WWW.YAZARLAR.AZ

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Zeynəb Cəmaləddin – BİR VARIQ, YOXUQ.

İyul 16, 2024 www.bitik.az Bir şərh yazın

BİR VARIQ, YOXUQ.

Bir gün qismətinə ayrılıq düssə,
İkiyə bölünmək, söylə, nə halmış…
Haqqın olmayan şey ovcuna düşsə,
Vaz keçə bilərdin? Çətin sualmış…

Vicdan hakim olsa, çıxarsa qərar,
Mümkünsüz deyəcək, mümkün olana.
Nəfsi dustaq edib, zəncirə vurar,
Nə qədər yansa da gizli yarana…

Udduğun oyundan vaz keçə bilmək,
İmtina eləmək… nə qədər acı…
Kədərlə sevinci iç-içə bilmək,
Ruhən ucalmaqdır, ruhun əlacı.

Məqsəd – yaranmışın yaşam nədəni,
Yaddaşı qədərdir, insan dünyası.
Ruhuna gəmidir onun bədəni,
Arzular dənizsə, sükan – bünyəsı¹.

Beyin bir makina², sayır durmadan,
Bir, bir, sıfır, sıfır, bir, bir, sıfır bir³.
Saysız hesablama… nə çıxsa ordan,
Yekunu qərarın, ovqatın edir.

Canlı prosessən, sən də kimyəvi,
Ayrılan enerji ruhundu bəlkə.
Mühitsən sən ona, turşu, qələvi,
Enerjin qədərdi düşüncə, bilgən.

Bənzətsən, bu həyat bulaq, qaynayan,
Üzündə qabaran köpük tək çoxuq..
Zaman kopuklərlə yeldi, oynayan,
Biz o köpüklərik, bir varıq, yoxuq..

14.07.2024.

¹ bünyə – bədənin təbii halı, quruluşu; bünövrə, özül. “Onun bünyəsi sağlamdır”
²makina – burada: hesablama maşını
³ burada: alqoritmlər

Müəllif: Zeynəb Cəmaləddin

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Zeynəb Cəmaləddin – Sonetlər

İyul 15, 2024 www.bitik.az Bir şərh yazın

PAMBIQLA BAŞ KƏSMƏK HÜNƏR SAYILAR
(Sonetlər çələngindən – ingilis variantı)

Pambıqla baş kəsmək hünər sayılar,
Boynun qopar gedər, ruhun da duymaz.
Zərərə uğrayan bəlkə ayılar,
Ya da heç özünü rəncidə saymaz…

Həmişə belədir işi dünyanın,
Hörümçək tor qurar, milçək ovlanar.
Qarışıq bazardır sanki dörd yanın,
Tamahkar, sadəlövh asan tovlanar.

Tərifə, ilgiyə möhtac olanlar,
Pərgar dil əhlinə tez yaxın gələr.
Günbəgün incəlir türlü yalanlar,
Seçılmir əslindən saxta nüsxələr.

Baxsan, hər canlının bircə üzü var,
İnsanda gizlidi tüm yaratıqlar.

03.07.2024

Müəllif: Zeynəb Cəmaləddin

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Zeynəb Cəmaləddin – Qayıtdı.

İyul 8, 2024 www.bitik.az Bir şərh yazın

QAYITDI

Namərd oxla perik düşən durnalar,
Şükür olsun, yazımıza qayıtdı.
Bizsiz qalan bu dərələr, bu dağlar,
Nə yaxşı ki özümüzə qayıtdı.

Boş qalmışdı bozqırlarda qurd yeri,
Dağılmışdı ocaq yeri, yurd yeri.
Babalardan miras qalan od yeri,
Odumuza, közümüzə qayıtdı.

Nakəslərin fərq etməz ki, halına,
Hər nə qədər bal töksən də yalına.
Şərəfimiz, vüqarımız alına,
Qüvvətimiz dizimizə qayıtdı.

Dünki çağa gəldi igid yaşına,
Qartal kimi qondu qaya qaşına.
Yumruq olub endi düşmən başına,
Kəsərimiz sözümüzə qayıtdı.

Ölüm, itim, vəhşət görən hər çağa,
Nə yazasan, yerləşməz min varağa…
Babaların uyuduğu torpağa,
Köhnə yurda, izimizə qayıtdı.

Aman, aman, asta gəzin bu yerdə,
Müqəddəsdi, şəhid izi bu yerdə.
Hər bulud bir şəhid gözü bu yerdə,
Dağımıza, düzümüzə qayıtdı…

Nə söyləsin Zeynəb, a dərd yazanlar,
Gün görməsin bizə quyu qazanlar.
Uzaq dursun, burda ritmi pozanlar,
Gül Qarabağ bizə, bizə qayıtdı…

08.07.2024.

Müəllif: Zeynəb Cəmaləddin

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Zeynəb Cəmaləddin – Olmaz, olmaz.

İyul 6, 2024 www.bitik.az Bir şərh yazın

OLMAZ, OLMAZ

Hər sönən ocaqdan alov gözləmə,
Hər külün altında nar(1) olmaz, olmaz.
Uca zirvələrə yağar hər zaman,
Alçaq təpələrdə qar olmaz, olmaz.

Can qədri bilənə can qurban eylə,
Yolunu aydınlat, çıraqban eylə.
Qədir bilməyənə min ehsan eylə,
Namərddən, nankordan yar olmaz, olmaz.

Çətinə düşəndə qoyacaq yolda,
“Qanını içəcək” hər bir macalda.
Lap on barmağından süzülsə bal da
Narsistin(2) gözündə fər olmaz, olmaz.

Ürəyi xəbisə nə edəsən, nə?
Min yol əlini tut, danacaq yenə.
Xeyirli əməli ha çevir dənə,
Korlanmış zəmində bar olmaz, olmaz.

Qəlbə çapıq düşsə, izləri itməz,
Dünyanın qovğası bitmədi, bitməz.
Hər insan yaşlansa, kamala yetməz,
Hər saçı ağaran pir olmaz, olmaz.

Əslini gizlədər yaşılda, alda,
Nakəs süslənəndə qumaşda, şalda.
Ruhunu kirlətsə bir kirli yolda,
Yenə də gözlərdə xor olmaz, olmaz.

Birinin nəsibi “çarıqsa, çulsa”(3),
Qəlbində şəfəqdən güllər açılsa,
Dilindən ləl düşsə, inci saçılsa,
Bir toyda, məclisdə yer olmaz, olmaz.

Adəm övladının ümid, pənahı,
Haraya yazırsan, Tanrı, günahı?
Məzlum insanların naləsi, ahı,
Sağır qulaqlara car olmaz, olmaz.

Səması günəşdən nura bələnsə,
Gecələr ulduzla, ayla süslənsə,
Sevgiylə, şəfqətlə, sülhlə bəslənsə
Dünya insanlara dar olmaz, olmaz.

Atmosfer, təbiət can verir hər gün,
Zibil adaları(4) artır günbəgün.
Dolaşmış yumaq tək çözülmür düyün,
Dünya bu minvalla var olmaz, olmaz.

Zeynəb, üzün gülər şər olmadıqca,
Şeytan insanlara yar olmadıqca.
Bəşərin məramı bir olmadıqca,
Dünyanın min dərdi bir olmaz, olmaz.
04.07.2023

İzahatlar:
1.Nar –atəş od
2.Narsistlər başqa insanları istismar etmə mövzusunda da qabaqcıldırlar. Öz mənfəətləri üçün hərkəsi çeynəyib keçə bilərlər. Hər şərtlər altında önəmli olan özləridir. Onların gözündə digər insanların heç bir önəmi yoxdur Öz mənfəətlərinin dalınca gedir və bundan da ən kiçik bir üzüntü və peşmanlıq duymazlar. (İnternetdən)

Kasıblıq mənasında
Okeanda zibil adaları – bu adalardan birinin sahəsi 15 mln kv.km-ə yaxın olan stasionar törəmədir. Müqayisə üçün – Rusiyanın sahəsi 17 mln kv. km-dir. (Məlumat internetden götürülüb)

Müəllif: Zeynəb Cəmaləddin