QIZILI, KÜRƏN ATIM
(Qarabağ atlarına)
Balasına vəfalı,
Dostunu sevən atım.
Al günəşdən rəng alan,
Qızılı, kürən atım.
Sən cıdıra çıxanda
Yel kimi ötüb keçdin.
Dağları, meşələri,
Sel kimi ötüb keçdin.
Şöhrətin-şanın gəzər
Dünyanın hər yerində.
Adıında Qarabağ var-
Möhürün üzərində.
Sən igid oğulların
Can yoldaşı, qardaşı.
Pənah xanın dostusan,
Natəvanın sirdaşı.
Xan atım, Ceyran atım,
Sən Ağdamın incisi.
Xankəndidən boy atan
Ay Cıdır mirvarisi.
Yel kimi qanadlanan
Sən zərif, həm güclüsən,
Dünyada yarışlarda,
Həmişə birincisən.
Balasına vəfalı,
Dostunu sevən atım.
Al günəşdən rəng alan,
Qızılı, kürən atım.
6 avqust 2024.
Müəllif: Mina RƏŞİD
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru