Etiket arxivi: Nuranə Rafailqızı

NURANƏ  RAFAİLQIZI İLK  KİTABINI TƏQDİM  EDİB – FOTOLAR

NURANƏ RAFAİLQIZI ZAUR USTAC

NURANƏ  RAFAİLQIZI İLK  KİTABINI TƏQDİM  EDİB

21 avqust 2022-ci il tarixində Bakı şəhəri, L.Tolstoy 156 ünvanında yerləşən “Misra”  kitab təbliğatı evi möhtəşəm bir tədbirə evsahibliyi etdi. Beləki, Göyçayda yaşayıb yaradan həkim-şair Nuranə Rafailqızı onu sevənlərin əhatəsində uzun illərin və gərgin əməyin nəticəsi olan “Həkimlər depressiya deyir… ” adlı ilk kitabını təqdim etdi. Tədbirdə AYB, AJB, AMEA kimi mötəbər qurumların əməkdaşları ilə yanaşı səhiyyə işçiləri, müəllifin yaxınları və doğmaları iştirak edirdilər. “Mücrü” nəşriyyatında nəfis şəkildə çap olunmuş kitabın redaktoru şair-publisist  Zaur Ustac, ön sözün müəllifi isə tənqiddçi-ədəbiyyatşünas alim, dəyərli professor Qurban Bayramovdur.

Xanım Turanə Şıxəliyevanın moderatorluğunda keçən tədbiri “Yazarlar”  jurnalının baş redaktoru, şair-publisist  Zaur Ustac  Azərbaycan Yazıçılar Birliyinin sədr müavini Rəşad  Məcidin  tədbir iştirakçılarına salamları ilə açdı və üzürlü səbəbdən  tədbirdə iştirak edə bilməyən kitabın ön sözünün  müəllifi  professor Qurban Bayramovun xeyir-dualarını çatdıraraq “Bayram Bayramov” diplomunu  həkim-şair  Nuranə Rafailqızına təqdim etdi. Sonra söz AYB  üzvü, tanınmış  şair Kənan Hacıya verildi. Daha sonra  AMEA-nın “Nizami Gəncəvi” adına ədəbiyyat instiutunun əməkdaşı, şair İbrahim Yusifoğlu kitab haqqında öz dərin təhlilini təqdim etdi. Tanınmış qiraətçilər Cəbrayıl Qənbər və Müşfiqə Baləddinqızının ifalarında tez-tez kitabdan səslənən nümunələrin bərabərində Turanə  xanımın moderatorluğunda tədbir kitabdakı bölmələrə uyğun davam edərkən AJB –nin üzvü, “Yazarlar” jurnalının ictimayətlə əlaqələr üzrə menceri xanım Nəzakət Əhmədova-Kərimova müəllifə “İlin Fəxri Şairi” diplomunu təqdim etdi. Sonra ardıcıllıqla qələm adamlarından Yunis Qaraxanlı, Ələsgər Talıboğlu, Püstə Sahibqızı, rəssam Məlahət İsmayıl, həkimlərdən Günel Əliyeva və Göyçay Rayon Mərkəzi Kitabaxanasının əməkdaşı Şövgiyə Qarayeva çıxış etdilər. Sona qədər çay çüfrəsi arxasında, həzin musiqi sədalarına bürünmüş  düşündürücü misraların yaratdığı sirli  aləmində, dəyərli söz adamlarının bir-birindən maraqlı çıxışları təsiri altında davam edən tədbir əvvəlcədən nəzərdə tutulmuş vaxtada uğurla yekunlaşdı. Sonda “Həkimlər depressiya deyir… ” adlı ilk kitabının işıq üzü görməsi münasibəti ilə Nuranə Rafailqızına “Ziyadar” mükafatı təqdim olundu, kitablar imzalandı və xatirə şəkilləri çəkdirildi:

Belə gözəl bir tədbirin baş tutması münasibəti ilə müəllifi və təşkilatçıları təbrik edir, yeni-yeni yaradıcılıq uğurları arzulayırıq!

21.08.2022. Bakı ş.

Müəllif: Tuncay ŞƏHRİLİ

TUNCAY ŞƏHRİLİNİN YAZILARI

“21 – XXI ƏSRİN 21 AYDINI”-TUNCAY ŞƏHRİLİ

TUNCAY ŞƏHRİLİNİN YAZILARI

PDF>>>ZAUR USTAC UŞAQ ŞEİRLƏRİ

PDF: >>>>> ZAUR USTAC “QƏLƏMDAR-2”

PDF>>> ZAUR USTAC “BB” KİTABI

>>>> ƏN ÇOX OXUNAN HEKAYƏ <<<<

ZAUR USTACIN SATIŞDA OLAN KİTABLARI


“YAZARLAR”  JURNALI PDF

YAZARLAR.AZ
===============================================

<<<<<< WWW.USTAC.AZ və  WWW.BİTİK.AZ >>>>>> 

Əlaqə:  Tel: (+994) 70-390-39-93     E-mail: zauryazar@mail.ru

NURANƏ RAFAİLQIZI YENİ KİTABINI TƏQDİM EDƏCƏK

NURANƏ RAFAİLQIZI

Nuranə Rafailqızı “Həkimlər depressiya deyir…” adlı kitabı ilə oxucuların görüşünə gələcək. Təqdimat İçərişəhər Bookhouse & Cafe də baş tutacaq.

Tarix:21.08.2022.

Vaxt:12:00

Məkan-marşrut >>>> Bookhouse

PDF>>>ZAUR USTAC UŞAQ ŞEİRLƏRİ

PDF: >>>>> ZAUR USTAC “QƏLƏMDAR-2”

PDF>>> ZAUR USTAC “BB” KİTABI

>>>> ƏN ÇOX OXUNAN HEKAYƏ <<<<

ZAUR USTACIN SATIŞDA OLAN KİTABLARI


“YAZARLAR”  JURNALI PDF

YAZARLAR.AZ
===============================================

<<<<<< WWW.USTAC.AZ və  WWW.BİTİK.AZ >>>>>> 

Əlaqə:  Tel: (+994) 70-390-39-93     E-mail: zauryazar@mail.ru

Yunis Qaraxanlı təqdim edir: Nuranə Rafailqızı

NURANƏ RAFAİLQIZININ YAZILARI

Yunis Qaraxanlı təqdim edir: Nuranə Rafailqızı

Təqdim edir: Yunis QARAXANLI

NURANƏ RAFAİLQIZININ YAZILARI

PDF>>>ZAUR USTAC UŞAQ ŞEİRLƏRİ

PDF: >>>>> ZAUR USTAC “QƏLƏMDAR-2”

PDF>>> ZAUR USTAC “BB” KİTABI

>>>> ƏN ÇOX OXUNAN HEKAYƏ <<<<

ZAUR USTACIN SATIŞDA OLAN KİTABLARI


“YAZARLAR”  JURNALI PDF

YAZARLAR.AZ
===============================================

<<<<<< WWW.USTAC.AZ və  WWW.BİTİK.AZ >>>>>> 

Əlaqə:  Tel: (+994) 70-390-39-93     E-mail: zauryazar@mail.ru

Nuranə Rafailqızı – Bir şeir

NURANƏ RAFAİLQIZININ YAZILARI
  • Bulud qoymur səni görüm, ay Allah!..
    Əzab çəkir içimdəki dəli ruh,
    Biləmmirəm nə savabdı, nə günah.
    Aç göylərin qaş-qabağın biryolluq,
    Bulud qoymur səni görüm, ay Allah!…
    * * *
    Bulud qoymur səni görüm, ay Allah!
    Göylər kimi içimiz də qapqara.
    Ha yusaq da, ha sürtsək də xeyri yox,
    Hisi-pası çətin bir də ağara.
    Çətin yuyub təmizləyə bu yağış
    Ruhumuzun palçığını-kirini.
    Dünya özü yaranandan fırlanır
    Bizim kimi o da tapmır yerini.
    Nə yurdu var, nə heç kimin yuvası,
    Hamımızın içi bulud havası…
    * * *
    Hamımızın içi bulud havası,
    Yağış yağır, şişir dərdi-qəmimiz,
    Bilinməyir nə yönümüz-çəmimiz.
    Tapılmayır qapımızın açarı.
    Aç göylərin qaş-qabağın biryolluq,
    Bulud getsin ömrümüzdən, ay Tanrı!
    * * *
    Bulud getsin ömrümüzdən, ay Tanrı!
    Günəş gülsün, biz də gülək günəşə,
    Nazlı-nazlı baxıb, bircə baxışla
    Qərq eyləsin bizi oda-atəşə.
    Seyr eyləyək üfüqü, dan yerini,
    Dağ başında çəni, duman yerini,
    Qürub çağı qürubdan da zövq alaq,
    Aradabir dənizə də baş vuraq.
    Dalğalansın yanımızdan ləpələr,
    Könlümüzdən dolanır, daha nələr…
    Bircə bulud tutmasın göy üzünü.
    Aç göylərin qaş-qabağın biryolluq,
    Tanrı, bizdən gizlətmə gəl üzünü!
    Tanrı, bizdən gizlətmə gəl özünü!
    16.04.2016.

