Куз баргидай дилгир юрагим,
Тўкилмоқда хазонрезги ҳис.
Пойингда тиз чўкди соғинч, ишқ…
Курашиб хўб толди юрагим,
Муносабат совуган ҳиссиз –
Финжондаги қаҳва сингари…
Соғинч сари чопди юрагим,
Фақат сени излайди эссиз.
Эси бўлса изламас эди.
Севишини айтмас юрагим,
Муҳаббатим кўзимда зоҳир.
Қалб кўзида уқолмас ҳеч ким.
Хазон каби тўкил юрагим!
Совуққонлик ўраб томирим,
Жоним ишқдан азоб чекмасин…
Шафақ янглиғ алвон юрагим!
Чўкди зулмат қаърига бу тун.
Юрак сенсиз бўлмас бир бутун!
Теран англаб етди юрагим,
Оғриқлари беҳуда ишқнинг…
Дард бўғзида куламан завқли!
Миллион йиллик руҳда юрагим!
Телбаларча севгани – таскин!!!
Ошиқ жоним сенга мунтазир!!!
Қоронғулик чулғаб юрагим,
Сендаги ишқ нурига шошар…
Ҳар тонг умид -қуёшим сенсан!
Шаббода бўл, шошгин юрагим,
Вақт измига бўйсунмай югур!
Зеро фурсат оз, васл – яқин…
YAZAR: НАВРУЗА БАХРИТДИНОВНА
БОЗОРОВА НАВРУЗА БАҲРИТДИНОВНА
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru