Etiket arxivi: Sərraf Şiruyə

www.USTAC.az

Sərraf Şiruyə – LAÇINDA GÖRDÜM

Bir şərh yazın

LAÇINDA GÖRDÜM
Vətən torpağını gəzdim, dolandım,
Ən üivi isməti Laçında gördüm.
Dostlar ürəyinin saf duyğusunu,
Səmimi ülfəti Laçında gördüm.

Müqəddəs varlıqdı bu eldə qonaq,
Çıxdı görüşümə Şəlvə, Dambulaq.
Çalbayır halımdan çox tutdu soraq,
Tükənməz hörməti Laçında gördüm.

Zəmanə nə gözəl veribdi təkan,
Cənnəti-rizvana dönüb bu məkan,
Zirvələr yurd olub, qayalar məskən,
Gül açan zəhməti Laçında gördüm.

Babalar ah çəkdi,ağadan dedi,
Nənələr boylandı ağa dan dedi.
Cavanlar dilləndi, Ağadan dedi, *
Şeiri, sənəti Laçında gördüm.

Şiruyə, ömründən ötüşən bu an,
Ölüncə yadından silinməz inan.
Düşmənə qəzəbli, dosta mehriban,
Mən, zərif xisləti Laçında gördüm.

1983-cü il LAÇIN

1* Ağadan – Ağa Laçınlı


Müəllif: Sərraf Şiruyə

SƏRRAF ŞİRUYƏ HAQQINDA

LAÇIN SİMURQ KİTABXANASI

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

www.USTAC.az

Sərraf Şiruyə – Gəlin Qaxa.

Bir şərh yazın

GƏLİN QAXA

Səfası var cəfasında,
Paklığı var vəfasında,
Sularının aynasında,
Əksinizə baxa-baxa,
Gəlin Qaxa.

Xəbər tutun ellərindən,
Şərbət için dillərindən,
Şehli-şehli güllərindən,
Döşünüzə taxa-taxa,
Gəlin Qaxa.

Təbiətin nazı burda,
Könüllərin yazı burda,
Qəhrəmanlar izi burda,
Çaylarıyla axa-axa,
Gəlin Qaxa.

Sağa dönün, verin imdad,
Başsız yatır Hacı Murad.– -1
Dildə nalə, qəlbdə fəryad,
Pillələri qalxa-qalxa,
Gəlin Qaxa.

Baş endirin Baydarlıya,
Bir igidi bir alaya,
Süvar olub, qanı çaya,
Ürəyindən axa-axa,
Gəlin Qaxa.

İlisuda qonaq qalın,
Almalıda alma alın.
Cəlayirdə süfrə salın.
Qədəhləri sıxa-sıxa,
Gəlin Qaxa.

Vətənidir min ərlərin,
Zəfərlərin, hünərlərin.
Həsrətiylə bu yerlərin,
Qəlbinizi yaxa-yaxa,
Gəlin Qaxa, gəlin Qaxa.

1 Hacı Murad—– Şeyx Şamilin silahdaşıdır. Onun başı kəsilmiş halda məzarı Qax rayonu ərazisində, yol kənarındadır.

Müəllif: Sərraf Şiruyə

SƏRRAF ŞİRUYƏ HAQQINDA

LAÇIN SİMURQ KİTABXANASI

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

AQŞİN HACIZADƏ, Araz YAQUBOĞLU, Sərraf Şiruyə, SƏRRAF ŞİRUYƏ HAQQINDA, ZƏLİMXAN YAQUB

Bu gün Sərraf Şiruyənin anadan olduğu gündür.

Bir şərh yazın

SƏRRAF ŞİRUYƏ HAQQINDA

Bu gün Sərraf Şiruyənin anadan olduğu gündür. Şair doğum günündə məzarı başında doğmaları və yaxınları tərəfindən anılıb.
Sərraf Şiruyə 1942-ci il sentyabrın 11-də Göyçə mahalının Basarkeçər rayonunun Daşkənd kəndində məşhur el şairi Həsən Xəyallının ailəsində anadan olub. Uşaq çağlarından atasından ərəb və fars dillərində yazıb-oxumağı öyrənən Şiruyə elə ilk məktəb yaşlarından şeir yazmağa başlamış, poeziyaya böyük maraq göstərmişdir.
1958-ci ildə doğma Daşkənd orta məktəbini, 1960-cı ildə Bərdə rayonunun Yeni Daşkənd kənd orta məktəbini bitirdikdən sonra, 1962-ci ildə Azərbaycan Dövlət Pedoqoji İnstitutunun riyaziyyat fakültəsinə daxil olub və 1968-ci ildə oranı bitirmişdir. Həmin ildən Bərdə rayonunun Yeni Daşkənd kənd orta məktəbində müəllim işləmişdir.
1972-ci ildən 1980-ci ilə kimi Yeni Daşkənd kənd orta məktəbində direktor müavini və Bərdə rayonu “Bilik” cəmiyyətində mühazirəçi işləmişdir.
1993–1997-ci illərdə dini mədrəsəni bitirmişdir.
Sərraf Şiruyə 1992-ci ildən 1996-cı ilə kimi döyüş bölgələrində hərbi jurnalist kimi fəaliyyət göstərmişdir.
Sərraf Şiruyə uzun müddət böyrək çatışmazlığından və xərçəng xəstəliyindən əziyyət çəkib. 2015-ci il dekabrın 8-də gecə saatlarında Bərdə rayonunun Yeni Daşkənd kəndində vəfat edib.
Allah rəhmət eləsin. Amin.

“Ulu Göyçə mühitində dünyaya göz açan, şair Məmmədhüseyn, Aşıq Nəcəf, Həsən Xəyallı mühitindən qidalanan Şiruyə Həsənoğlu mətbuata çox gec gəlsə də, öz rəngarəng, axıcı, hikmətli şeirləri ilə oxucu kütləsinin qəlbinə çox erkən yol tapa bilmişdir. Uzun illərdən bəri şeirləri aşıqların, xanəndələrin, şeir pərəstişkarlarının ürəklərindən dodaqlarına qanadlanmaqdadır. Şeirin bütün növlərində qələmini müvəffəqiyyətlə sınayan Şiruyə Həsənoğlu böyük Aşıq Alı, Aşıq Ələsgər, Xəstə Qasımdan sonra, demək olar ki, ən güclü təcnis ustası kimi tanınmışdır.” – Zəlimxan YAQUB

HAZIRLADI: TUNCAY ŞƏHRİLİ

SƏRRAF ŞİRUYƏNİN YAZILARI

ZƏLİMXAN YAQUBUN YAZILARI


İLHAM QƏHRƏMANIN YAZILARI

ARAZ  YAQUBOĞLUNUN YAZILARI

RƏŞAD MƏCİDİN YAZILARI

VAQİF SULTANLININ YAZILARI

ZAUR  USTACIN  YAZILARI


Mustafa Müseyiboğlu adına kitabxana

> > > > MÜTLƏQ OXUYUNN !!!

“YAZARLAR”  JURNALI PDF


YAZARLAR.AZ
===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru