ИЖАРА УЙЛАРДА

Ижара уйларда яшагим келмас,
Негадир, бўғилиб кетар нафасим.
Ижара уйларда, озодлик бўлмас,
Ичингда йўқ бўлиб кетади сасинг…

Унда тароват йўқ, зарра ҳаловат,
Ғашингга тегади деразалари.
Шердек ғажиб ташлар, ожизлик—ҳасрат,
Зиндонга қамалган махбус сингари…

Ижара уйларнинг баҳори гулсиз,
Байрами жудаям ғарибонадир.
Ижара уйларнинг ёзи қуёшсиз,
Ижара уйларга эрк бегонадир…

Мен нима ғамдаман, дунё не кўйда,
Жииим сақлаб яшайман одобларимни.
Ўзим зўрға сиққан ижара уйга,
Сиғдира олмайман китобларимни…

04.11.2023-йил

Автор: Жаҳонгир НОМОЗОВ

Müəllif: Cahangir NAMAZOV,
“YAZARLAR” jurnalının redaksiya heyətinin üzvü, Özbəkistan üzrə təmsilçisi

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<I