WWW.YAZARLAR.AZ

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Зуҳра Бегим – КУЗ ЁМҒИРИ

Sentyabr 30, 2024 www.bitik.az Bir şərh yazın

КУЗ ЁМҒИРИ

Кўз ёшимдан ранг олди ёмғир,
Томчилади майдалаб аста.
Булутларнинг ранги қорамтир,
Самоватнинг юраги хаста.

Вужудимни титратди бир ҳис
Ловуллаган юрагим алвон.
Истагимнинг рўёби танқис
Хаёлларим сочилди ҳар ён.

Хотирамнинг сирдарёсида,
Тўлқинланди ҳижрон тошқини.
Орзуйимнинг кенг дунёсида
Учқунланди ҳаёт ёлқини.

Куз ёмғири – кўнгил ёмғири,
Ёғгил, йиллар гардини ювиб.
Қулоғимда қолсин шивиринг
Дилдан ҳайда, ҳасратни қувиб.

Булут тўла намхуш осмонга,
Кўнгил куйган бағрини тутсин.
Қадрин билмай эврилган жонга,
Сел бўлиб қўй, дардин унутсин.

Соғинч қалбга солса изтироб,
Узоқ ўйга толар кўз қири.
Шоир дили бўлмасин хароб,
Умид бергин, кузнинг ёмғири.

Müəllif: Зуҳра Бегим

Zuhra Begim <<<< >>>> Зуҳра Бегим

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Зуҳра Бегим – КУЗНИНГ СУРАТИ…

Sentyabr 14, 2024 www.bitik.az Bir şərh yazın

КУЗНИНГ СУРАТИ…

Куз келиб тўкилар боғнинг оҳори,
Булутни бағрига чорлайди осмон.
Гумбурлаб чалинар чақмоқнинг тори,
Оламга айлайди тириклик эҳсон.

Жимирлаб-жимирлаб чайқалар ҳовуз,
Шамолда силкиниб шивирлайди тол.
Япроқлар шудрингга ювар экан юз,
Заминнинг бошига урайди рўмол.

Оқбадан теракнинг либоси олтин
Бўйи басти билан ўйчан кузатар.
Борлиққа ризқ бергач, олмоқ учун тин,
Она ер хотиржам оёқ узатар.

Потирлаб учади қушлар галаси
Қишни хушламоққа етмай журъати.
Олисда кутади иссиқ даласи,
Шоирнинг қалбида кузнинг сурати…

Müəllif: Зуҳра Бегим

Zuhra Begim <<<< >>>> Зуҳра Бегим

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Зуҳра Бегим – АВГУСТ

Sentyabr 4, 2024 www.bitik.az Bir şərh yazın

АВГУСТ

Булутни хуш кўрди кетар чоғида,
Ёмғир қўшиғини куйлади осмон.
Муҳаббат ўртанди кўнгил боғида,
Хотирлар эшиги очилди шу он.

Борлиқни кузатган ўйчан кўзларда,
Меҳрнинг соғинчли, унсиз сурати.
У жаранг сочмоқ-чун назмий сўзларда,
Юракни титратар ишқнинг қудрати.

Совутмоқ истади ўт олган дилни,
Ўткинчи ҳисларга ясаб ниҳоя.
Тизгинсиз хаёллар ёзар чигилни,
Руҳият саҳнида туғилар ғоя.

Орзу ва армонлар келар устма-уст,
Муродга етганлар бахтлидир шу тоб.
Сўнгги дам ёмғирга юз тутди август,
Қалбимни ром этди гўзал изтироб.

Müəllif: Зуҳра Бегим

Zuhra Begim <<<< >>>> Зуҳра Бегим

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Зуҳра Бегим – СИЗ…

Sentyabr 2, 2024 www.bitik.az Bir şərh yazın

СИЗ…

Сиз – мен севиб, қўлдан қўймаган китоб,
Ҳар бир варағида кўнгил сўроғи.
Маъшуқа ишқида дардли изтироб –
Юракни уйғотган бахт қўнғироғи.

Зарҳал саҳифаси ўзгача олам,
Қалбингиз қўридан топаман қўним.
Севгингиз сеҳридан тарқайди алам,
Муҳаббат шавқига йўғрилар куним.

Ҳали ўқилмаган мавзулар бисёр,
Кўздан кечираман варақлаб бир-бир.
Соғинч тўла гўзал хотирлари бор,
Қайтадан ўқигим келар негадир.

Кўнглим кулбасини ёритган маёқ,
Гул каби асрайди нозик ҳисларим.
Туйғулар измига йўллар иштиёқ,
Бироз енгиллашар дил юмушларим.

Умрим боғларини гуллатган боғбон,
Ёшликка қайтарар меҳрингиз шу тоб.
Кўнглимдан жой олган биргина инсон,
Сиз – мен севиб, қўлдан қўймаган китоб.