Müəllif: Nuranə RAFAİLQIZI 

NURANƏ RAFAİLQIZININ YAZILARI

PDF>>>ZAUR USTAC UŞAQ ŞEİRLƏRİ

PDF: >>>>> ZAUR USTAC “QƏLƏMDAR-2”

PDF>>> ZAUR USTAC “BB” KİTABI

>>>> ƏN ÇOX OXUNAN HEKAYƏ <<<<

ZAUR USTACIN SATIŞDA OLAN KİTABLARI


“YAZARLAR”  JURNALI PDF

YAZARLAR.AZ
===============================================

<<<<<< WWW.USTAC.AZ və  WWW.BİTİK.AZ >>>>>> 

Əlaqə:  Tel: (+994) 70-390-39-93     E-mail: zauryazar@mail.ru

NURANƏ RAFAİLQIZININ “HƏKİMLƏR DEPRESSİYA DEYİR…” ADLI YENİ KİTABI BU GÜN İŞIQ ÜZÜ GÖRÜB

NURANƏ RAFAİLQIZININ YAZILARI

Bu gün Nuranə Rafailqızıının “Həkimlər depressiya deyir…” adlı yeni şeirlər kitabı ”Mücrü” nəşriyyatında işıq üzü görüb. Bu barədə nəşriyyat məlumat yayıb.

Kitabın naşiri Müşfiq XAN, ön söz müəllifi – BİR KİTAB YAZACAQ ODLU ÜRƏK SAHİBİ… – Qurban BAYRAMOV, redaktoru isə Zaur USTACdır.

Nuranə RAFAİLQIZI “Həkimlər depressiya deyir…” adlı yeni şeirlər kitabının işıq üzü görməsi münasibəti ilə “YAZARLAR”  JURNALI tərəfindən yeni kitabların nəşrinə görə təqdim olunan “ZİYADAR” Mükafatı ilə təltif olunub. Diplomu doğrulama lingi >>>LAUREATLAR

YAZARLAR olaraq, Nuranə Rafailqızını təbrik edir, yeni-yeni yaradıcılıq uğurları arzulayırıq! Uğurlarınız bol olsun, Nuranə xanım!

YAZARLAR

NURANƏ RAFAİLQIZININ YAZILARI

PDF>>>ZAUR USTAC UŞAQ ŞEİRLƏRİ

PDF: >>>>> ZAUR USTAC “QƏLƏMDAR-2”

PDF>>> ZAUR USTAC “BB” KİTABI

>>>> ƏN ÇOX OXUNAN HEKAYƏ <<<<

ZAUR USTACIN SATIŞDA OLAN KİTABLARI


“YAZARLAR”  JURNALI PDF

YAZARLAR.AZ
===============================================

<<<<<< WWW.USTAC.AZ və  WWW.BİTİK.AZ >>>>>> 

Əlaqə:  Tel: (+994) 70-390-39-93     E-mail: zauryazar@mail.ru

Nuranə Rafailqızının “Həkimlər depressiya deyir…” adlı yeni kitabı çapa hazırlanır

NURANƏ RAFAİLQIZININ YAZILARI

Nuranə Rafailqızıının “Həkimlər depressiya deyir…” adlı yeni şeirlər kitabı çap hazırlanır. Kitab tezliklə”Mücrü” nəşriyyatında işıq üzü görəcək. Bu barədə nəşriyyat məlumat yayıb.

YAZARLAR olaraq, Nuranə Rafailqızını təbrik edir, yeni-yeni yaradıcılıq uğurları arzulayırıq! Uğurlarınız bol olsun, Nuranə xanım!

YAZARLAR

NURANƏ RAFAİLQIZININ YAZILARI

PDF>>>ZAUR USTAC UŞAQ ŞEİRLƏRİ

PDF: >>>>> ZAUR USTAC “QƏLƏMDAR-2”

PDF>>> ZAUR USTAC “BB” KİTABI

>>>> ƏN ÇOX OXUNAN HEKAYƏ <<<<

ZAUR USTACIN SATIŞDA OLAN KİTABLARI


“YAZARLAR”  JURNALI PDF

YAZARLAR.AZ
===============================================

<<<<<< WWW.USTAC.AZ və  WWW.BİTİK.AZ >>>>>> 

Əlaqə:  Tel: (+994) 70-390-39-93     E-mail: zauryazar@mail.ru

NURANƏ RƏFAİQIZI – ƏLİSANIN KİTABLARI

YAZARLAR

PDF: >>>>> ZAUR USTAC “QƏLƏMDAR-2”

PDF>>>ZAUR USTAC – “BB” HEKAYƏLƏR

>>>> ƏN ÇOX OXUNAN HEKAYƏ <<<<

ZAUR USTACIN SATIŞDA OLAN KİTABLARI


“YAZARLAR”  JURNALI PDF

YAZARLAR.AZ
===============================================

<<<<<< WWW.USTAC.AZ və  WWW.BİTİK.AZ >>>>>> 

Əlaqə:  Tel: (+994) 70-390-39-93     E-mail: zauryazar@mail.ru

Nuranə Rafailqızı – Ata haqqında şeirlər

Nuranə RAFAİLQIZI 

Öz yanına apar məni!
Ey xəstə könlüm dərmanı,
Dərdim var, bəs dərman hanı?!
Tərk edəndə bu dünyanı,
Əymə yolum sağa-sola
düz, yanına apar məni!
Ata, burda tənha qoyma,
öz yanına apar məni!
* * *
Yağış yağar, çətirim sən,
Çiçək qoxan ətirim sən,
Hər bir misram, sətirim sən,
Deyəcəyəm şirin-şirin
söz, yanına apar məni!
Ata, burda tənha qoyma,
öz yanına apar məni!
* * *
Gözüm yolda, könlüm səsdə,
Ruhum sıxılır qəfəsdə.
Alovlanıb sinəm üstə,
Dayanmadan yanar-sönər
köz, yanına apar məni!
Ata, burda tənha qoyma,
öz yanına apar məni!
* * *
Gör, nə yazdı Fələk qarı?!
Məlul qoydun dostu-yarı…
Bu cavabsız sualları
Bircə-bircə cavablandır
çöz, yanına apar məni!
Ata, burda tənha qoyma,
öz yanına apar məni!
* * *
Saçlarıma saldın dəni,
Yaşatdın dumanı-çəni.
Boynubükük bənövşəni
Qoyma qala kol dibində
üz, yanına apar məni!
Ata, burda tənha qoyma,
öz yanına apar məni!
* * *
Həyat fani, ömür yalan,
Ey canını candan alan!
İlişib üzümdə qalan
Öz əlimlə qapatdığım
göz, yanına apar məni!
Ata, burda tənha qoyma,
öz yanına apar məni!
* * *
Sən qəbirdə yata-yata,
Mənim üçün ömür xəta!
Hey deyirdim: “Yaşa, Ata,
Oğulların toy günündə
süz, yanına apar məni!
Ata, burda tənha qoyma,
öz yanına apar məni!
* * *
Heç kim gəlmədi dalınca,
Tanrı canını alınca…
Əcəlimə az qalınca
Əzrayılla gəl canıma
döz, yanına apar məni!
Ata, burda tənha qoyma,
öz yanına apar məni!

Atam vay!
Qandı gözü, əl vurmayın, toxunmayın ağrıyır,
Nalə çəkib neçə-neçə könülləri dağlıyır,
Taleyimdə xoş nə varsa, qapısını bağlıyır.
Qaysaqlanmır, təpələnmir içimdəki yaram vay!
Sənsiz haram ağrımayır, can ay Ata, haram vay!
* * *
Gözümüzdən axan qan-yaş ümmanların selidi,
Əllərinə həsrət qalan, qızlarının telidi.
Qorxmuram ki, ad qoyarlar deyərlər ki, dəlidi!
Yoxsa gəlib bir ömürlük başdaşını saram, vay!
Sənsiz haram ağrımayır, can ay Ata, haram vay!
* * *
Düz otuz beş il yaşadım, hər ötən gün rəngarəng,
Həm arxamdın, dayağımdın, həm ömrümə bərbəzək!
Evin uçsun mərdimazar, gələn gündən bizə dəng,
Həyatıma bir rəng qatdı, başımdakı qaram, vay!
Sənsiz haram ağrımayır, can ay Ata, haram vay!
* * *
Sən yoxsansa, mən də yoxam, bır quruca nəfəsəm,
Arzuları ürəyində həbs olunan qəfəsəm,
Susdurmayın, innən belə “Ata!” hayqıran səsəm!
Çıxıb getdin, mənsə hələ bu dünyada varam, vay!
Sənsiz haram ağrımayır, can ay Ata, haram vay!
* * *
Həyat hələ davam edir, gecə düşür, gün batır,
Hamı girir, isitdiyin isti yataqda yatır.
Bir ucuzca ölüm nədir, Tanrım, mənə tez çatdır!
Yaşadığım hər bir anım mənə olsun haram, vay!
Sənsiz haram ağrımayır, can ay Ata, haram vay!
* * *
Nə yerdəyəm, nə göydəyəm, nə evdəyəm, nə çöldə,
Nə dağdayam, dərədəyəm, nə çaydayam, nə göldə!
“Səbr elə! Dözümlü ol!”-demək asandı dildə,
Tabutumda inildəyir şaqqalanmış param, vay!
Sənsiz haram ağrımayır, can ay Ata, haram vay!
* * *
Sakit durma, Ulu Tanrım, dərgahından danış-din!
Can alanda, can verəndə Atama nə çəkdirdin?!
Bir kənarda susmuş idim, necə məni dindirdin,
Dünya mənə dar gəlməyir, mən dünyaya daram, vay!
Sənsiz haram ağrımayır, can ay Ata, haram vay!

Torpaq.
Doğulandan gözəyirmiş,
Soyuq, üzüqara torpaq.
Biz pay verdik uddu səni
Qara torpaq, qara torpaq!
* * *
Boş qalan yatağın-yerin
Gah isinir, gah da sərin
Sinəmizdə açdı dərin
Yara torpaq, yara torpaq!
* * *
Gedən gedir, qalır qalan.
Dünya fani, ömür yalan!
Səni əlimizdən alan
Qalsın, zəhirmara torpaq!
* * *
Daha keçmir günümüz xoş!
Arxamız boş, önümüz boş.
Bir şeir də gəl, ona qoş!
Sığmır misralara torpaq…
* * *
Əcəl çatar, verməz aman
Uşaq, körpə, qoca, cavan.
Baxmaz yetişəndə zaman
Payıza, bahara torpaq!
* * *
Nə dahisi, nə aqili,
Nə alimi, nə cahili.
Udur elə diri-diri
Baxmır dövlət-vara torpaq!
* * *
Harayıma, nəfəsimə
Bir yol səs verə səsimə.
Sıxa məni də köksünə
Tezlikilə sara torpaq!

Qalx oğlunun son zəngidi, ay Ata!
Bağımızdan gül-çiçək dərəcəkdin,
Öz əlinlə toplayıb, hörəcəkdin,
Qohumlara qonaqlıq verəcəkdin…
A bəxtəvər, əcəb çatdın murada!
Qalx oğlunun son zəngidi, ay Ata!
* * *
Min həvəslə gözləmişdin bu günü,
Ay ömrümün bəzəyi, toy-düyünü!
Görəmmədin məzmununu, bəyini,
Bəs nə deyim indi, qohuma yada?
Qalx oğlunun son zəngidi, ay Ata!
* * *
Dağılıbdı dünyam xaraba, uçuq,
Göz yaşlarım düzülüb muncuq-muncuq.
Arzuların ürəyimdə tumurcuq,
Diləklərin keçmədi ki, həyata.
Qalx oğlunun son zəngidi, ay Ata!
* * *
Ata, səndin hər zaman gərəyimiz,
Süfrəmizdə duzumuz, çörəyimiz.
Axı necə açılsın ürəyimiz?
Başımızda var bu boyda qan-qada.
Qalx oğlunun son zəngidi, ay Ata!
* * *
Xoş nağıldın, heyif pis bitdi sonu.
Anlamadıq taleyin bu oynunu.
Qəbrin üstə gəlib büküb boynunu,
Axı, niyə göz yumdun bu fəryada?
Qalx oğlunun son zəngidi, ay Ata!
* * *
Böyütmüşdün onu əziyyət ilə,
Neçə həvəs, xoş arzu, niyyət ilə.
Şərəf ilə, şan ilə, şöhrət ilə,
İndi bir bax, bu qırılan qanada!
Qalx oğlunun son zəngidi, ay Ata!
* * *
Qolu qırıq aşıqların sazıyam,
Tanrı, göndər Əzarayılı razıyam!
Nuranəyəm Rafailin qızıyam!
Qurban olum, üstümdəki bu ada!
Qalx oğlunun son zəngidi,ay Ata!

Ölə bilmirəm!
Gəldim öpəm başdaşını,
Göydən düşən baş daşını.
Gözümdəki göz yaşını,
Silirəm…silə bilmirəm!
* * *
Sən nə çəkdin, necə çəkdin,
Gündüz çəkdin, gecə çəkdin,
Boşmu çəkdin, heçə çəkdin,
Bilirəm…bilə bilmirəm!
* * *
Bu günümdə, dünümdəsən,
Harayımda, ünümdəsən.
Gözlərimin önündəsən
Gülürəm…gülə bilmirəm!
* * *
Gör, nə yazdı Fələk qarı?!
Gəl, məni də apar barı!
Bir yol gəlir sənə sarı
Gəlirəm…gələ bilmirəm!
* * *
Bu nədi, bu nə düyündü?
Deyin mənə, kim öyündü?!
Can verirəm, düz on gündü
Ölürəm… ölə bilmirəm!

Ana, belə olurmuş ayrılıqlar…
Atamdan sonra…
Sübh açılar… işinə tək gedərsən,
Yağış yağar, əsər külək gedərsən,
Yavaş-yavaş bu dərdi çək, gedərsən.
Ana, belə olurmuş ayrılıqlar!
Ayrılıqdan betər dünyada nə var?!
* * *
Sübh açılar… günəş doğar mənə nə?
Körpə olum bas, bağrına-sinənə,
Atam alıb, öpüb-oxşasın yenə…
Ana, belə olurmuş ayrılıqlar!
Ayrılıqdan betər dünyada nə var?!
* * *
Günortalar… hazır olar yeməyin,
Heç kim yeməz, boşa gedər əməyin.
Dur, yığışdır! Daha yoxdu köməyin…
Ana, belə olurmuş ayrılıqlar!
Ayrılıqdan betər dünyada nə var?!
* * *
Günortalar… heç nəyə həvəsim yox,
Can üstəyəm, verməyə nəfəsim yox,
Dünya dolu sanki, heç bir kəsim yox!
Ana, belə olurmuş ayrılıqlar!
Ayrılıqdan betər dünyada nə var?!
* * *
Axşam olar… gün üfüqdə can verər,
Səhər yenə onu bizə dan verər.
Kim deyir ki, dərmanı zaman verər?
Ana, belə olurmuş ayrılıqlar!
Ayrılıqdan betər dünyada nə var?!
* * *
Axşam olar… ürəyim çox darıxar,
Dərdə, sərə doymuşam tox, darıxar.
Dünya uçsun Atam ki yox, darıxar!
Ana, belə olurmuş ayrılıqlar!
Ayrılıqdan betər dünyada nə var?!

