PAYIZI ASMIŞAM YARPAQLARINDAN
Duyğum gərilibdi, hissim tarımdı,
Sinəmdə çəkdiyim ahu-zarımdı,
Bir fəsil qocaldım, günahkarımdı,
Payızı asmışam yarpaqlarından.
Əl atıb barımı vədəsiz dərər,
Xəzan yorğanını üstümə sərər,
Qorxuram sevgimə sarılıq verər,
Payızı asmışam yarpaqlarından.
Soldurdu ömrümün göyçəklərini,
Baxçamın açdığı çiçəklərini.
Qoyub tərəziyə etdiklərini,
Payızı asmışam yarpaqlarından.
Müəllif: Qəzənfər MƏSİMOĞLU
QƏZƏNFƏR MƏSİMOĞLUNUN YAZILARI
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru