GƏLSİN
Möhlət daralır, mənzilə yollar kəsə gəlsin,
Allah da bilir, canda nələr var, nəsə gəlsin.
Hər kimsə ki, atsın zəri, qoy şeş qoşa versin,
Şükr eyləyirik biz, bizə bir pəncu-sə gəlsin.
Dinsin səhərin eşqi ilən bülbülü şeyda,
Bülbül səsinin aşiqi canlar səsə gəlsin.
Aşiqsə əgər, hay-küyə çox əhli-cəhalət,
Qarğa bazarından yığılıb səs-səsə gəlsin.
Cidanı alar, gizləyər iblis təkin insan,
Gizlətmək üçün ta ələ cüt-cüt kisə gəlsin.
Hər qum dənəsin mərcana döndərmir İlahi,
İlbizləri yar bax, içi dürr, ölməsə gəlsin.
Meydan verərək, genlədər isən qələgahın¹,
Mümkün ki, şəyatin babadan vəsvəsə gəlsin.
Göydən nə səda gəldi, a Zeynəb, sənin üçün,
Keçsinmi məhək yoxlamasın, dürrəsə, gəlsin.
31.08.20241 gələgah – burada: həbsxana mənasında
Müəllif: Zeynəb Cəmaləddin
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru