WWW.YAZARLAR.AZ

(Бозорова Навруза Баҳриддиновна), шоира.
Ангрен шаҳар 34-мактаб-интернати ўқитувчиси ва Нейролингвистика маркази дефектолог-логопеди.

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Навруза Баҳритдиновна – Салом куз

Sentyabr 1, 2024 www.bitik.az Bir şərh yazın

Салом куз, севгилим, руҳим лаззати,
Наҳотки васлингга етдим мен ростдан!
Интиқиб зор кутдим, соғинч-ҳасратда,
Кўз ёшим яширди ёмғир бехосдан…

Музда ҳис-туйғусиз титраб бойчечак,
Баҳордан бебаҳра ўтгани армон,
Мен умрим куз фасли остонасидан,
Сокин қалбинг сари ошиқдим шу он!

Куз – сен ёлғизлигим юзидай маъсум,
Кел ишқ, онг-шуурим қалбга йўл очар!
Ийманиб қарайсан сокин табассум,
Сенинг кулгучингда жозиба сочар!

Оташнафас қуёш заррин нурини,
Булутлар ортига беркитди ғамгин…
Сен мендан яширма туйғуларингни,
Завқ-у шавққа тўлиб тараннум этгин!

Куз – руҳим лаззати, хотиржам қалбим,
Кел бирга оташин суҳбат қурамиз!
Хазонрезги боғда хаёл суриб жим,
“Телба ошиқ” номли китоб ёзамиз!!!

Салом куз, севгилим, руҳим лаззати,
Сукунатга чўмиб, бахтни туямиз!

2024.09.01. Ангрен.

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Бозорова Навруза Бахритдиновна

Avqust 28, 2024 www.bitik.az Bir şərh yazın

Кўзим, сўзим, ўзим, жон, вужуд,
Севги нигоҳида сассиз илинжим…
Дард тўфони ичра тўлғониб фарёд ,
Ҳар ёнга сочилиб кетди соғинчим!

Гул яноғи бўйлаб сочилган шабнам,
Кўзим соғинчида мавжланган ёшим…
Жонтомирим занжир, исканжа ишқим,
Умид уфққа ботар, сўнар қуёшим…

Вафосиз дунёси, меҳр тош қотган,
Кўзида, сўзида риё матлаби…
Ўзидан ҳам аъло кўрган жон билан,
Ўзлигидан кечмоқ ишқнинг талаби!

Севги тўлқинида сарсона кўнгил,
Кимсасиз оролда истар ҳаловат…
Вақтга кўмилган ишқ, умр обу-гил,
Соғинч соҳилида кўнгил омонат.

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

“БИР ВОДИЙ НАВОЛАРИ” тўплами нашр этилди.

Avqust 17, 2024 www.bitik.az Bir şərh yazın

“БИР ВОДИЙ НАВОЛАРИ”
тўплами нашр этилди.

Ўзбекистоннинг Водийси ҳудудида жойлашган Андижон, Наманган ва Фарғона вилоятлари ҳамда Тожикистоннинг Суғд вилоятида (шунингдек, жанубий тожикистонлик) қалам тебратувчи бир гуруҳ ижодкорлар адабиётларимизга хос бўлган дўстона удумларимизни давом эттириб нашр қилдилар.
Ўйлаймизки, мазкур «Бир водий наволари» тўплами ўзбек-тожик дўстлиги ришталарини янада мустаҳкамлашга хизмат қилади.

ТЎПЛАМДА ИЖОД НАМУНАЛАРИ ЖОЙ ОЛГАН МУАЛЛИФЛАР:

Абдували БЕКМУҲАММАД,
Абдуллажон ДЎСТИЙ,
Абдурашид БУРГУТОВ,
Абдурашид ЭРГАШЕВ,
Гулчеҳра БОБОЕВА,
Дилором ЭРГАШЕВА,
Дилшода ЭРГАШЕВА,
Зиёвиддин МАНСУР,
Иброҳим ОЛИМ,
Мунаввара УСМОНОВА
Муқаддасхон ЭҲСОНОВА,
Муқимжон НУРБОЕВ,
Муҳтарама АСЛОНОВА,
Наргизахон ЁҚУБЖОН қизи,
Неъмат МУҲАММАД САИД,
Расулбеки АҲМАДЗОД,
Рислиғой ҲОТАМОВА,
ХАЁЛА,
Хуршедаи ВАҲОБҶОН,
Шариф НУРИДДИН,
Эрали ЖИЯНБОЕВ,
Эрмат БОБОЖОН,
Ҳаким ЗОКИР.

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Бозорова Навруза Баҳритдиновна

İyul 21, 2024 www.bitik.az Bir şərh yazın

Хушлаҳза…

Эрта тонгда гўзал тароват!
Шабнам шимган сокин ҳарорат!
Қушларнинг ҳамд-саноси ила,
Бошланади тонгда ибодат!

Бутун борлиқ бир нуқтадай хат,
Толеъ чизган чизиқда фақат.
Буюк Раҳмон хохиши ила,
Ўз йўлидан юрар табиат.

Кун пардасин очар бетоқат,
Хушлаҳзага гувоҳ дил фақат.
Бедорликнинг энг гўзал они,
Қибла томон юзланган ҳилқат!

Бу шундайин хилқатки қат-қат,
Aқл идрок этолмас албат.
Гўзал сирлар силсиласида,
Кўнгил ва руҳ топар халоват!

Тил ташаккур айтар тиловат,
Шукронага интиқ саодат.
Қалб зангини покламоқ они,
Энг хушоний лаҳза тонгги вақт!

Дилда бўлса илоҳий рағбат,
Ҳар ниятда дуо ижобат.
Бир Aллоҳни суйган пок қалбга,
Бу хушлаҳза насибдир фақат!

24.04.2020.

Тошкент вилояти, Aнгрен шаҳри.

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

НАВРУЗА БАХРИТДИНОВНА – Денгиз…

İyul 20, 2024 www.bitik.az Bir şərh yazın

Денгиз мавжларингда дилим совутгин,
Оташин туйғуни овутгин бир оз…
Чуқур дардга чўмган хаёлим сокин,
Чайқалар телбадек тўлқинли парвоз!

Сен гўзал жозиба уфқ ботар шомда,
Жоним оққуш каби кафтингда сузар…
Чўкиб бораяпман ҳижрон домига,
Дардларимни олиб шодлигим қайтар!!!

Денгиз пурвиқорсан кенг сарҳад ичра,
Мафтун нигоҳимни ҳеч узолмайман…
Сен-ла суҳбат қурсам бир тун тонггача,
Минг кеча ҳайратдан сўз тополмайман!

Мен соҳил бўйида сендан завқ олиб,
Шамол шиддатидай сарҳуш қучаман!
Юзимда томчилар ўйнайди кулиб,
Ҳузур қанотида масрур учаман!

Денгиз мавжларингда ғамларим тарқаб,
Енгил вужудимга сокин кўчаман!!!

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Навруза Бахритдиновна – Мени шоир қилди муҳаббат…

İyul 11, 2024 www.bitik.az Bir şərh yazın

Мени шоир қилди муҳаббат,
Илоҳий сўз, хаёлий суҳбат.
Нажоткордай дил гулшанига,
Боғбон бўлиб келди шеърият!

Мени шоир қилди мавлоно,
Мир Aлишер ғазали аъло!
Ҳар сатрида ажиб бир сеҳр,
Муҳаббати чексиз, пурмаъно!

Мени шоир қилди шеър, ғазал,
Ул ғазалки яралган азал.
Ҳамроҳ руҳим нур мавжларига,
Маъшал тутди, ёр бўлди ғазал!

Мени шоир қилди ғам-ташвиш,
У чекинмас ёвдай санчар ниш.
Минг хикмат бор ҳар бир зарбида,
Гўзал сабрим оқибат, олқиш!

Мени шоир этди гул-боғлар,
Самоларда димоғим чоғлар.
Кўнгил қушдай қанот қоққанда,
Кўзим қувнаб, юрак ўйноқлар!

Мени шоир қилди бу қисмат,
Иқрорлигим қўмсар – ҳақиқат.
Aдолат ва тинчлик бўлса бас,
Шудир менга энг олий неъмат!

Yazar: Навруза Бахритдиновна