HƏQİQƏT
Haqq, ədalət pərdələnər
Saxta iman olan yerdə.
Həqiqət şil, ayaq açmaz
Yalan ayə olan yerdə.
Sözüm öpməz dodağımı,
Gülüş silməz yanağımı,
Hicran dələr qulağımı
Kədər dayə olan yerdə.
Külək dağdan mehin alar,
Gecə güldən şehin alar,
Həyat çəndən behin alar
Kələk qayə olan yerdə.
Dərd yurd salar, şəhər olar,
Nəğmələrim qəhər olar,
Qəmə qəlbim yəhər olar
Qubar sayə olan yerdə.
Müəllif: Naibə YUSİF
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru