QURBAN DEMİŞƏM
Qurbanlıq demişəm, gör, neçə vaxtdır?
Həsrətəm Ocağa, sir yurdlarıma.
Gəlirəm, ay Babam, qarşıla məni,
Qaraman Ocağı, Pir yurdlarıma.
Üzün gülsün ellər, Qələbə çaldıq,
İşğaldan yurdları, gör necə aldıq?
Bir daha yetişdik, ərşə uçaldıq,
Qaraman Ocağı, Pir yurdlarıma.
Acılı günlərim getsin gəlməsin,
Daşnaklar bir daha özün öyməsin.
Düşmənin ayağı bir də dəyməsin,
Qaraman Ocağı, Pir yurdlarıma.
Həsrət idim doğma yurda, bacaya,
Sənsiz dözəmmirdim, kədər, acıya.
Üçrəngli bayrağım gərək sancıla,
Qaraman Ocağı, Pir yurdlarıma.
Əroğlu, yağılar özün öyməsin,
Qara yellər qapımızı döyməsin.
Torpağıma yad ayağı dəyməsin,
Qaraman Ocağı, Pir yurdlarıma.
Müəllif: Ədalət ƏROĞLU
Hüquqşünas-şair
>>>> ƏN ÇOX OXUNAN HEKAYƏ <<<<
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru