WWW.YAZARLAR.AZ

BALAYAR SADİQİN YAZILARI

YAZARLAR.AZ

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Şahin Həmidi – Balayar Sadiqə məktub

Oktyabr 15, 2024 www.bitik.az Bir şərh yazın

BALAYAR SADİQƏ MƏKTUB

Şair öz əhdinə qalıbdır sadiq,
Dostlara ruh verir, şerinə ətir.
Salam, şair dostum Balayar Sadiq,
Yurdu vəsf eyləyən “Yurdun”necədir.

Məntiq çalarları düzür sözlərin
Şeir dağlarının yamaclarında.
Məna dənizındə üzür gözlərin
Şairlik yaşayır ağ saçlarında

Qədrini bilirsən obanın,elin,
Sevgindən bir az da özünə ayır.
Bir bal arısına dönübdür dilin
Sözdən şirə çəkir, bal hazırlayır.

Eşqə, məhəbbətə ömrün can atır,
Qışına qəm qonmaz, yazına kədər.
Nəinki ürəyin, çiynində çantan
Sevgiylə doludur ağzına qədər.

Müəllif: Şahin Həmidi

YAZARLAR.AZ
===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Ürəyi Əyyubdur, gözü Şəkərdir

Oktyabr 14, 2024 www.bitik.az Bir şərh yazın

Ürəyi Əyyubdur, gözü Şəkərdir

Azərbaycanın dünyaca tanınmış alimi Əyyub İskəndərovun və dahi şairimiz Şəkər Aslanın
əziz xatirəsinə

İstisi tükənməz bu ana yurdun,
Ocağı Əyyubdur, közü Şəkərdir.
Vətən bizim üçün bir süfrə açıb,
Çörəyi Əyyubdur, duzu Şəkərdir.

Hopublar canına qayanın, daşın,
Adları yadında qalıb yaddaşın.
Soyuğu düşməni donduran qışın,
Şaxtası Əyyubdur, buzu Şəkərdir.

Polad dayağıdır kəramət pirin,
Alımdir, şairdir zirvəsi yerin.
Şöhrətdən yazılan gözəl şeirin
Məntiqi Əyubdur, sözü Şəkərdir.

Dahilər hamıya qəlbini açıb,
Dağlar məskənidir yalın, yamacın.
Talış meşəsində dəmirağacın
Kökləri Əyyubdur, özü Şəkərdir.

Səhər amalıdır sökülən danın,
Tarixə bağlıdır ömrün hər anı.
O taylı, bu taylı Azərbaycanın
Ürəyi Əyyubdur, gözü Şəkərdir.

Müəllif: Şahin Həmidi

YAZARLAR.AZ
===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Zaur Ustac – Nəvəym

Oktyabr 11, 2024 www.bitik.az Bir şərh yazın

Zaur Ustac Xanbulan gölünün sahilində. 2024 – May.

Zaur Ustacın “Gəzdim” şeiri

Talış dilinə tərcümə

Nəvəym

Nəvəym vıjə-vıjə ın vətəni az,
Bandədə, hitədə nışonım mande.
Bovrəy reçinəti mardəm həni az,
Boçəvon vindero çəşonım mande.

Yayləğo dəvardim, ərono beşem,
Bılındə bandono bə çiməyn eşem,
Zəminım maç karde bəçəy dıl dəşem,
Vətən, detı çokə rujonım mande.

Nəvəym, nəve-nəve beşem tıbəsə,
Qəpım jəy dı sıği, sığ dəşe bə sə.
Çı vıli, aləfi holım xəbə səy,
Boəvon bo quş doy quşonım mande.

Şeirin müəllifi: ZAUR USTAC

Talış dilinə tərcümə elədi: Şahin Həmidi

ZAUR USTACIN YAZILARI

YAZARLAR.AZ
===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Şahin Həmidi – Payıza məktub

Sentyabr 26, 2024 www.bitik.az Bir şərh yazın

Payıza məktub

Gözəl görünürsən payız günündə
Bu üzlə, bu gözlə, bu qaşla payız.
Bu bulaq önündə, bu çay önündə
Dayanma qorxulu baxışla payız.

Yığıb yığışdırsın torpaq varını,
Bağ- bağat götürsün bəhər-barını.
Sal qızıl suyuna yarpaqlarını,
Meşəni qızılla naxışla, payız.

Dərədən, təpədən, düzdən geyinib,
Altdan qıfıllanıb, üstdən geyinib,
Əyninə dumandan, sisdən geyinib,
Ana təbiəti alqışla, payız.

Güllərin üstünə tökmə ahını,
Nəfsindən uzaqlaş, boğ tamahını,
Torpaqdan üsr istə, yu günahını,
Küləklə, günəşlə, yağışla, payız.

Şaxtaya, sazağa vermə amanı,
Yaxşıya ürək ver, pislə yamanı.
Əhv elə dərədə dustaq dumanı
Onu azad elə, bağışla, payız.

Müəllif: Şahin Həmidi

YAZARLAR.AZ
===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Şahin Həmidi – İlahi,qəbul et ibadətləri

Sentyabr 23, 2024 www.bitik.az Bir şərh yazın

İlahi,qəbul et ibadətləri

Dumanla, buludla, qarla, yağışla
Göndər bu torpağa ruzi, bərəkət.
Biz sənin qulunuq, bizi bağışla,
Allah, sənə şükür, şeytana lənət.

Pislərin yerınə mən utanıram,
Yola ver, bizləri payızla, yazla.
Yenə huzuruna gəlmişik tanrım,
Bu səfər ayında oruc- namazla.

Bu həyat tükənsə, bu ömür bitsə,
Saleh əməllərə bük orucunu.
Bütün ömür boyi ibadət etsək,
Biz verə bilmərik yenə borcunu.

Ruhumuz yaşadır səni canında,
Bir gün hüzurdayıq, bir gün toydayıq.
Böyüksən, hamımız sənin yanında
Balaca südəmər uşaq boydayıq.

Yaşasın müqəddəs, el adətləri,
Onları qoruyaq, biz də sağ olaq.
İlahi qəbul et ibadətləri,
Axirət günündə üzü-ağ olaq.

Müəllif: Şahin Həmidi