Etiket arxivi: BİBİMƏRYƏM

“ИЛҲӘМ ПЕРИЛЕРИМ”.

“ИЛҲӘМ ПЕРИЛЕРИМ”.

Илҳәм перилери қыйнайды мени,
Айтар сөзлериңди жеткерип жаз деп,
Сонша жүрегимнен күйип жансамда,
Саған арнағаным турғандай аз деп.

Илҳәм перийлерим жаўлап денемди,
Муҳаббат бағынан суўсын ишкизер,
Бир мәўрит қоймайды өзим ҳалыма,
Күни түни қыдықлар мени түрткилер.

Илҳәм перилери қоймас ҳалыма,
Сағыныш егеўин егеп жаныма,
Бул дүньяда мен шүкирлик етемен,
Қәлбимде еледе сениң барыңа.

Илҳәм перийлери жатқармас ақшам,
Сени қумсағаннан жазаман йошып,
Қыялымды дизссем сол бир төртликке,
Өзимше әжайып шығады қосық.

Илҳәм перийлери алға жетелеп,
Ақ қағаздың қаралатар жүзлерин,
Сол перилер қоршаўында қалғанман,
Эй сүйиклим сени күтер көзлерим.
7 Февраль 2023 – Жыл.

YAZAR: BİBİMƏRYƏM

BİBİMƏRYƏMİN DİGƏR YAZILARI

ЖАНСАЯ (БИЙБИМӘРЬЯМ) УТАМБЕТОВА

TÜRK DÜNYASI YAZARLARI

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Қыялымда еле сол әрман…

Турмыс тәшиўиш шубалып жатқан,
Жасаўдыңда жүги бир батпан.
Қолым созып жеталмай атқан,
Саламатлық еле сол әрман…

Қала гезип жүргенди көрип,
Нама менен жуўырып желип.
Гей ўақлары хорлығым келип,
Ойнамайман еле сол әрман…

Шашын силкип, көйлегин желпип,
Өткен ўақта самалы елпип.
Қуўыршақтай ул – қызын ертип,
Жайнап жүриў еле сол әрман…

Дениң саўда ҳәммеси әрман,
Ол күнлердиң өткени жалған.
Тири жанман, дүньяда барман,
Шалқып жүриў, еле сол әрман…

Шүкирлигим еледе молдай,
Тек сеземен ийилген талдай.
Мына наўқас кейнимнен қалмай,
Саўалыўым сол еле әрман…

Таўлардағы тастай қайнасам,
Кеўлим сергек, қустай сайрасам,
Басқалардай гүлдей жайнасам,
Қыялымда еле сол әрман…

YAZAR: BİBİMƏRYƏM

BİBİMƏRYƏMİN DİGƏR YAZILARI

ЖАНСАЯ (БИЙБИМӘРЬЯМ) УТАМБЕТОВА

TÜRK DÜNYASI YAZARLARI

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

БИЙБИМӘРЬЯМ – ҚАНАЗАТ

ҚАНАЗАТ

Гүлдир~гүлдир “киснейди”,
Суў тутаман, ишпейди,
Жибер дейди босатып,
Аўызлығын тислейди.

Шылбыр кетсе шешилип,
Қуйрық жалы есилип,
Жүйткийжақ кең далада,
Дүбелейдей есирип.

Омыраўын еңтерип,
Төрт туяғын тең керип,
Ушар,тула бедени,
Баратқан соң өртенип.

Усламайман байлаўда,
Ҳәм минбеймен жайлаўға,
Жиберемен мен енди,
Оны узақ айлаўға.

Әне,керип дойнақты,
Жалын желде ойнатты,
Алып берди бедеўим,
Бәйгиде бас байрақты!.
Қарақалпақстан Нөкис қаласы. 2023~Жыл.