Müəllif: Nuranə RAFAİLQIZI 

NURANƏ RAFAİLQIZININ YAZILARI


“YAZARLAR”  JURNALI PDF

YAZARLAR.AZ
===============================================

<<<<<< WWW.USTAC.AZ və  WWW.BİTİK.AZ >>>>>> 

Əlaqə:  Tel: (+994) 70-390-39-93     E-mail: zauryazar@mail.ru

“YAZARLAR” JURNALININ YANVAR 2022 (13) SAYI İŞIQ ÜZÜ GÖRÜB

“YAZARLAR”  JURNALI PDF

BU  SAYIMIZDA

Baş  redaktordan.3

Qurban Bayramov. Zaur Ustac-Qələmdar olmaq missiyası .4

Akif Abbasov. Zaur Ustacın “Uşaq boğçası”.11

Kamal Camalov. Zaur ustac uşaq ruhunun bilicisidir .13

Ayətxan Ziyad  (İsgəndərov). Zaur Ustacın öyrətmə yöntəmi.16

Zaur Ustac. BB (hekayə).20

Qismət Tağıyev. Bədbəxt (povest).34

Seymur  Sönməz  (Paşayev). Gizli kod (hekayə) .66

Səma Muğanna. Böyük ürək (hekayə) .72

Leyla Yaşar. İki hekayə .75

Əsgər Ordubadlı. Poema (hekayə).80

Nuranə Rafailqızı. Şeirlər.84

Səma Muğanna. Şeirlər.95

Fəridə Abdul. Şeirlər.98

Seymur  Sönməz  (Paşayev). Şeirlər.106

Zaur Ustacın 33 illik hesabatı.109

2201-ci ilin “Ziyadar”ları.117

Salam olsun, Azərbaycanın ilk hibrid jurnalı olan “Yazarlar”ın çox dəyərli yazarları və oxucuları!  Bizim yalnız bir məqsədimiz  var ki, o da Yaradıcı uşaq – gәnclәrin dövrü mәtbuatda çıxışını asanlaşdırmaq , onların tanınmasına kömәklik göstәrmәk” olmaqla məramnaməmizdə çox aydın şəkildə qeyd olumuşdur. Aylıq ədəbi-bədii, elmi jurnal olan “Yazarlar” kitabxanalar üçün ənənəvi qaydada  məhdud sayda nəşr olunur və elektron formatda bir neçə sabit,  dayanıqlı, təhlükəsiz platformadan PULSUZ olaraq yayımlanır. Jurnalın bu günə qədər çap olunmuş bütün nömrələrini BİTİK.AZ saytından sifariş yolu ilə əldə edə bilərsiniz. Eyni zamanda Wahtsapp: (+994) 70-390-39-93 

“YAZARLAR, ANCAQ YAZARLAR…”  © YAZARLAR

Hazırladı: Tuncay ŞƏHRİLİ

TUNCAY ŞƏHRİLİNİN YAZILARI

“YAZARLAR”  JURNALI PDF


YAZARLAR.AZ

===============================================

<<<<<< WWW.USTAC.AZ və  WWW.BİTİK.AZ >>>>>> 

Əlaqə:  Tel: (+994) 70-390-39-93     E-mail: zauryazar@mail.ru

NURANƏ RAFAİLQIZI – UŞAQ ŞEİRLƏRİ

Nuranə RAFAİLQIZI – həkim, şair.

Novruz və xoruz

Kəndə gəzməyə

Gedibdi Novruz.

Səhər o başdan

Banladı xoruz.

* * *

Durub yuxudan

Əynin geyindi.

Dodağı altda

Xeyli deyindi.

* * *

Babasın görcək

Novruz soruşdu:

-Ay baba, xoruz

Nə tez durmuşdu?

* * *

Baba dilləndi:

-Xoruzlar səhər,

Hamını işə,

Gücə səsləyər.

* * *

O banlamasa,

Yatıb qalarıq.

Novruz dilləndi:

-Zəngi qurarıq!

* * *

Xoruz doyunca

Yatmır hamıtək.

Axşam onunla

Danışım gərək!

* * *

Səhərə qədər

Qoy, yatsın rahat!

Sübhə qurarıq

Biz zəngli saat!

                      

     Turalın sualları

-Ana, söylə bu kimdi?

-De görüm, bəs bu nədi?

-O niyə axı elə?

-Bəs, bu niyə belədi?

* * *

Hər nə görsə, nə tapsa

Hər şeyə verir sual.

Cavabın almayınca,

Dayanmır kiçik Tural.

* * *

Sual doğur sualdan

Ha cavab verir ana,

Düşüb əldən-ayaqdan

Belə söyləyir ona:

* * *

-Oğul bala, hər şeyin

Niyəsi olmur axı!

Kiçik Tural sakitcə

Durub anaya baxır.

* * *

Gedib bir az düşünüb

Yenə gəldi yanına:

-Sonuncu sualımdı

Olar verim, ay ana?

* * *

-De görüm düşündüyün,

Bu dəfə nəyin nəsi?!

-Ay ana, bəs hər şeyin

Niyə olmur niyəsi???

                        

  Cavid və meyvəqurdu

Səhər-səhər o başdan,

Cavid ağaca çıxdı.

Ən yaxşı meyvələri

Dərib səbətə yığdı.

* * *

Yığdığını həvəslə

Yudu, qoydu süfrəyə.

İstədi dərs oxusun

Meyvədən yeyə-yeyə.

* * *

Hansını götürdüsə,

İçində- meyvəqurdu.

Kiçik Cavid hirslənib,

Qurda belə buyurdu:

* * *

-Hansına əl atıram,

İçindən sən çıxırsan.

Heç nə olmamış kimi,

Düz üzümə baxırsan.

* * *

Meyvələrin hamısın

Yeyəcəksən elə sən?

Bu bağı babam salıb

Mənim üçün, biləsən!

                             

Nurayın çiçəkləri

Öz əlləriylə

Əkib dibçəyə.

Həvəslə qulluq

Edir çiçəyə.

* * *

Evə kim gəlir,

Dəstələyib pay.

Verir hamıya

Balaca Nuray.

* * *

Deyir: -Bunlardan

Dünyada təkdi.

Özüm əkmişəm

Ona görə də

        belə qəşəngdi!

                         

Şəbnəmin dişləri

Qarşıda qaralıbdı

Şəbnəmin iki dişi.

Görən-görən deyir ki,

Dişlərinə qurd düşüb.

* * *

Anası dilə tutur,

Qızını səhər-axşam:

-Bir gün gedək, göstərək

Həkim baxsın, ay balam!

* * *

Axır ki, yola gəlib

Yoxladır dişlərini.

Həkim deyir:- Çıxartsaq,

Tutacaq öz yerini,

* * *

O süd dişidi hələ.

Dişlərini fırçala!

Qoz-fındığı ağızda

Qırmaq olmaz, ay bala!

* * *

Bunu eşidən kimi,

Şəbnəm ayağa durdu:

-Həkim, çəkmə dişimi,

İçindən çıxart qurdu!

                                 

      Əli düşür həyətə

Hər axşam nəyi varsa,

Yığır kiçik səbətə.

Birlikdə oynamaqçün

Əli düşür həyətə.

* * *

Elə ki, bir az keçir

Hay-küy qopur, nə qopur.

Qonşunun bağçasına

Düsüb kiminsə topu.

* * *

Başlayır dava-dalaş:

-Kim yumur gizlənpaçı?

-Kim qırdı əlbəndini?

-Kim uddu qovduqaçı?

* * *

Oyuncağı qırılır,

Gah küsür, gah ağlayır.

Nə qədər hirslənsə də,

Həyətdə oynamaqdan

             kiçik Əli doymayır!

                                        

Müəllif: Nuranə RAFAİLQIZI 

NURANƏ RAFAİLQIZININ YAZILARI


“YAZARLAR”  JURNALI PDF

YAZARLAR.AZ
===============================================

<<<<<< WWW.USTAC.AZ və  WWW.BİTİK.AZ >>>>>> 

Əlaqə:  Tel: (+994) 70-390-39-93     E-mail: zauryazar@mail.ru