WWW.YAZARLAR.AZ

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Qəzənfər Məsimoğlu – Arəstə

İyun 4, 2024 www.bitik.az Bir şərh yazın

QƏHRAMAN ARƏSTƏSƏN

44günlük Vətən müharibəsinin yeganə qadın şəhidi Arəstə baxışovanın ruhuna dərin ehtiramla…

Salam, əziz ruhuna,
Salam, əziz adına.
O müqəddəs, o uca,
O saf, təmiz adına.

Şəhidlik ölüm deyil,
Şəhidlik ölməzlikdir.
Başına dolandığım
Ziyarətgah, ocaq, pir.

Sən bənzərsiz zəfərim,
Sən mənim rahat anım.
Şəninə nə söyləyim,
Nə yazım, rahatlanım?

Müsəllah əsgər oldun,
Yurdun ağır günündə.
Düşmənlər diz çökdülər,
Dava günü önündə.

Tomrisimin bənzəri,
Burla Xatun barısan.
Nigarımın sələfi,
Həcərin oxşarısan.

Əbədi qürur kimi,
Qəlbimdə bitən qızım.
Bir zərif qız getmişdin,
Qayıtdın VƏTƏN qızım.

Ruha qida şeirsən,
Könül açan bəstəsən.
Sən xanım Arəstə yox,
Qəhraman Arəstəsən!

Müəllif: Qəzənfər MƏSİMOĞLU

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Qəzənfər Məsimoğlu – MƏNİM

May 22, 2024 www.bitik.az Bir şərh yazın

MƏNİM

Elə bil ki, taleyimə yazılıb,
Ağrı mənim, çətin mənim, dar mənim.
Könül açan günəşli gün görmədim,
Çovğun mənim, boran mənim, qar mənim.

Yurd-yuvamdan nələr, nələr çəkmişəm,
Yaddaşıma xatirələr çəkmişəm,
Savalandan ağır gələr, çəkmişəm,
Həsrətimi dilləndirən tar mənim.

Mən keçdiyim bu yollardan keçmə, ha!
Eşq adında odası var, köçmə, ha!
Mən içdiyim piyalədən içmə, ha!
Sevgi adlı xəstəliyim var mənim.

Gözlərimdə Göyçə zərdi, görərsən,
Dərbənd, Təbriz Qəzənfərdi, görərsən.
Ağlar qəmi, göynər dərdi görərsən,
Neştər götür, ürəyimi yar mənim.

Müəllif: Qəzənfər MƏSİMOĞLU

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Qəzənfər Məsimoğlu – QOŞMA

Aprel 28, 2024 www.bitik.az Bir şərh yazın

QOŞMA

Vaqifdən, Vurğundan yadigar qalıb,
Hər zaman təzəmdi, tərimdi qoşma.
Qəlbimi oxşayıb, könlümü alıb,
Gözəlim, göyçəyim, pərimdi qoşma.

Elə möhtəşəmdi, elə ucadı,
Dillərdən düşərmi görün heç adı.
Ruhu qafiyədi, canı hecadı,
Noğuldan, şəkərdən şirindi qoşma.

Sevən ürəklərə sevinc payladı,
Barışa çağırdı, sülhə hayladı,
Əsli bayatıdı, kökü layladı,
Dəryadan, ümmandan dərindi qoşma.

Uludu, yüyrəkdi, ozan dilidi,
Bir sözü yüz yerə yozan dilidi,
Din-iman dilidi, azan dilidi,
Müqəddəs ocağım, pirimdi qoşma.

Hökmüylə adillik gətirər şaha,
Saraya çevrilər ən uçuq kaha.
Qəzənfər, dünyada qiymətli, baha,
Yaqutum, gövhərim, zərimdi qoşma.

Müəllif: Qəzənfər MƏSİMOĞLU

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Qəzənfər Məsimoğlu – Yasəmən

Aprel 26, 2024 www.bitik.az Bir şərh yazın

YASƏMƏN

Ətrini sevmuşəm güllər içində,
Baharın ərköyün gülü yasəmən.
Özünün özündən xəbərin yoxdu,
Bürüdün çəməni, çölü, yasəmən.

Körpəcə mələksən san ki, bələkdə,
Mənəm vurulan da, mənəm ləlik də.
Sən bu zəriflikdə, bu incəlikdə
Keçmisən min dəfə tülü, yasəmən.

Sevən aşiqlərin sevda dəmisən,
Qəlbinin titrəyən sarı simisən.
Sərin külək əsən dəniz kimisən,
Qırçın ləpələrin dili yasəmən.

Gözəl ləçəklərin sərgisi kimi,
Yuxulu gözlərin mürgüsü kimi,
Vəsfində sözlərin hörgüsü kimi,
Təbimin qanadı, qolu yasəmən.

Ulduz kəhkəşanı, ulduz tağısan,
Bir budaq üstündə çiçək dağısan.
Şeirimin ən şirin bəndi, bağısan,
Tanrı qüdrətindən dolu yasəmən.

Müəllif: Qəzənfər MƏSİMOĞLU

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Qəzənfər Məsimoğlu: – “…çıxıb gedəcəm”.

Aprel 15, 2024 www.bitik.az Bir şərh yazın

BİR GÜN BU ŞƏHƏRDƏN ÇIXIB GEDƏCƏM

Bezmişəm hay-küydən, qarışıqlıqdan,
Ruhumu oxşamır nə axşam, nə dan.
Əzaba, möhnətə necə dözsün can?
Umudan, küsüdən bıxıb gedəcəm,
Bir gün bu şəhərdən çıxıb gedəcəm.

Yaşıl zəmiləri qalmasın dənsiz,
Zirvələr olmasın dumansız, çənsiz,
O meşələr mənsiz, talalar mənsiz,
Həsrətlə güləşib, yıxıb gedəcəm,
Bir gün bu şəhərdən çıxıb gedəcəm.

Dərdim dil-dil ötən simli tavarsa,
Qəlbimdə çəkdiyim qəmim avarsa,
Burda ürəyimə dəyən nə varsa,
Üzünə ötəri baxıb gedəcəm,
Bir gün bu şəhərdən çıxıb gedəcəm.

Ümiddən qanadlı yelə dönəcəm,
Sevgidən sədalı telə dönəcəm,
Ümman məhəbbətli selə dönəcəm,
Sevən könüllərə axıb gedəcəm,
Bir gün bu şəhərdən çıxıb gedəcəm.

Qəzənfər, o yerlər gözdə-qulaqda,
Yamanca darıxıb Soyuq bulaq da.
Əlimin sığalı qalıb yarpaqda,
Arzumu sinəmə sıxıb gedəcəm,
Bir gün bu şəhərdən çıxıb gedəcəm.

Müəllif: Qəzənfər MƏSİMOĞLU

YAZARLAR.AZ
======================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Qəzənfər Məsimoğlu – Nə yaxşı.

Aprel 11, 2024 www.bitik.az Bir şərh yazın

NƏ YAXŞI

Ömrün payızında qoşa kölgəni
Sahil salamladı, gördü, nə yaxşı.
Dəniz ayağımız altına bizim,
Kövrək ləpələri sərdi, nə yaxşı.

Bənzərsiz yaratdı Tanrı bu günü,
Göylərə çatmışdı həsrətin ünü,
Gündüz səxavətlə sevən könlünü,
Sevdiyi gecəyə verdi, nə yaxşı.

Heyranam Xəzərin sirli səsinə,
Özünü qoxuyan tər nəfəsinə.
Qıymayıb ürəklər titrəməsinə,
Vüsal çələngini hördü, nə yaxşı…

Müəllif: Qəzənfər MƏSİMOĞLU

YAZARLAR.AZ
======================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Qəzənfər Məsimoğlu: Dağların.

Mart 18, 2024 www.bitik.az Bir şərh yazın

DAĞLARIN

Kök atıb, yaşayır min illərdi ki,
Uca zirvəsində elim dağların.
Adıyla bağlıdı xatirələrim,
Ötüşən hər ayım, ilim dağların.

Yeriyən torpağam, o göy deyiləm,
Sahilsiz ümmanam, Egey deyiləm,
Doğma balasıyam, ögey deyiləm,
Danışan dilidi dilim dağların.

Burda qazanılan, itən -adında,
Burda hər cücərən, bitən- adında.
Bir nalə çəkərəm Vətən adında,
Getməz qulağından zilim dağların.

Nə çoxdu dərdlisi, nə çoxdu şəni,
Düşüb saçlarıma həsrətdən dəni.
Çəkilsin yolumdan dumanı, çəni,
Yaraşmaz adına zülüm dağların.

Enişi, yoxuşu əfəndim olub,
Keşiyini çəkən öz kəndim olub.
Dörd ətir saçanı bir bəndim olub,
Bitib yamacında gülüm dağların.

Qəzənfər, dünyanın dadı nurdadı,
Sevənin qibləsi, yönü yurdadı,
Uzaqda axtarma, cənnət burdadı,
Can verim, qoynunda ölüm dağların.

Müəllif: Qəzənfər MƏSİMOĞLU

YAZARLAR.AZ
======================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Qəzənfər Məsimoğlu: Dağların.

Mart 16, 2024 www.bitik.az Bir şərh yazın

DAĞLARIN

Həmdəm gözləyir gör nə zamandı,
Yollarda qalıb gözü dağların.
Sevib əzizlər doğması kimi,
Güldü, çiçəkdi sözü dağların.

Zirvəsinə qoy tac ürəyini,
Qızınsın bir az, saç, ürəyini.
Yaxının kimi aç ürəyini,
Gözəl sirdaşdı özü dağların.

Şimşəyə çevril, yamacına çax,
Şəlaləyə dön, qayasından ax,
Təltifi kimi yaxasına tax,
Gəzib saldığın izi, dağların.

Dumana düşək, itək döşündə,
Oxuyaq qoşa Qutək döşündə,
Lalə, nərgiztək bitək döşündə,
Sevinsin, gülsün üzü dağların.

Müəllif: Qəzənfər MƏSİMOĞLU