YAZAR: BİBİMƏRYƏM

BİBİMƏRYƏMİN DİGƏR YAZILARI

ЖАНСАЯ (БИЙБИМӘРЬЯМ) УТАМБЕТОВА

TÜRK DÜNYASI YAZARLARI

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Бийбимәрьям – ШИЙРИН АРЗЫЎЛАРЫМ

ШИЙРИН АРЗЫЎЛАРЫМ

Жүргенде илҳамлы дәрьядай ағып,
Шашыма шырайлы гүллерди тағып.
Муҳаббат нәпеси жаныма жағып,
Өтер түс сыяқлы шийрин арзыўлар…

Сонда да қыялым емес еринер,
Жаслықтың отына қалаў берилер.
Айнамды қаққандай ,, қара – пери ” лер,
Қамығып атқандай шийрин арзыўлар…

Қағазға түсирсем сыям кеппейди,
Қәлемсиз шыжбайсыз күним өтпейди.
Ақ кийимли, айланшықлап кетпейди,
Ал жүректе еле шийрин арзыўлар…

Сабыр қыл, шыда сен биразлар дести,
Булытлар қап – қара шамаллар ести.
Жайымның төбеси ишине түсти,
Жаңа жетискенде, шийрин арзыўлар …

Шыдамлық, сабырлық еле сынаўда,
Саат тиллериде ўақыт санаўда.
Неге ? Неге ? дейди қәлбим сораўда,
Муңайтып гей ўақта Шийрин арзыўлар…

Қутылсам жадырап, қара күнлерден,
Баяғы гүл бағды өзим излермен.
Ҳәзирше ҳәммеси таса көзлерден,
Маған палдай татлы шийрин арзыўлар…

Жарық күн бар шығар еле алдында,
Шығар таң гүлиндей жүзлер жарқынға.
Сабырлыға нақыл барғой халқымда,
Жүзеге бир шығар шийрин арзыўлар …

Шийрин арзыўларым, тәрк етпе мени,
Нелерге толысаң өмирдиң кәни.
Егер Жансаяның саў болса дени,
Еле шарықлайсаң шийрин арзыўлар…
5 – июнь 2024 жыл.

YAZAR: BİBİMƏRYƏM

BİBİMƏRYƏMİN DİGƏR YAZILARI

ЖАНСАЯ (БИЙБИМӘРЬЯМ) УТАМБЕТОВА

TÜRK DÜNYASI YAZARLARI

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

БИЙБИМӘРЬЯМ – ТАҢҒЫ ТИЛЕКЛЕР

ТАҢҒЫ ТИЛЕКЛЕР

Күн нурын шашады, кеўил тасады,
Ҳәр күн несийбеси йошың асады,
Даўам қыялларың алға басады,
Кеўлиңди көтерип таңғы тилеклер.

Кимниңдур оқыўы кимниң жумысы,
Өмир умтылыў тек мийнет турысы,
Әрманның да жазылады қурысы,
Оған мәдет берип таңғы тилеклер.

Қуяштай жадырап күлисип ойнап,
Ҳәр күнги ырсқысын белине байлап,
Кимге бахыт берер ишинен сайлап,
Ҳәр күни йош берер таңғы тилеклер.

Кими дийханшылық кими шыпакер,
Ҳәр таңға көз тасла оған баҳа бер,
Базарға бар дән дүниңди сата бер,
Саған әўмет берсин таңғы тилеклер.

Гүл услап қолына барар жасларда,
Жуп болып келешек жолын басларға,
Кимдур асығады бүгин досларға,
Яр болып бүгинги таңғы тилеклер.

Дуўасын қабыллап ата анаңның,
Шын дәрек нийети перзент боғанның,
Сенде тилек тиле ини ағаңның,
Сонда жақсы болар таңғы тилеклер.

Тынышлық аманлық тиле елиме,
Қуўаныш шадлық бер өскен жериме,
Инсап бер ийинлес инсан бәрине,
Сизлерге яр болсын таңғы тилеклер.


15 – Июнь 2023~ Жыл.

YAZAR: BİBİMƏRYƏM

BİBİMƏRYƏMİN DİGƏR YAZILARI

ЖАНСАЯ (БИЙБИМӘРЬЯМ) УТАМБЕТОВА

TÜRK DÜNYASI YAZARLARI

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

“ДҮНЬЯ ЖАРАЛҒАН БУЛ СЕН ҲӘМ МЕН УШЫН.”

“ДҮНЬЯ ЖАРАЛҒАН БУЛ СЕН ҲӘМ МЕН УШЫН.”

Жаслығым бир қанша кейинлеседе,
Өмир тәшиўишлери ийинлеседе,
Басқаға ҳеш нәрсе билинбесе де,
Дүнья жаралған бул мен ҳәм сен ушын.

Берген ҳәр деминде өмир санағын,
Ҳәр күн қуўаныштың жағып шырағын,
Шыдам ҳәм сабырдың берип турағын,
Дүнья жаралған бул мен ҳәм сен ушын.

