Qayıt gəl…
İllərdir, yoluna dikilib gözüm,
Üzülüb ümidim, saralıb dözüm
Qaraya bürünüb şeirim, sözüm,
O sənli günləri qaytar, qayıt gəl.
Sular da yolunu salmır dərəyə,
Ceyran, cüyür gəlmir bəndə, bərəyə,
Ruhum həsrət qalıb dəli nərəyə,
O sənli ünləri qaytar, qayıt gəl.
Bütövüm doğranıb, qalıbdır yarım,
Ağlayır kamanım, sızlayır tarım,
Bitməyir illərdir heç ahu zarım,
Sənli düyünləri qaytar, qayıt gəl.
Müəllif: Naibə YUSİF
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru