakitcə axa bilməyir.
İstəyir əlləri bir ələ çata,
Könül sındırmağı sayıbdı xata,
Günəş tək gələnlər axı həyata,
Ay kimi buluddan baxa bilməyir.
Yazan varsa, silən yoxdu nə üçün?
Ağlayanmı ən son gülən, nə üçün?
Hər sehiri-sirri bilən, nə üçün
Dərd əl olur, şair yaxa, bilməyir.
25.07.2024
Müəllif: Adilə NƏZƏR
Filologiya üzrə fəlsəfə doktoru
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru