WWW.YAZARLAR.AZ

Oxuyun >> Gözündə tük var

www.USTAC.az

Зуҳра Бегим – РАМАЗОН ОЙИ

Fevral 20, 2026 www.bitik.az Bir şərh yazın

РАМАЗОН ОЙИ

Оламни нурафшон айламоқ учун
Самодан фараҳбахш саболар елди.
Саҳиҳ имконларга йўл очиб бугун
Биз кутган муборак Рамазон келди!

Саҳар намозгоҳда қилинган дуо
Жаннат эшикларин қулфини очар.
Ғафлат уйқусидан уйғонар дунё,
Борлиққа эзгулик уруғин сочар.

Тавба-тазаррудан бериб ишорат,
Жойнамоз устида келтирар иймон.
Барча гуноҳларин қилиб кафорат,
Истиғфор зикридан тозарар виждон.

Замин елкасида оппоқ фаришта,
Булбулнинг тилидан тушмас саловат.
Асрий орзуларни боғлаган ришта,
Узлатга равона бўлар адоват.

Тутқунликнинг темир исканжасидан,
Руҳни озод этар нуроний сабр.
Шиддатли замоннинг ўт нафасидан,
Ўрнини топади муаззам қадр.

Оқшом юлдузларга жўр бўлиб осмон,
Сокинлик қўшиғин қилар хиргойи.
Қалбни асрамоққа ундар покдомон
Ниятлар рўёби – Рамазон ойи

Müəllif: Зуҳра Бегим

Zuhra Begim <<<< >>>> Зуҳра Бегим

Oxuyun >> Gözündə tük var

www.USTAC.az

Зуҳра Бегим – БОБУР ҒАЗАЛИГА МУХАММАС

Fevral 14, 2026 www.bitik.az Bir şərh yazın

БОБУР ҒАЗАЛИГА МУХАММАС

Кўнглимга ўлтиргувчи дўсти ёр топмадим,
Чашми шамшод, қомати гул рухсор топмадим,
Дилга малҳам бўлгувчи мададкор топмадим.
Жонимдин ўзга ёри вафодор топмадим,
Кўнглимдин ўзга маҳрами асрор топмадим.

Манимдек хаста ҳол ёки афгор кўрмадим,
Ғамдин фориғ этгувчи ғамгусор кўрмадим,
Бу кўнгулни мамнуну миннатдор кўрмадим,
Жонимдек ўзга жонни дилафгор кўрмадим,
Кўнглим киби кўнгулни гирифтор топмадим.

Ишқ ўти ёндирур гар айласанг маҳлиё,
Ошиқлигим бир куни бошимга бўлгай бало,
Марднинг иши жасорат, ҳақ сўзидир индалло,
Усрук кўзига токи кўнгил бўлди мубтало,
Наргис бу телбани яна ҳушёр топмадим.

Бу девона кўнгил ғариб, зоримни кутай,
Ёр хажрида ўртанамен, васлига етай,
Гар қадрига етолмасам, дўзахга кетай,
Ночор фурқати била хўп этмишам, нетай,
Чун васлиға ўзумни сазовор топмадим.

Хаёлимни этса шайдо бир нозанин гул,
Хаста дилнинг хонишидин бўлсайдим булбул,
Сўзларимга парво қилмас, сочлари сунбул,
Боре борай эшигига бу навбат, эй кўнгул,
Нечаки бориб эшигига бор топмадим.

Ёнимдамас ҳар он ёдимда борсизки, мен,
Тутқич бермас нигоҳингиз ҳушёрсизки, мен,
Зуҳро куймас беҳудага даркорсизки, мен
Бобур, ўзингни ўргата кўр, ёрсизки, мен
Истаб жаҳонни, мунча қилиб, ёр топмадим.

Müəllif: Зуҳра Бегим

Zuhra Begim <<<< >>>> Зуҳра Бегим

Oxuyun >> Gözündə tük var

www.USTAC.az

НАВОИЙ ҒАЗАЛИГА МУХАММАС

Fevral 9, 2026 www.bitik.az Bir şərh yazın

НАВОИЙ ҒАЗАЛИГА МУХАММАС

Ишқинг гуфторидин садо қилмадинг,
Боғда булбул киби наво қилмадинг,
Ўзга хору, ўзни гадо қилмадинг,
Басе, дард бердингу даво қилмадинг,
Ғами ранжим англаб, шифо қилмадинг.

Беҳижоб илгида бор кайфу сафо,
Не ситамким, ёрни деб чекдим жафо,
Кўнгил зулфин очгум, асраб мусаффо,
Басе ваъда бердинг қилай деб вафо,
Ҳамин ваъда қилдинг, вафо қилмадинг.

Кўксим камонингдин чок боттинг менга,
Хаёлан қўлингни узоттинг менга,
Балолиғ заҳмини кўп соттинг менга,
Гунаҳсизки, ҳажр ўқи оттинг менга,
Хато эрди, аммо хато қилмадинг.

Гулхан бўлдинг, ҳамоно билдурмадинг,
Хасдек жонни назарга илдурмадинг,
Рухсорингни ғамзасин жилдурмадинг,
Висолингга кўнглимни тиндурмадинг,
Фироқингда то мубтало қилмадинг.

Дилимда асрадим ошкор этмай сир,
Мунгли қароғларим меҳроби басир,
Муҳаббат мулкидан бор этдинг қаср,
Кўнгил бирла жонни ҳам эттинг асир,
Бу шиддатни ёлғуз манго қилмадинг.

Ёр гулзордан атир гуллар термади,
Наззора дил бердим, кўнгил сурмади,
Бир бора меҳрини раво кўрмади,
Яқин истамак даст агар бермади,
Йироқтин доғи марҳабо қилмадинг.

Етмасми юракни ҳижрон тилгани,
Бошидан ўтказгай ҳар куйни бани,
Дилкушо айлади Зуҳро билгани,
Наво бирла гарчи ҳеч кимсани,
Навоий киби бенаво қилмадинг.

Müəllif: Зуҳра Бегим

Zuhra Begim <<<< >>>> Зуҳра Бегим

Oxuyun >> Gözündə tük var

www.USTAC.az

Зуҳра Бегим – НАВОИЙ

Fevral 9, 2026 www.bitik.az Bir şərh yazın

НАВОИЙ
Кўнгил мулки бирла бўлиб ҳамхона,
Сўзлар ганжинасин айлаб нишона,
Илму маърифатни истаб жаҳона,
Қалб амрига қулоқ тутди Навоий.

Ой синиқ нурларин тўкканда оқшом,
Ишқнинг шаробига тўлганида жом,
Зиё гулшанини қилмоқ-чун инъом,
Машаққат заҳмини ютди Навоий.

Зим-зиё тунларни оқ тонгга улаб,
Беадоғ сўзларни ғалвирдан элаб,
Келажак авлодга рўшнолик тилаб,
Нурафшон кунларни кутди Навоий.

Ҳикмати олтину дурдона қаср,
Илм эшикларин очди бирма-бир,
Асл мўъжизалар яратиб охир,
Дунёдан тоқ бўлиб ўтди Навоий.

Мангуга юз тутиб кетди Навоий…

Müəllif: Зуҳра Бегим

Zuhra Begim <<<< >>>> Зуҳра Бегим

Oxuyun >> Gözündə tük var

www.USTAC.az

Зуҳра Бегим – ГЎЗАЛЛАШДИ ҚИШ

Yanvar 30, 2026 www.bitik.az Bir şərh yazın

ГЎЗАЛЛАШДИ ҚИШ

Қори билан гўзаллашди қиш,
Бағри тўлди она заминнинг.
Аёз қисиб қайрар экан тиш,
Шашти анча пасайди куннинг.

Қир-адирлар пар кўрпа ёпиб,
Эртасини ўйлайди сокин.
Майсаларнинг илдизин қучиб,
Тупроқ қорнинг татийди тотин.

Кўчаларнинг юзи ялтираб,
Тарновларда осилади муз.
Кўкда булут ўйчан дилдираб,
Ер юзига сочар майин туз.

Ҳиссиётлар бағрига чорлаб,
Ром айлайди шоир қалбини.
Дилда илҳом ёғдуси порлаб,
Адо этар кўнгил амрини.

Боғлар зарли рўмол ўрайди,
Табиатнинг кўрки жилвакор.
Боқсанг шаксиз юрак яйрайди,
Ҳар фаслнинг мўъжизаси бор.

То февралнинг сўнгигача қиш,
Қанот ёзиб ёғавергин қор.
Бисотингни қилгин намойиш,
Забт этгунча оламни баҳор.

Müəllif: Зуҳра Бегим

Zuhra Begim <<<< >>>> Зуҳра Бегим

Oxuyun >> Gözündə tük var

www.USTAC.az

Зуҳра Бегим – ШУКРОНА

Yanvar 22, 2026 www.bitik.az Bir şərh yazın

ШУКРОНА

Талотўп дунёнинг ғавғолари кўп,
Бир текис ўтмагай ҳеч қачон ҳаёт.
Қувончнинг ортида ғам юки тўп-тўп,
Шоирнинг қонидан яралгай баёт.

Билмаймиз, умримиз қанчаси баҳор,
Кўнгилдан эътиқод қилмоқ ибодат.
Тинч, омон яшашнинг ўзга гашти бор,
Ҳар тонг уйғонмоқнинг ўзи саодат.

Кўз очиб кўрган юрт соябон бўлиб,
Тўрт фасл неъматин қўлингга тутса.
Не бахтки, пойингда йиллар тўкилиб,
Сўнгги дам Она ер қўл очиб кутса.

Руҳимга куч берар суюкли диёр,
Юракка солмайман ғамнинг гардини.
Дунёда бўлмайди мендек бахтиёр,
Олиб чиққан куним элнинг дардини.

Шукрона келтириб кечган умримга,
Тунда қалам ила суҳбат қураман.
Юртим жамолини чизиб қалбимга,
Халқимнинг меҳрини туйиб тураман.

Müəllif: Зуҳра Бегим

Zuhra Begim <<<< >>>> Зуҳра Бегим

www.USTAC.az

Зуҳра Бегим – ЯНГИ ЙИЛ

Dekabr 31, 2025 www.bitik.az Bir şərh yazın

ЯНГИ ЙИЛ

Ассалом, Янги йил, байрамлар боши!
Қаршимда нигоҳинг тикиб турасан.
Қорларинг осмоннинг қувонч кўз ёши,
Интизор дилларга ором берасан.

Арча атрофида жамулжам бўлиб,
Дийдор кўришади дўсту қариндош.
Ўткан ҳар бир кунни сарҳисоб қилиб,
Бир-бирин кўнглини кўтарар дилдош.

Байрамнинг кўркидир тўкин дастурхон,
Кишига завқ берар қиш таровати.
Қўл очиб кутади ҳазрати Инсон,
Бу бизга тинчликнинг юрт шарофати.

Само ризқ улашиб, оқ зар эласин,
Табиат базмидан хушнуд бўлгин дил.
Она бешигига фарзанд беласин,
Бахт ва омад олиб келгин, Янги йил!

Müəllif: Зуҳра Бегим

Zuhra Begim <<<< >>>> Зуҳра Бегим

www.USTAC.az

Зуҳра Бегим – ИШҚНИНГ МАЙДОНИДА

Noyabr 30, 2025 www.bitik.az Bir şərh yazın

ИШҚНИНГ МАЙДОНИДА

Бир умр қалбимда ўчмас из бўлиб,
Сокин нигоҳимга сассиз ўрнашдинг.
Токи юрагимдан жой олгунингча,
Ишқнинг майдонида жангсиз курашдинг.

Меҳрдан жо бўлди қадр риштаси,
Тоғдек юксалтирдинг нозик кўнглимни.
Оғир дамларимда беролдинг таскин,
Очиб қўйдинг шамол тўсган йўлимни.

Ҳаёт сўқмоғидан юрганим сари
Ботди товонимга жафокаш тошлар.
Йилларнинг юзига томди чакиллаб,
Армоннинг кўзидан оққан кўз ёшлар.

Гоҳида бу очун торайди дилхун,
Тун чўкди бағримга чексизлик қадар.
Дил телба севгингни англамагунча,
Самовий руҳимга келмади хабар.

Дилингда жо бўлган нафис туйғуни,
Ҳис қилдим тафти ўт нурли юзингдан.
Бемисл хислатинг чорлайди ҳар он,
Ишқингни англайман теран кўзингдан.

Қалбимга муҳаббат ҳадя этдинг,
Тумандай тарқади зулумкор фироқ.
Кўнглим билан бирга ошуфта кўнглинг,
Мендан олисларда бўлсанг ҳам йироқ.

Müəllif: Зуҳра Бегим

Zuhra Begim <<<< >>>> Зуҳра Бегим

www.USTAC.az

Зуҳра БЕГИМ – Мен чексиз самода ёлғиз бир юлдуз!

Noyabr 27, 2025 www.bitik.az Bir şərh yazın

Сокин тун ороми ичра тўлғаниб,
Хаёлга элтади саррин саболар.
Юракда шафақ ранг олов чўлғаниб,
Қулоққа чалинар мунгли наволар.

Борлиқни тутганда ширин ифорлар,
Нигоҳлар ортида сукут сақлар ун.
Муштоқ кўнглимизга келса баҳорлар,
Гул бўлиб бораман ёнингга бир кун.

Мен чексиз самода ёлғиз бир юлдуз,
Ҳисларим ёйилган замин бағрига.
Дарднинг кўзи ёриб, туғиларкан сўз,
Шу сўз деб бош эгдим кўнгил амрига.

Ишқнинг туғёнида туғилдим қайта,
Қалбимни титратди инжа туйғулар.
Сабр-ла яшадим, шукрона айта,
Шул сабаб чекинди ортга қайғулар.

Нафосат гулшани – умр мазмуни
Ҳаётнинг жилоси – камалак ранглар.
Ошиқ дил орзуга етишган куни
Севгининг самовий куйи жаранглар

Müəllif: Зуҳра Бегим

Zuhra Begim <<<< >>>> Зуҳра Бегим