Müəllif: Зуҳра Бегим

Zuhra Begim <<<< >>>> Зуҳра Бегим

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Зуҳра Бегим – ЧИН ДЎСТ

Avqust 25, 2024 www.bitik.az Bir şərh yazın

ЧИН ДЎСТ
Тоза туйғуларга йўғрилган қалби,
Ҳеч қачон дилингга бермагай озор.
Ғам-у аламларда йўқ асло айби,
Лек кўнгил кўтарган таскинлари бор.

Меҳрининг тафтидан баҳраманд бўлиб,
Андуҳлардан йироқ яшайсан шу дам.
Юрак йиғласа-да, юзларинг кулиб,
Ҳаётни қайтадан бошлайсан илдам.

Яхши-ёмон кунда бўлгувчи ҳамдард,
Олов ўт пўркаса, тушиб қасдингга.
У далда бўлади қўндирмасдан гард,
Баҳорий руҳ бериб, умр фаслингга.

Тўрт кунлик дунё ҳам ўтар-у кетар,
Инсоннинг инсонга меҳри ҳам бойлик.
Юзтамас, битта чин дўст бўлса етар,
Бу ҳаёт дўст ила ўтар чиройлик.

Müəllif: Зуҳра Бегим

Zuhra Begim <<<< >>>> Зуҳра Бегим

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

KITOB-MA’NAVIYAT KO’ZGUSI – OYU

Avqust 7, 2024 www.bitik.az Bir şərh yazın

KITOB-MA’NAVIYAT KO’ZGUSI

A.S.Pushkin nomidagi viloyat kutubxonasida O’zbekiston Yozuvchilar uyushmasi Samarqand viloyat bo’limi hamkorligida “Kitob – ma’naviyat ko’zgusi” mavzusida ma’naviy-ma’rifiy tadbir bo’lib o’tdi.
Tadbirda O’zbekiston Yozuvchilar uyushmasi viloyat bo’limi bosh mutaxassisi Zuhra Begim yoshlar o’rtasida kitobxonlikni targ’ib qilish hamda kitob ma’naviyat – ko’zgusi ekanligi haqida to’xtaldi.

Shoirlar Zafar Aliboyev va Tursunpo’lat Elchiyev kitobning inson hayotidagi o’rni haqida so’zladi.
Tadbir doirasida Shohsanam Abirqulovaning “Orzular og’ushida” she’riy kitobi taqdimoti o’tkazildi. Ustoz shoirlar tomonidan yangi to’plam haqida fikr-mulohazalar bildirildi.
To’garak a’zolari ijod namunalaridan o’qib berdi. Tadbirda faol ishtirok etgan ijodkorlarga faxriy yorliq va esdalik sovg’alari topshirildi.

O’zbekiston Yozuvchilar uyushmasi Samarqand viloyat bo’limi

www.USTAC.az

O’zbekiston xalq yozuvchisi O’tkir Hoshimov tavalludi munosabati bilan tadbir o’tkazildi.

Avqust 5, 2024 www.bitik.az Bir şərh yazın

Bugun O’zbekiston Yozuvchilar uyushmasi Samarqand viloyat bo’limi qoshidagi “Sadoqat” ijodiy to’garagi a’zolari o’rtasida O’zbekiston xalq yozuvchisi O’tkir Hoshimov tavalludi munosabati bilan tadbir o’tkazildi. Tadbirni uyushmaning viloyat bo’limi bosh mutaxassisi Zuhra Begim ochib, yozuvchining hayoti va ijodi haqida to’xtaldi. Shoirlar Zubaydulla Ibragimov, Guli Nasimova, Marziya G’afforova va boshqalar so’z olib, adibning boy adabiy merosi haqida gapirdi.
O’tkir Hoshimov hayoti va ijodiga bag’ishlangan hujjatli film namoyish etildi.

Yosh ijodkorlar уоzuvchining asarlari haqida fikrlarini bildirishdi.

O'zbekiston Yozuvchilar uyushmasi Samarqand viloyat bo'limi

www.USTAC.az

Зуҳра Бегим – ТАБИАТ

Avqust 5, 2024 www.bitik.az Bir şərh yazın

ТАБИАТ

Борлиққа кўрк бериб, яралган бекам,
Инсонни яшашга ундайди завқи.
Ахир шундай қилиб яратган эгам,
Юракка куч берар тириклик шавқи.

Бу замин кўшкида умр гузарон
Қилмоқлик бахтига бўлдик муяссар.
Суронга сабабчи бўлганда бўрон,
Кўнгилни кўтарар, дилкаш, мухтасар.

Фасллар жилваси~ жўшқин палласи,
Ариқда тошларни опичлайди сув.
Дилларни яйратар кўклам даласи,
Боғдаги гулларнинг чеҳраси сулув.

Улкан мўъжизага пешвоздир олам,
Гоҳ тиниқ, гоҳ лойқа умр дарёси.
Нафосат, эзгулик қарорида жам,
Она табиатнинг йўқдир қиёси.

Müəllif: Зуҳра Бегим

Zuhra Begim <<<< >>>> Зуҳра Бегим