Қайлардан келеди сазлы намалар,
Жалынлы жүреклер таман жол алар,
Ўақыт қарап турмас атын сабалар,
Дүнья жаралған бул мен ҳәм сен ушын.

Сезилмес басқаға өзиме аян,
Мен саған еремен боламан саяң,
Ҳәммеси мен ушын етилди баян,
Дүнья жаралған бул мен ҳәм сен ушын.

Көз алдым сезимге тола байланған,
Мухаббат ышқында таңлап сайланған,
Еки жүрек бүлбиллерге айланған,
Дүнья жаралған бул мен ҳәм сен ушын.

Мейли жерден сора,аспаннан сора,
Сен ушын кеўлимде шертилер нала,
Қәлбимде сүйгеним тек өзиң ғана,
Дүнья жаралған мен ҳәм сен ушын.


28~Май 2023~Жыл.

YAZAR: BİBİMƏRYƏM

BİBİMƏRYƏMİN DİGƏR YAZILARI

ЖАНСАЯ (БИЙБИМӘРЬЯМ) УТАМБЕТОВА

TÜRK DÜNYASI YAZARLARI

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

ЖАСАЎ ҚАНДАЙ ЖАҚСЫ АЎЫРМАСАҢЫЗ

ЖАСАЎ ҚАНДАЙ ЖАҚСЫ АЎЫРМАСАҢЫЗ

Өмир қандай сулыў, гүлдей жайнаған,
Ден саўлық барында толып тасамыз.
Бир күн болсадағы күлип ойнаған,
Жасаў қандай жақсы аўырмасаңыз…

Кеселлик қандайдур кеўилсиз дүнья,
Жатсаң аўырманлық оннан қашамыз.
Белгисиз саўалып кетериң күн..я..
Жасаў қандай жақсы аўырмасаңыз…

Иште сырнығасаң өткенди ойлап,
Толады гей ўақта сабыр кәсаңыз.
Жегидей наўқаслық жаныңды қыйнап,
Жасаў қандай жақсы аўырмасаңыз…

Далада жаз өмир, иште сарсылыў,
Шығыўға интә жоқ қашар мазамыз.
Ҳәмме жүгирип жүр , сенде арсыныў,
Жасаў қандай жақсы аўырмасаңыз…
27.5.2024 .

YAZAR: BİBİMƏRYƏM

BİBİMƏRYƏMİN DİGƏR YAZILARI

ЖАНСАЯ (БИЙБИМӘРЬЯМ) УТАМБЕТОВА

TÜRK DÜNYASI YAZARLARI

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Бийбимәрьям – УСТАЗДЫ ҚУТЛЫҚЛАП

УСТАЗДЫ ҚУТЛЫҚЛАП

Тәбият мудамы саған шериклес,
Илҳам сирә достың қатар ҳәриплес.
Тәбияттан нәпес алып жазғансоң,
Қосығыңнан оқып ҳеш ким зерикпес.

Жасыңа жас қоссын жыл ҳәм айларға,
Жүриңиз мудамы уллы тойларда.
Сениң жазған қосықларыңды оқып,
Болып кетким келер сол тоғайларда.

Көкирегиң тап – таза гирбиңи жоқтай,
Қәлбиңиз жайнаған гүллеген бақтай.
Сизге деген мениң ҳүрметим шексиз,
Жүректи жаўлайды шарпыған оттай.

Тил менен жеткериў қыйын тәрийиплеп,
Бирақ қосық қылғым келер ҳәриплеп.
Тәбият қойнында усылай отырсам,
Деп кетким келеди сизге еликлеп.

Жасыңа жас қоссын мениң тилегим,
Палўансаң сембесин жумры билегиң.
Туўылған күниңиз мүбәрек болсын,
Бул қосықты бир жазсам деп жүр едим.

Муҳаббат сөнбесин жүреклериңде,
Өмирди оқыдың сездиң бәринде.
Устазым аман жүр қалған жағында,
Шәкиртиң ардақлар керек жеринде.

Озиң оттай жанып толып тасыңыз,
Жақсы адамларға толсын қасыңыз.
Сизди қутлықлайман Жаңабай аға
80..90..100 жастанда асыңыз…
22.05.2024 ж.

