WWW.YAZARLAR.AZ

Oxuyun >> Gözündə tük var

www.USTAC.az

Tural Əlizadə – MÜNACAT

İyul 8, 2026 www.bitik.az Bir şərh yazın

MÜNACAT

(Seyid İmadəddin Nəsimi və Hafiz Şirazinin pak-mübarək ruhlarına ithaf olunur)

Etdim istiğfarü tövbət,
Çəkdim nəfsimə riyazət.
Gəldi mənə öylə halət;
Həqqə məzhər oldu canım!

Eyləmədim həyavü ar,
Qıldım fəğanü ahü zar,
Vücudum mənə gəldi dar,
Qalmadı tabım-təvanım!

Gəl meylə doldur badəmi,
Sirab eylə ləblərimi.
İmtahan etmə səbrimi,
Ey saqiyi-mehribanım!

Qoy şərabdan sərxoş olum,
Vüsalından bihuş olum.
Eşqindən od tutmuş olum,
Alışım, yaxılıb-yanım!

Kaş rəhmətin gələ cuşa,
Məğfirətin coşub-daşa;
Rəhm edəsən bu naxoşa,
Ya Qəfurum, ya Rəhmanım!

Cihad üçün riyazət şərt,
Riyazət üçün xəlvət şərt,
Xəlvətçün mənsubiyyət şərt;
Budurmu ruşi-asanım?!

Əgər Sən salmasan nəzər,
Nəfsi Qul Turalı əzər.
Məğlubiyyətdən dad-həzər!
Hanı zəfəri-zişanım?!

30.08.2019

Müəllif: Tural Əlizadə

Oxuyun >> Gözündə tük var

www.USTAC.az

DƏLİ OLMAQ İSTƏYİRƏM

İyul 3, 2026 www.bitik.az Bir şərh yazın

DƏLİ OLMAQ İSTƏYİRƏM

Həyatda ən böyük arzum:
Dəli olmaq istəyirəm!
Sarsılsın cümlə şüurum,
Dəli olmaq istəyirəm!

Karlığın əziyyəti var,
Korluğun məşəqqəti var,
Lallığın da zəhməti var;
Dəli olmaq istəyirəm!

Dərd çəkməkdən tamam bezdim,
Ürəyimi sıxıb-üzdüm,
Boş xəyallar qoşub-düzdüm;
Dəli olmaq istəyirəm!

Tərəddüddən gəldim cana,
Ah-zar etdim yana-yana,
Sığmadım kövnü məkana;
Dəli olmaq istəyirəm!

“Allah varmı, yoxmu görən?
Varmı mərifətə varan,
Həqiqət meyvəsin dərən?” –
Dəli olmaq istəyirəm!

Şübhə ruhuma saldırdı,
Çirkaba, pasa daldırdı,
İmanımın belin qırdı;
Dəli olmaq istəyirəm!

Xoşbaxt günlər harda qaldı?!
Ruhum soluban saraldı,
Köksümdə qəlbim daraldı;
Dəli olmaq istəyirəm!

Havalanıb düşəm çölə,
Camaat lağ edə, gülə,
Dərdlərdən canım qurtula;
Dəli olmaq istəyirəm!

Turalam, iman dilərəm,
Dərdimə dərman dilərəm.
Əgər tapılmasa çarəm,
Dəli olmaq istəyərəm.

2015

Müəllif: Tural Əlizadə

Oxuyun >> Gözündə tük var

Tural Əlizadə, www.USTAC.az

Tural Əlizadə – Əlifba

İyun 30, 2026 www.bitik.az Bir şərh yazın

ƏLİFBA

(Haqq aşığı Dədə Ələsgərin pak-mübarək ruhuna ithaf olunur)

İbtidada A – Allahdır,
Be – Baqidir, daim yaşar.
Ce – Cabbardır, məcbur edər,
Həyat qədərlə örtüşər.

Çe – Çalab dünyanı qurar,
De – Dəyyandır, savab verər.
E – eşidər, cavab verər,
Qul muradına yetişər.

Ə – Əfüv əfv edər, keçər,
Fe – Fəttah qapılar açar.
Ge – gözəldir, gövhər saçar,
Şöləsindən göz qamaşar.

He – Həlimdir, şəfqətlidir,
Xe – Xaliqdir, xilqətlidir.
İ – izzətli, taqətlidir;
Sığınan yoxuşlar aşar.

Je – jaləylə eşdə gərək,
Ke – Kərimdir, xərcdə gərək.
Qe – Qəvidir, gücdə gərək;
Əmr etsə, insan daşlaşar.

Le – Lətif, görünməz, qaib,
Me – Malikdir, mülkə sahib.
Ne – nurdan bizə üfləyib,
Odur ki, eşqimiz coşar.

O – hər vaxt oyaqdır məgər,
Ö – öfkəli, sahibvüqar.
Pe – padişah, pərvərdigar;
Saymayan müşkülə düşər.

Re – Rəhmandır, rəhmi çoxdur,
Se – Səbur səbirdən toxdur.
Şe – Şəriksiz, tayı yoxdur,
Di gəl, azğınlar şirk qoşar.

Te – Təvvab; tövbə et barı!
U – ucadır görklü tanrı!
Ü – ülvidir, həm də arı;
Napaklar yolundan çaşar.

Ve – Vəhhab ehsanı boldur,
Ye – Yezdan yavəri-quldur.
Ze – Zahirün ələl-külldür,
Turalsa aciz bir bəşər.

31.07.2020

Müəllif: Tural Əlizadə

Oxuyun >> Gözündə tük var