TƏŞƏKKÜR MƏKTUBU

Ağdam Rayon İcra Hakimiyyətinə,
YAP Ağdam Rayon Təşkilatına,
Ağdam Rayon İcra Hakimiyyətinin başçısı
Hörmətli Vaqif Həsənov cənablarına,
Mən, Ağdam rayonu Yusifcanlı kənd sakini Abbasov Ceyhun Firdovsi oğlu, Sizə dərin minnətdarlığımı bildirmək istəyirəm.
İşğaldan azad edilmiş Ağdam rayonunun Yusifcanlı kəndi ərazisində baş vermiş mina partlayışı nəticəsində sol ayağımın amputasiya olunması həyatımda ağır bir sınaq oldu. Bu çətin günlərdə göstərdiyiniz diqqət və qayğı mənim və ailəmin yaddaşında xüsusi yer tutdu.
24 aprel 2026-cı il tarixdə mənim yaşadığım evdə şəxsən məni ziyarət etməyiniz, səhhətimlə maraqlanmağınız və mənəvi dəstək göstərməyiniz yüksək humanistlik nümunəsidir. Eyni zamanda, Ağdam Rayon İcra Hakimiyyəti tərəfindən göstərilən diqqət və qayğıya görə Sizə və kollektivinizə təşəkkür edirəm.
Həmçinin, Yeni Azərbaycan Partiyası Ağdam Rayon Təşkilatının sədri Mansur Quliyevə də göstərdiyi diqqətə görə minnətdarlığımı bildirirəm.

Sizin kimi rəhbərlərin və dövlətimizin diqqət və qayğısı bizə güc verir, gələcəyə daha böyük ümidlə baxmağa ruhlandırır.
Bir daha Sizə öz və Ailəmin adından təşəkkürümü bildirirəm fəaliyyətinizdə uğurlar arzulayıram.
Hörmətlə,
Abbasov Ceyhun Firdovsi oğlu,
Ağdam rayonu, Yusifcanlı kənd sakini