YAZAR: BİBİMƏRYƏM

BİBİMƏRYƏMİN DİGƏR YAZILARI

ЖАНСАЯ (БИЙБИМӘРЬЯМ) УТАМБЕТОВА

TÜRK DÜNYASI YAZARLARI

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Бийбимәрьям – ТЫРНАМА ЖҮРЕКТИҢ АРМАН ТӨРИНЕН

ТЫРНАМА ЖҮРЕКТИҢ АРМАН ТӨРИНЕН

Маған дилгирлердиң кештим бәринен,
Атладым дузақты қойған жеринен.
Түңлигин ашпа сен кеўил сарайдың,
Тырнама жүректи арман төринен…

Мүмкин қапалықтың муңы бар шығар,
Мүмкин жылай – жылай маған ар шығар.
Күйдирген сен қусап сәўер яр шығар,
Тырнама жүректи арман төринен…

Талай дебдиўлерим қыйнады жанды,
Дастығымды суўлап атырдым таңды,
Арзыўдың есиги басыўлы қалды,
Тырнама жүректиң арман төринен…

Жаңа сезим арнап, турыпсаң сезип,
Сондада кетпедиң сен меннен безип.
Жүректи аямай қан қылып езип,
Жүректи тырнама арман төринен…

Жаңадан сезимиң бәлким ырасты,
Жүзиме мыйықлы күлки уласты.
Ермек ушын болса қойың таласты,
Жүректи тырнама арман төринен…

Өткен умыт болсын мейли қайылман,
Өзимше жалғызбан жүрген сайылман.
Соған төртлик дизип болған шайырман,
Жүректи тырнама арман төринен…
5 – май 2024 жыл…

YAZAR: BİBİMƏRYƏM

BİBİMƏRYƏMİN DİGƏR YAZILARI

ЖАНСАЯ (БИЙБИМӘРЬЯМ) УТАМБЕТОВА

TÜRK DÜNYASI YAZARLARI

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

Бийбимәрьям – СЕНСИЗ ЖАЛҒЫЗДАЙМАН

СЕНСИЗ ЖАЛҒЫЗДАЙМАН

Кеўлим қыялларға кетип төзимсиз,
Таңларым атады заўқы бәзимсиз.
Дүнья босап қалған яңлы өзиңсиз,
Сенсиз жалғыздайман, жалғыздай жаным…

Урқан атқан жазда гүллер шырайы,
Қалғандайсаң шөл кеўлимде бинайы.
Гүл саралап усынсада талайы,
Сенсиз жалғыздайман, жалғыздай жаным…

Қыялым менен бәнт отырман ойда,
Қанат байлап ушар әрманлар қайға,
Менде әрман болдым билсем талайға,
Сенсиз жалғыздайман, жалғыздай жаным…

Естен кетпес сениң күлимлегениң,
Еки ийнимнен услап ,,гүлим” дегениң.
Маған инәм еттиң гүллер шәменин,
Сенсиз жалғыздайман, жалғыздай жаным…

Мениң жүзлериме тигип көзиңди,
Баўырыңа бастың айттың сезимди.
Отырман қәлбимде аңсап өзиңди,
Сенсиз жалғыздайман, жалғыздай жаным…

Аспанлардан жалынып мен сорайман,
Көринбейсең көптен, бир айдан.
Ҳәр күн сайын жолларыңа қарайман,
Сенсиз жалғыздайман, жалғыздай жаным…

Сағыныш кернейди жүрегим езип,
Әрман қыялларым қайларды гезип.
Басқа ойлар менен кетпе сен безип,
Сенсиз жалғыздайман, жалғыздай жаным…

Басқадан ойымды жүрмен жасырып,
Сениң сезимлериң оттай басылып.
Жаным азар берер, саған асығып.
Сенсиз жалғыздайман, жалғыздай жаным…
28 – апрель 2024 жыл…

YAZAR: BİBİMƏRYƏM

BİBİMƏRYƏMİN DİGƏR YAZILARI

ЖАНСАЯ (БИЙБИМӘРЬЯМ) УТАМБЕТОВА

TÜRK DÜNYASI YAZARLARI

Mustafa Müseyiboğlu adına kitabxana

“ƏDƏBİ OVQAT” JURNALI PDF

“YAZARLAR”  JURNALI PDF

“ULDUZ” JURNALI PDF

“XƏZAN”JURNALI PDF

WWW.KİTABEVİM.AZ

YAZARLAR.AZ

===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru