Xəzər bəy Hikmətoğlu – şair
Şəxsi məlumatlar
Ad, soyad: Əzizov Xəzər Hikmət oğlu
Doğum tarixi: 05 mart 1995
Doğum yeri: Azərbaycan Respublikası, Cəlilabad rayonu, Ağusəm kəndi
Milliyyəti: Azərbaycanlı
Yaşayış yeri: Bakı şəhəri, Azərbaycan
Qısa profil
Ziyalı və tarixi köklərə malik ailədə dünyaya gəlmiş, turizm sahəsində idarəçilik fəaliyyəti göstərən, eyni zamanda ədəbi yaradıcılıqla məşğul olan, ictimai və pedaqoji fəaliyyətə töhfə verən peşəkar.
Təhsil
Atatürk Universiteti
Sosiologiya ixtisası – Ali təhsil
Turizm və Sosial Xidmətlər üzrə Bakı Dövlət Peşə Təhsil Mərkəzi
Concierge ixtisası
AHA və British Council tərəfindən birgə hazırlanmış beynəlxalq sertifikat layihəsinin ilk məzunlarından biri olmuş, nəzəri biliklərini təcrübə dövründə uğurla tamamlamışdır.
Cəlilabad rayon Akademik Zərifə Əliyeva adına 7 saylı tam orta məktəb
Tam orta təhsil (2001–2012)
⸻
Hərbi xidmət
Azərbaycan Respublikası Daxili İşlər Nazirliyi – Daxili Qoşunlar
Həqiqi hərbi xidmət keçmişdir.
Xüsusi təyinatlı bölmələrdə fəaliyyət göstərmək üçün sənədlər təqdim etmiş, lakin hərbi xidmət dövründə qazanılmış sağlamlıq problemi səbəbilə qəbul edilməmişdir.
⸻
Peşəkar fəaliyyət
Otelçilik və Turizm sahəsi
Əmək fəaliyyətinə Bakı şəhərində fəaliyyət göstərən otellərdən birində bellboy vəzifəsində başlamışdır.
4 il ərzində müxtəlif otellərdə fərqli vəzifələrdə çalışaraq zəngin idarəçilik və əməliyyat təcrübəsi qazanmışdır.
Hazırda Otel Müdiri vəzifəsində fəaliyyət göstərir.
Fəaliyyəti dövründə:
• COP-29 kimi beynəlxalq əhəmiyyətli tədbirə ev sahibliyi prosesində iştirak etmişdir
• Formula 1 tədbirləri zamanı ölkəni layiqincə təmsil etmişdir
• Turizm ixtisası üzrə təhsil alan tələbələrin təlim-təcrübə mentoru kimi fəaliyyət göstərir
• Turizm ixtisası üzrə buraxılış imtahanlarında komitə sədri kimi iştirak edir
⸻
Ədəbi və yaradıcılıq fəaliyyəti
• 9 yaşında atasının şeir yazdığını öyrənməsi onda ədəbiyyata maraq oyatmışdır
• 13 yaşından etibarən şeir yazmağa başlamışdır
• Uzun müddət ədəbi fəaliyyətini gizli saxlamışdır
• ADMİU-nun Kino və Televiziya sənədləri kafedrasının dosenti Yusif müəllim Quliyevdən rejissorluq və aktyor ifaçılığı üzrə 6 ay özəl dərs almışdır
• 2024-cü ildən etibarən sənətşünaslıq üzrə fəlsəfə doktoru, dosent Fazilə xanım Abbaslının rəhbərliyi ilə ədəbi fəaliyyətini aktivləşdirmişdir
• Azərbaycan ədəbi məclisinin nümayəndələrinin dəvəti ilə müxtəlif tədbirlərdə iştirak etmişdir
• “Özümdən Küsmüşəm” adlı kitabın müəllifidir.
⸻
Ailə və nəsil tarixi
Ziyalı və vətənpərvər ailə ənənəsinə malikdir.
Ulu babası – Miralı xan
Çar Rusiyası dövründə Cənubi Azərbaycandan olan Qacarlar mənsubu Nəcəfqulu xanın Şimal Azərbaycanın cənub istiqamətində həyata keçirdiyi talançı yürüşünün qarşısını almış, yağmalanmış kəndlərin mal-qarasını talançılardan alaraq sahiblərinə geri qaytarmışdır. Bu şücaətinə görə II Nikolay tərəfindən xüsusi şücaət medalı və gizir rütbəsi ilə təltif olunmuşdur.
Böyük babası – Böyükağa Əzizov
1941–1945-ci illər İkinci Dünya müharibəsində iştirak etmişdir. Mozdok və Taqanroq müdafiəsində fərqlənmiş, döyüşdə ağır yaralanaraq bədənində çoxsaylı qəlpə ilə ordu sıralarından qazi kimi Vətənə dönmüşdür.
Ərəb, latın və kiril əlifbalarında sərbəst yazıb-oxumağı bacarmış savadlı şəxs olmuşdur.
Cəlilabad rayon Ağusəm kəndində Engels kolxozunda anbardar, Xənəgah kəndində ser post müdiri vəzifələrində uzun müddət fəaliyyət göstərmişdir.
Babası – Əzizov Zöhrab Böyükağa oğlu
Bakı şəhərində mexaniki təhsil müəssisələrindən birində təhsil almışdır.
Göyçay Kənd Təsərrüfatı Texnikumunu bitirmişdir.
Cəlilabad rayon MTS-də mühəndis kimi fəaliyyət göstərmiş, xüsusi tapşırıqla Bəxtiyar adına sovxoza mühəndis kimi göndərilmişdir.
Savxozda:
• Kommunist Partiyasının Cəngan sovetliyinin ərazisi üzrə partiya komitəsinin katibi
• Həmkarlar ittifaqının sədri
• Kənd Sovetinin sədri
• Bəxtiyar Sovxozunun direktor müavini
vəzifələrində uzun müddət fəaliyyət göstərmişdir.
Atası – Əzizov Hikmət Zöhrab oğlu
Bakı Dövlət Universitetinin Tarix fakültəsini yüksək nəticələrlə bitirmişdir.
Himayəsində olan bacı-qardaşlarına və övladlarına yaxın olaraq yaşamlarına dəstək olmaq üçün şəxsi karyera imkanlarından məcburi olaraq imtina edərək Cəlilabad rayon Ağusəm kəndində Ümumdünya və Azərbaycan tarixi müəllimi kimi fəaliyyət göstərmişdir.
Hazırda Cəlilabad rayon Eldəniz Yusubov adına 1 nömrəli tam orta məktəbdə Ümumdünya və Azərbaycan tarixi müəllimi kimi fəaliyyətini davam etdirir.
Uşaqlıq illərindən Xəzər bəyə vətənə və millətə bağlılıq hissini aşılamışdır.
Xəzər bəy Hikmətoğlunun yazıları
Məlumatı hazırladı: Leyla Mahirqızı
Oxuyun >> Gözündə tük var
Zaur Ustacın şeirləri haqqında