WWW.YAZARLAR.AZ

YAZARLAR.AZ
===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Əlirza HƏSRƏT – SAMOVAR TÜSTÜSÜ

Sentyabr 14, 2024 www.bitik.az Bir şərh yazın

SAMOVAR TÜSTÜSÜ
Samovar tüstüsü tutub gözünü,
Düşüb ortalığa çayçı oynayır.
Gördüm dodaq büzür nimdaş ömrümə,
Dərzinin əlində qayçı oynayır.

Qoy verim özümü ocaq hisinə,
Bəlkə duman tutan dağlar isinə.
Ovçu bərəsində güllə səsinə,-
Qərib durnaların köçü oynayır.

Buludlar gözünü sıxdıqca Yerə,
Bir payız nəğməsi oxuyur hərə.
Qonşu sığal çəkir yun əlçimlərə,
Cəhrə qəşş eləyib, düyçə oynayır.

Müəllif: Əlirza Həsrət

YAZARLAR.AZ
===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Əlirza HƏSRƏT – Əsəd Cahangir

Sentyabr 8, 2024 www.bitik.az Bir şərh yazın

SÖZÜN ULU HÖRMÜZÜ
(Əsəd Cahangirin 55 illiyinə)
Kim çaldısa bu zəngi,
“İki beş”dir ahəngi.
Sözümüzün nəhəngi,
Şiri Əsəd Cahangir.

Nə qulu,nə şahı var,
Daha nə günahı var?
Harda iki dahi var,-
Biri Əsəd Cahangir.

Saçlarında dən gözəl,
Dağda duman,çən gözəl.
Bu şeirin ən gözəl,-
Yeri Əsəd Cahangir.

Sözə ki, yatdı gözü,
Olmaz gecə, gündüzü.
Sözün Ulu Hörmüzü,-
Piri Əsəd Cahangir.

Müəllif: Əlirza Həsrət

YAZARLAR.AZ
===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

SƏNSƏN TALİSMANIM, CƏLİLABADIM

Avqust 22, 2024 www.bitik.az Bir şərh yazın

SƏNSƏN TALİSMANIM, CƏLİLABADIM
Hər döyşdə igidlərin ad olub,
Ad olanlar uçmağa qanad olub.
Ulduzların yaxasından od alıb,
Bu sübh gözlü danım, Cəlilabadım.

Könüllərdə yerin düzüm-düzüm ki,
Bal dadından şirə çəkib sözüm ki.
Harda olsam,üstündədir gözüm ki,
Ey şöhrətim-şanım Cəlilabadım.

Bu milləti qurtarıb çox tuzaqdan,
Qazan köşkü əl eləyir uzaqdan.
Köks ötürüb şair dostum Qazaxdan,-
Səni deyir, canım Cəlilabadım.

Qismətinmiş bu yır-yığış,köç nədən?
Mişarçaydan bir udum iç köçmədən.
Bu dünyada qorxum yoxdur heç nədən,
Sənsən talismanım, Cəlilabadım.

Müəllif: Əlirza Həsrət

YAZARLAR.AZ
===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Əlirza HƏSRƏT – CIDIR DÜZÜNDƏ

İyul 19, 2024 www.bitik.az Bir şərh yazın

CIDIR DÜZÜNDƏ
(Sevimli şair dostum Qəşəm Nəcəfzadəyə)
Şeir oxuyurdun Cıdır düzündə,
Sovqatın eşq idi Şuşadan sənin.
Hər misran bir nazlı simfoniyaydı,
Sıxanda əlini Natəvan sənin.

Sevdası başqaydı çəkdiyin ahın,
Nə qəfəs bülbülün,nə bu taxt şahın.
Dönür “Durnalar”ı Molla Pənahın,
Vəsfinə dayanıb Cabbar,Xan sənin.

Şuşada dağların o duman tülü,
Yenə yaraşıqlı,yenə mürgülü.
Bağrına basıbsan Xarıbülbülü,
Şeir göyərtdiyin o meydan sənin.

Müəllif: Əlirza Həsrət

YAZARLAR.AZ
===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Əlirza HƏSRƏT – GÜL SATAN QIZCIĞAZ

İyul 17, 2024 www.bitik.az Bir şərh yazın

GÜL SATAN QIZCIĞAZ

Gül satan bu qızcığazın,
Dili şəkər,sözü güldür.
Bələnib çiçək ətrinə,
Bəxtəvərin özü güldür.

Şeh tutanda səhər çiçək,
Hər nazənin xəbər çiçək.
Dəstə-dəstədir hər çiçək,
Daşdan çıxan ruzu,güldür.

Qaçanda yuxusu qızın,
Çıxar səsinə qu qızın.
Çiçək aldığım bu qızın,-
Ürəyində gözü güldü…

Müəllif: Əlirza Həsrət

ZAUR USTACIN YAZILARI

YAZARLAR.AZ
===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Əlirza HƏSRƏT. YASƏMƏN.

May 7, 2023 www.yazarlar.az Bir şərh yazın

ƏLİRZA HƏSRƏTİN YAZILARI

YASƏMƏN
Bu yaz da yetirdim özümü sənə,
Qoy sürtüm əlimi, üzümü sənə.
Yollar heykəl qoyub izimi sənə,
Düşübsən ağıza-dilə, yasəmən.

Diksindir laləni,oyat süsəni,-
Qızlar ad seçəndə özünə səni.
Divanə ruhuma şam tut busəni,
Yaxanı açanda yelə, yasəmən.

Hər gülün budaqda yanan bir işıq,
Şehindən ver içim qoy qaşıq-qaşıq.
Ətrindən məst olan bu qərib aşıq,-
Çətin ki özünə gələ, yasəmən.

Müəllif: Əlirza Həsrət

>>>> ƏN ÇOX OXUNAN HEKAYƏ <<<<

PDF>>>ZAUR USTAC UŞAQ ŞEİRLƏRİ

PDF: >>>>> ZAUR USTAC “QƏLƏMDAR-2”

PDF>>> ZAUR USTAC “BB” KİTABI

ZAUR USTACIN SATIŞDA OLAN KİTABLARI