Əziz dostumuz, qardaşımız şair, publisist Faiq Balabəyli haqqında kitab hazırlanır. Tez-tez buradan da onun haqqında yazılan yazıları oxuyuruq. Mən də həmişə işığını hiss etdiyim və “qardaşım” dediyim şair dostuma bu kiçik şeiri hədiyyə elədim…
SƏN BİR DƏNİZÇİ…
(Faiq Balabəyli üçün)
Sən bir dənizçi,
səni yosunlar da, balıqlar da,
sahillər də, qumlar da sevər…
Sən bir dənizçi –
adamlar arasında da,
qəvvas kimi görünərsən,
adamları ayırmazsan, seçməzsən-
hamıya yaxşılıq edərsən…
amma səni işıqlı ürəklər, könüllər
çəkər özünə
adamlara dost, qardaş olarsan…
Sən intihar etmək istəyən birinin,
heç tanımadığın bir zavallının
boynundan ipi qoparıb
onu bağrına basan adam,
sən bir dəniz qəlbli şair,
sən bir dənizçi…
12 sentyabr, 2024
Müəllif: Mina RƏŞİD
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru