Etiket arxivi: SÜLEYMAN ABDULLA

SÜLEYMAN ABDULLA – “YURD YERİ” HAVASI ÜSTÜNDƏ

“YURD YERİ” HAVASI ÜSTÜNDƏ

-1-

Nə vaxtsa
yolunu azanların
unutduğu yerdi göy üzü,
elə göy üzü də çoxdan unutmuş
sürünənləri yerlərdə.
Qəzaya uğramış tramvay fiti deyil,
nə də ayaqları sürüşüb
dərəyə yuvarlanmış bir kəlin boynundakı…
İlan səsi çıxarır cır zınqırov səsi,
dünyanın
haqsızlıqdan qovrulduğu məkanda
yanğı dolu bir mələrtimi yoxsa…
İtiyi tapılmayanların
ahıdır qızmar küləyin uğultusu.
Günəş
kölgələnməyə bulud axtarır
ən uzaq nöqtədə,
bir-birinin ətini yeyir yaxın adamlar.
Yanğın düşmüş kimidir
üfüqlərin canına.
Dəniz kimi dalğalanır
taxıl zəmisi susuzluğa,
tox sünbülqıranlar civildəmədə,
ac çırçıramalar susmada istiləri…
Biz isə atıb getdik
bu dağları dərələrin dibinə
yaşamaq adına,
çörək adına…

-2-

Dağları dolu döydü o gecə
su artdı dərələrdə
sel basdı çayların məcrasını…
Yuxu kimi axıb töküldü
gözlərimdən göy üzü…
Azdı aşığın zənguləsi yağışın şıdırğısında,
batdı sazın səsi havaların çalpoyunda.
Şimşəklərin şaxıması bir ayrı möcüzə,
ildırımların şaqqıldaması bir ayrı…
Çadırı qırmanclayan leysana
açdım ömrümün bir sabahını da,
navalçaların şırıltısında uşaqlıq xatirələrim…
“Mən şəhər adamı ola bilmədim”
deməyi unutdum buludlar səyriyəndə.
O kimdi qaçan
ətəyi dolu qum göyqurşağının ardınca,
kimdi o?

– 3 –

Uçmağa nifrət edər qanadı sınmışlar,
yuvası uçurulmuşların
başlarına yıxılmış dünyaları…
Unudulmuş bir yurd yeri var yaddaşımda,
Yiyəsi tərəfindən atılmış binələrin
çürük çubuqlardan hörülmüş
qəfəsələrini görəndə əhədi uçur adamın,
ya da dünyası başına uçurulmuşların.
Yolları daş-kəsək,
cığırları ot basmış yaylaqların…
Atını çidarlayıb
biçənəyə buraxmış qarovulçu
bağlamış yurd yerlərini camaatın üzünə…
Dağlar həsrət qalıb
dəyələrin tüstüsünə,
ocaqların istisinə,
adamların hənirtisinə…
Uçmağa zirvə qalmamış, uçurmağa yurd yeri,
Nifrət edər hər kəsə qanadı sındırılmışlar…

17.06.2024.

Müəllif: SÜLEYMAN ABDULLA

SÜLEYMAN ABDULLANIN YAZILARI

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Yalnız Gədəbəy demə, ged a bəy de… Ged və gör də görk nəymiş…

Yalnız Gədəbəy demə, ged a bəy de… Ged və gör də görk nəymiş…

Məmləkətimizin hər köşəsi gözəldir, əlbəttə! Aranın aran yeri, dağın dağ yeri, dənizin dəniz yeri – Hər obamızın bir özəlliyi var. İndiyəcən ölkəmizin hər yerini gəzib dolaşmışdım, bircə Gədəbəydən başqa. Zarafatla gədəbəyli dostlara deyirdim ki, mən az qala bütün Turan coğrafiyasını gəzib dolaşmışam, ancaq hələ “Gədəbəy Demokratik Cümhuriyyəti”ndə olmamışam. İnsafən, dostlar da hər dəfə gəl gedək deyirdilər. Ancaq vaxtım heç cür təkliflərlə dəng gəlmirdi.
Nəhayət, yaxın günlərdə bu arzum da gerçəkləşdi. Şair dostum Süleyman Abdullanın dəvəti və təkifi ilə onun dəmir atının tərkində Qazağın İncə Dərəsinə baş çəkib, Ağstafanın Köçəsgərindən şair Saqif Qaratorpağı da ikinci tərkimizə götürdük, Tovuzun Xınna Dərəsi boyu gözəllikləri seyr edə-edə gözəlim Gədəbəyə varid olduq. Orda bizi həmin gün özünü Sumqayıtdan Gədəbəyə çatdırmış şair dostumuz Polad İbrahimoğlu gözləyirdi. İstəyimi nəzərə alıb məni birbaş Başkəndə apardılar. Bəlli söhbətlərdən və yaylaq seyrindən sonra, bərəkətli Gədəbəy süfrəsi arxasında əyləşdik. Aşıqlar meydan sulayıb, könlümüzü ovsunladılar. Aşıb-daşan dağ çayı, göylərin ərməğanı olan yağış, dolu səfərimizə bir ayrı rəng qatdı.
Amma təəssüf ki, ARABAÇIya qalxa bilmədik. Dedilər ki, o kəndə ancaq qışda – bərk şaxta, AYAZ olanda, yollar buz bağlayanda, ZƏKAlı bir adamla qalxmaq olar. Belə çiçəkli bir zamanda oralar çən-dumana bürünür, yamaclarda PƏRVANƏlər Bayram eləyir. Düşündüm ki, neynək bir “ağrın alem”lə “Ayazlı, şaxtalı bir qış axşamı yeddi yoldaş olub yolla düzəllik!” düz oraa…
Gecəni sirli-sehirli Çobankənddə Polad əfəndinin ata ocağında gecələdik. Səhəri Gədəbəyin rayon mərkəzinə baş çəkib, Yasamal dağının dolayları ilə Şəmkirə endik. Əziz şair dostumuz Çiçək Mahmudqızının yubileyində iştirak etmək üçün özümüzü Gəncədən Hacıkəndə yetirdik. Çiçək xanımın “Könül körpüsü”ndən adlayıb Dəlidağ istirahət mərkəzində gözəl bir törənə, sazlı-sözlü bir etkinliyə qatıldıq.
Yay günləri üçün qənimət bir səfər oldu, əlbəttə!


Bu səfərin baş tutmasında əməyi keçən hər kəsə sonsuz minnətdarlıq duyğuları ilə; İBRAHİM İLYASLI
P.S. Səfərlə bağlı ayrıca təəssürat yazısı isə qalsın gələn dəfəyə.

İBRAHİM İLYASLININ YAZILARI

SÜLEYMAN ABDULLANIN YAZILARI

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

SÜLEYMAN ABDULLA – BÜTÜN QAÇIŞLARIN…

BÜTÜN QAÇIŞLARIN…

Bütün qaçışların bir son mənzili,
Bütün mənzillərin odabaşı bir.
Gözə töküləsi torpağı, gili,
Başa düşüləsi əlhəd daşı bir.

Dünyadı doğmalı, yadlı, yağılı,
Əlində arşının böləsən elə.
Beynində fırlanan küt səs ağılı,
Durub vətən deyə öləsən elə.

Dərdə gedən yolun hamısı kəsə,
Gözünə çat düşər, ürəyinə xal.
Hesaba gəlmirmiş adı haqq nəsə,
Nə çoxdu cavabı olmayan sual.

İllər qar-borandan çıxarmaz qışı,
Yenilən hər ildə həsrət tumu var.
Bütün duruşların bir yıxılışı,
Bütün qaçışların bir uçrumu var.

Müəllif: SÜLEYMAN ABDULLA

SÜLEYMAN ABDULLANIN YAZILARI

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

SÜLEYMAN ABDULLA – CIĞAL ŞEİR

CIĞAL ŞEİR

Nə bəllidir kim qazana, kim yeyə,
Haqq dediyin nə cığaldı, gördünmü?
Demədimmi çox güvənmə taleyə,
Baxt dediyin nə cığaldı, gördünmü!

Yaxşı gündə yad da olar yanında,
Dar günü var ağanın da, xanın da.
Qalxmağı var, enməyi var anında,
Taxt dediyin nə cığalmış gördünmü!

Qara gələr bir gün ömrün ağ şamı,
Öz üstündə yandır şamı, yax şamı.
Bir üfrümə nə söndürür, bax, şamı,
Vaxt dediyin nə cığalmış gördünmü!

Müəllif: SÜLEYMAN ABDULLA

SÜLEYMAN ABDULLANIN YAZILARI

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

SÜLEYMAN ABDULLA – YOX, DAHA DEMƏRƏM…

YOX, DAHA DEMƏRƏM…

Yox, sənə demirəm bir də arzu tut,
Kim yumdu gözünü, kim baxdı yola.
Gedirmi, gəlirmi o kölgə, unut,
Ağ çiçək yağanda şər vaxtı yola.

Vaxt öz axarını asıb qoluna,
Hər kəsin susası bir saatı var.
Asandı ayrılmaq bir yaz,
yoluna
Çiçək səpələsə akasiyalar.

Aylı gecələrdə çox ulduz axıb,
Şükür, üfüqlərin sökülür danı.
Gözün qaralmasın, gedənə baxıb,
Gəldi ağlamalı günün zamanı.

Baxıram…
Göründü yenə yol mənə,
Varsa ürəyində bir xoş söz, unut…
Yox, sənə demərəm ümid ol mənə,
Yox, sənə demərəm bir də arzu tut.

Müəllif: SÜLEYMAN ABDULLA

SÜLEYMAN ABDULLANIN YAZILARI

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

SÜLEYMAN ABDULLA – RUH OLMAĞIN ŞEİRİ

RUH OLMAĞIN ŞEİRİ

Kim uduzmadı ki, zamana,
Kim məğlub olmadı ki, faniliyinə dünyanın?
Gidiliyin bətnində bir xəyanət…
gizli də deyil əslində,
açıq-aşkar əli kürəyində gəzir
vaxtı yetişəndə vurmağa son zərbəni.

Sülhlə qurtarır bütün savaşların sonu,
amma,
qədərlə əlbəyaxanın olmur barışığı…
Doğulan andan
son nəfəsinəcən çarpışmalısan taleyinlə…
Əl var ətək axtarır tutmağa,
əl də var yapışmağa yaxa…
Tutsan da eynidir son, yapışsan da…
Bir halda ki, yenilməkdir aqibət,
dəyməz əl yeri axtarmağa
tutunub qalmaq üçün köləliyində fələyin.

Sıx yumruğunu,
nə ola-ola hayqırıb,
ilişdir alnına yazı yazanın öz möhürünü
və…
Və atıl boşluqlara yer kürəsindən…
Yoxsa ki,
nə var yaşamağa qanad çıxaranacan,
sonra da ölməyə atlı qarışqa misalı.

Özü də bilmədən
azadlıq aşiqidir bütün yaradılanların ruhları.
Yaşamağa
qəfəs varsa hər növ faniliklərlə,
qurtulmağa da
göy üzü var hər cür vəfasızlıqlardan.
Adam özünü tapır ruhunu tanıyanda,
insan özünə qovuşur ruhu xilas olanda!

15.05.2024.

Müəllif: SÜLEYMAN ABDULLA

SÜLEYMAN ABDULLANIN YAZILARI

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru


SÜLEYMAN ABDULLA və ZAMAN.

İNDİLƏRİN ŞEİRİ

Daha təsəllidən keçib, möhkəm ol,
Hər yeri basıbdır burda qəm indi.
Yer-göy qovuşubdur, bağlanıbdı yol,
Deyəsən qalacam səndən kəm indi.

Dönübdür dalğalar sinə dağına,
Görmür qarasına, baxmır ağına.
Ehtiyac qalmadı ağlamağına,
Hər tərəf çim sudur, hər yan nəm indi.

O qənim kəsilən var ha, qanıma,
Artıq fərqi yoxdur tanı-tanıma.
Ürəyin düşəcək gəlsən yanıma,
Müsibət həmindi, bəla həmindi.

Qorxudan öldürdü gözüm qurdunu,
Necə deyim axı vərə-vurdunu?!
Soruşma halımı, görmə yurdumu,
Dünyanın qopduğu yerdəyəm indi.

ÇIXIB HARA GEDƏK

Bu doğma torpaqdan,
bu əziz yerdən,
Elə soyudurlar adamı, elə.
Yolunda öləni yolçu günündə,
Ya mənəm qəribi, ya hamı elə.

Qalırsan içindən elə sən yana,
Alışır ürəyin, od tutur canın.
Hərə bir cür ölür çörəkdən yana,
Haqqını yeyənlə dolur dörd yanın.

Buzlayar ümidin, donar inamın,
Qar kimi içinə kürüyür canın.
Xəfifcə nəm çəkir nüfuzun, namın,
İtir sağlamlığın, çürüyür canın.

Keçdi turp əkməyə çox bəxtiyeyin,
Kim bizi qurtarar qəmdən, azardan.
Çıxıb hara gedək bu yaşda, deyin,
Bu vətən adlanan xarabazardan.

ÇOXLUĞUN ŞEİRİ

Daha bu ölkədən əl üzdüm mən də,
Diz qıran, yol kəsən, düz əyən çoxdu.
Səndən Tanrı olmaz, məndən də bəndə…
Adama qara gün diləyən çoxdu.

İtaət arama asi köləndə,
Birinə “var”, beşinə “yox” böləndə.
İnam kəsiləndə, ümid öləndə,
Ehsan əvəzinə haqq yeyən çoxdu.

Kef ilə dolanır həqiqət danan,
Zəlil günündədir doğrunu qanan.
Üz-üzə gələndə qaçıb yalmanan,
Sonra arxasınca söz deyən çoxdu.

Kim ki, Allah sanır sərvəti, pulu,
Vurur boynumuzu kafir üsulu.
Fağırın qənimi, zorlunun qulu,
Baş kəsib Qurandan don geyən çoxdu.

ƏKSLƏRİN ŞEİRİ

Ən sona kim qurub vaxtı,
Boş divara vurub vaxtı?
Ömrün-günün qürub vaxtı
Getmək küləyin əksinə…

Saxla vaxtı dolanları,
Qopart rəngi solanları.
Olmaz deyib olanları
Etmək küləyin əksinə…

Rast gəlibsə daş qayaya,
Uyuşmursa hesab saya.
Tüpürüb də bu dünyaya,
Yetmək küləyin əksinə…

Müəllif: SÜLEYMAN ABDULLA

SÜLEYMAN ABDULLANIN YAZILARI

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

SÜLEYMAN ABDULLA. DÖYÜŞÇÜ ƏSGƏRLƏRİN ŞEİRİ.

DÖYÜŞÇÜ ƏSGƏRLƏRİN ŞEİRİ

Başqa cür olur sülh dövrünün əsgərləri…
Üst-başları təmiz,
geyimləri ağ boyunluqlu,
uniformaları ütülü.
Nizamlıdır hərbi yerişləri,
həmahəngdir addım səsləri…
“Düzlən” əmrinə ox tək düzlənərlər,
“Fərəqət” deyəndə dayanarlar mil kimi…
İşıq saçar epolitləri,
par-par parıldayar poqonları…
Şaxtaçı fanarları kimi işıldayar kokardaları…
…Amma,
döyüşçü çıxmaz əsgər geyimlilərin bəzilərindən…
Bu səbəbdən
döyüşçü əzəməti olmaz duruşlarında.
Təlim poliqonu bir başqa,
döyüş meydanı bir…
Elə bir fərq var ki,
döyüşçü ilə əsgər arasında…
Yalnız yaylım atəşlərinin istisində anlatmaq olur,
izah etmək minaların partlayışında…
Bir başqadır dolu kimi yağan güllələrin çapovulu,
tir hədəflərini aramla nişan almaq deyil bu…
Hər saniyə ölümlə rəqs etməkdir döyüş
tüstülənən tank qüllələrinin fonunda…
Döyüşçü olmağın söyüş söyməyi var
düşmən səngərinə düşən mərmilərin ardınca,
baxıb şaqqanaq çəkməyi
göyə sovrulan istehkam qurğularının uçuşuna…
Bunun bombardmançı qaldırmağı,
qırıcı endirməyi var, ey əsgər…
Bir “HÜÜ-CCUM” əmrinə min can fəda etmək
səngər-səngər böyüdükcə VƏ-TƏN…
Yer üzünün ən gözəl qışqırığıdır,
həm də ən vəhşicəsinə “QƏ-LƏ-BƏ” hayqırtısı…
Ən bəhərli yaz əkinidir torpağa BAYRAQ əkmək,
Əlbət, bir payız VƏTƏN yetişəcək bol-bol!
Biz müharibə əsgərləriyik, səngər döyüşçüləri…
Fərarini söyməyimiz var,
düşməni döyməyimiz var,
igidləri öyməyimiz var!
Amma…
Başqa cür olur sülh dövrünün əsgərləri, komutan,
üstü-başı təmiz, intizamlı…
Darıxdım “Əsgər, düzlən”,
daha sonra ” Marş” əmri üçün…
Dünyaya sülh gərəkdir, hər yerə, hər kəsə…
Elə bizə də!

Müəllif: SÜLEYMAN ABDULLA

SÜLEYMAN ABDULLANIN YAZILARI


Mustafa Müseyiboğlu adına kitabxana

VAQİF SULTANLININ YAZILARI

ZAUR  USTACIN  YAZILARI

> > > > MÜTLƏQ OXUYUN !!!

“YAZARLAR”  JURNALI PDF

YAZARLAR.AZ
===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

“Səsin sorağında…” kitabı işıq üzü görüb.

Vaqif Rüstəmov un ustad xanəndəmiz Dədə Süleymanın ömür yoluna həsr olunmuş “Səsin sorağında…” romanı ayrıca kitab şəklində işıq üzü görüb. Ustadı rəhmətlə anır, müəllifi təbrik edirik.

Yazarlar.az

MƏLUMATI HAZIRLADI: TUNCAY ŞƏHRİLİ

ÇİNGİZ ABDULLAYEVİN YAZILARI

ZAHİD SARITORPAĞIN YAZILARI

AKİF ABBASOVUN YAZILARI

VAQİF POEZİYA GÜNLƏRİ 2023

Mustafa Müseyiboğlu adına kitabxana

VAQİF SULTANLININ YAZILARI

ZAUR  USTACIN  YAZILARI

> > > > MÜTLƏQ OXUYUN !!!

“YAZARLAR”  JURNALI PDF

YAZARLAR.AZ
===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

İyulun 15-də isə Vaqif Poeziya Günləri mədəniyyət paytaxtımız Şuşada davam edir.

Heydər Əliyev Fondu, Azərbaycan Respublikası Mədəniyyət Nazirliyi və Azərbaycan Yazıçılar Birliyinin təşkilatçılığı ilə Vaqif Poeziya Günləri başlayıb.

Vaqif Poeziya Günləri iyulun 13-də Molla Pənah Vaqifin dogma şəhəri – Qazağın Yuxarı Salahlı kəndindən start götürüb.

İyulun 14-15-də isə Vaqif Poeziya Günləri mədəniyyət paytaxtımız Şuşada davam edir.

Mənbə: Çingiz Abdullayev

MƏLUMATI HAZIRLADI: TUNCAY ŞƏHRİLİ

ÇİNGİZ ABDULLAYEVİN YAZILARI

ZAHİD SARITORPAĞIN YAZILARI

AKİF ABBASOVUN YAZILARI

VAQİF POEZİYA GÜNLƏRİ 2023

Mustafa Müseyiboğlu adına kitabxana

VAQİF SULTANLININ YAZILARI

ZAUR  USTACIN  YAZILARI

> > > > MÜTLƏQ OXUYUN !!!

“YAZARLAR”  JURNALI PDF

YAZARLAR.AZ
===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru