BİR GÜNÜN ŞEİRİ
Səni unutmağın məqamı gəldi,
Tanış olduğumuz özəl bir gündə.
Səninlə yetişdi son deyilən an,
Səninlə başlayan əzəl bir gündə.
Səndin ləzzət qatan ömrün dadına,
Keçənləri arada sal yadına.
Bir gül şəkli çəkdim sənin adına,
Adın çiçəklədi gözəl bir gündə.
Bu axan zamanı kim saxlar, ömrüm,
Adamı qaçdığı tez haxlar, ömrüm,
Yasəmən taleyi yarpaqlar ömrüm,
Və qəfil saralar xəzəl bir gündə.
Müəllif: SÜLEYMAN ABDULLA
SÜLEYMAN ABDULLANIN DİGƏR YAZILARI