Qızlar Günü – Gül balalarıın günü mübarək olsun!
GÜLÜZƏ
Yaradan göndərib, səni bir mələk,
Deyib, bu gül gərək, ancaq, gül üzə…
Ata sözü haqdı, bunu haqq bilək,
Ata nəsihəti, çalış, gül üzə…
Kaş dilin, dodağın daim bal süzə,
Abırın, ismətin üzə al düzə,
Min budaq, çox yaşa, ilmə sal yüzə,
Yolunda üzünə hər vaxt gül üzə…
Sözün şirin olsun, söhbətin məzə,
Qoyma, yanağından əksilə qəmzə,
Bu gözəl dünyanı bir az da bəzə,
Ustac əmanətin qoru, Gülüzə…
12.12.2016. Şamaxı.
Müəllif: Zaur USTAC,
“Yazarlar” jurnalının baş redaktoru,
AYB və AJB-nin üzvü.
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru