WWW.YAZARLAR.AZ

> > > > MÜTLƏQ OXUYUN !!!

POLAD HƏŞİMOV VƏ İLQAR MİRZƏYEV HAQQINDA

YAZARLAR.AZ
===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Cavid Fərzəli. QOVAQ AĞACI.

Aprel 30, 2023 www.yazarlar.az Bir şərh yazın

QOVAQ AĞACI
Bir axşam lal küçədə,
Mənə səni xatırlatdı qovaq ağacı.
Elə bil üzündən qoparıb üzünü,
Elə bil ayrılıq dərib ayaqlarını.

Bir az qulaq verdim, səsini duyum,
üzünü görüm deyə, ayrılığım!
Baxdım,
Bir dilsiz baxışdan
Ağac rəngində sevgilər yıxılır,
qonur çöllərin üstünə.

Əllərim bətninə düşür,
Sənə sarı kar axşamlarda.
Bir bilsən, qovaq xanım,
Yarıağac yolları gözləməkdən,
Alatoran küçələrin addımlarını balta kəsir,
Əllərim qanına batır sənsizliyin…

Yarıqadın ağaclarda,
Yarpaqların axşam düşür sənin,
Barmaqların çiçək soyundan doğulur.
Bağışla, gecikdim əllərinin baharına,
Daha ağacların ürəyin əritməz bir çiçək…

Müəllif: Cavid FƏRZƏLİ

POLAD HƏŞİMOV VƏ İLQAR MİRZƏYEV HAQQINDA

YAZARLAR.AZ
===============================================

<<<<<< WWW.USTAC.AZ və WWW.BİTİK.AZ >>>>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Cavid Fərzəli. MÜHARİBƏ GÜNÜ.

Mart 19, 2023 www.yazarlar.az Bir şərh yazın

MÜHARİBƏ GÜNÜ
Müharibədən gələn xəbər
Ürəyimi gülləliyən an,
Doğum evinin başında
Bir ana bulud daşıyır çiyinlərim.
Yüyürüb bir çağa həsrətin arxasında gizlənir əllərim.
Yolunu gözlədikcə doğum gününün.
Yollar sancı çəkir ayaqlarımda.

Bir az keçmiş, tibb bacısı oğlumun üzünü Tanrıdan gizlədib gətirdi
kor bir pəncərəyə.
Gördüm gözlərini,
Ağaclar sevinc gətirdi qollarıma,
Qucağıma aldım doğum gününü.

Müharibədən gələn xəbər;
Qarşı pəncərədə
Körpə bir səs atasız qalır.
Hardasa bir ana oğlunu mərmilərin yadından çıxarır.

Müharibə şəkilli adamların arasında,
Kəpənəklərə dil öyrətməkdir addımlarını böyütmək…

Rəqəmlərin ölümüymuş doğum günün.
Cibimdə çağırış vərəqi, dilimdə doğum günün dayanmışam müharibənin ağzında.

Doğum günündən uzaqlaşdıqca, oğlum!
Gözlərimdə uşaqlar müharibələrlə yaşıd qalır,
Axı anaların qucağı həmişə körpədir.

Müəllif: Cavid FƏRZƏLİ

POLAD HƏŞİMOV VƏ İLQAR MİRZƏYEV HAQQINDA OLAN DİGƏR YAZILARLA KEÇİD ETMƏKLƏ TANIŞ OLA BİLƏRSİNİZ:

YAZARLAR.AZ
===============================================

<<<<<< WWW.USTAC.AZ və WWW.BİTİK.AZ >>>>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

CAVİD FƏRZƏLİ. HƏR GÜN.

Yanvar 6, 2023 www.yazarlar.az Bir şərh yazın

HƏR GÜN
Hər günün dibində əllərimdən ölüm düşür,
Kor sürahilərin üstünə.

Bir gecənin arxasında,
Divarlarımı boğub öldürür qaranlıqlar,
Pəncərəmə ayrılıq salır ay işığı.

Bir qış səhəri
Masamdakı şam işığı içindən asır özünü,
Gözlərimin üzün örtür ayrılığın əlləri.

Sevda boynuna sarılır barmaqlarım,
Yanımdan kəhər maşınlar yüyürüb ötür həsrətimi…

Əyləncə parkında oğlumun ürəyini gəzəndə,
Ciblərimin başın kəsib öldürdü bir qəpiyim.

İndi axsaq buludlarda,
Göylərin intiharıdır ayaqlarım.
Baxdım,
Əqrəbləri topaldı saatımın.
Yollar həsrətimin ayaqqabısıdır.

Heyif, bilməmişəm yıxılmaq ayaqlarımızın yaddaşıymış.
Yalavac küçələrdə,
saatı kölgələrdən öyrənirmiş qardaşım.

Müəllif: Cavid FƏRZƏLİ

POLAD HƏŞİMOV VƏ İLQAR MİRZƏYEV HAQQINDA OLAN DİGƏR YAZILARLA KEÇİD ETMƏKLƏ TANIŞ OLA BİLƏRSİNİZ:

YAZARLAR.AZ
===============================================

<<<<<< WWW.USTAC.AZ və WWW.BİTİK.AZ >>>>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Cavid Fərzəli. Kamança.

Noyabr 8, 2022 www.yazarlar.az Bir şərh yazın

KAMANÇA
Qumru dərədə
Bir ana küləyin dilində,
Qarğı qamışlar nəğmə deyəndə,
tikanlı məftillərin üstünə sərdim səsimi.

Səni bülbül səsindən soruşdum, kamança!
Oxuyanda tənha divarlarımı,
Oxuyanda tanrı barmaqlarımı.

Qulağımın dibində
sular oxuyanda
dilini öyrəndim çayların…

Məhbus çiçəklərdə
yağışlar ölümünü sənintək oxuyur,
buludlar sevdasından havalanır.

Yenə ayrılıq düşdü üzümə
Boyunuma dolanan kor çöllərdə,
Ağaclar ölüm gətirdi əllərimə.
Üsyanım nəğməyə döndü.

Küçələrin göz yaşında,
Qapımızın üzünü sevmə daha.
Ovuclarımın azad günündə,
Barmaqlarımın başına dönmə daha, kamança!

Müəllif: Cavid FƏRZƏLİ

MÜSABİQƏ ELAN OLUNDU

POLAD HƏŞİMOV VƏ İLQAR MİRZƏYEV HAQQINDA OLAN DİGƏR YAZILARLA KEÇİD ETMƏKLƏ TANIŞ OLA BİLƏRSİNİZ:

YAZARLAR.AZ
===============================================

<<<<<< WWW.USTAC.AZ və WWW.BİTİK.AZ >>>>>>

Əlaqə: Tel: (+994) 70-390-39-93 E-mail: zauryazar@mail.ru

Cavid Fərzəli, www.USTAC.az

Cavid Fərzəli – Od düşən günümə…

İyun 15, 2022 www.yazarlar.az Bir şərh yazın

* * *

Od düşən günümə

Yanmayın mənim.

əl uzatmayın mənə

Əllərim kardı mənim.

Ürəyimi küçə-küçə

ayaqlayan adamlar,

Özgə bir yoldasa,

ən çox sevdiklərim tanıyır məni.

Uşaqların oyuncaqları

qırıldığı gündən həyata addımları,

Quşlarınsa qanadları

qopduğu yerdən göy üzü başlayır…

müqəddəslər ağacların edam şəkilində unudulur.

dilənçilərsə ovuclarımın xoşbəxt günündə.

Daha üzülməyin, dostlar

Daha məndən qorxmayın…

Qollarım sağdı mənim,

Qucağıma həsrətəm…

* * *

Təkcə sevdiyindən deyil,

əllərin qopan hər yer

sevgiylə dolar.

…Bütün sevgilər ayağın kəsər səndən;

Başı daşa dəyən yollarda addımlarını tanıyarsan,

yolun qalmaz ölməyə.

…özgələşər göz yaşların

pərdə buludlar arxasında,

sevdadan qalan külün gözündə.

Gözün olmayan xoşbəxtlik

güllələyər ürəyini,

əlində ölərsən dənizin,

kimsə su atmaz üstünə.

…Qadınlar tanrısız kişilərdə həsrətini yaşayar

hər gecənin qapısında,

hər ürəyin səhərində.

Heyif bilməmişəm;

Sevmək kədərini dəyişə bilməməkmiş

eyni ocaq başında,

eyni yağışlar arxasında.

Müəllif: Cavid FƏRZƏLİ

YAZARLAR