LALƏ İSMAYIL – GEDƏK DAĞLARA, DAĞLARA…
Müəllif: Lalə İSMAYIL
YAZARLAR.AZ
===============================================
<<<<<<WWW.YAZARLAR.AZ və WWW.USTAC.AZ>>>>>>
Əlaqə: Tel: (+994) 70-390-39-93 E-mail: zauryazar@mail.ru
…YAR XUMARLANAM…
Müəllif: Lalə İSMAYIL
YAZARLAR.AZ
===============================================
<<<<<<WWW.YAZARLAR.AZ və WWW.USTAC.AZ>>>>>>
Əlaqə: Tel: (+994) 70-390-39-93 E-mail: zauryazar@mail.ru
ELƏ SUSAMIŞAM…
Elə susamışam, çat verib dilim,
Torpağın yaxasın cır, bulaq eylə.
İllərdir yollarda yorgunam gülüm,
Dağda alaçığı qur, soraq eylə.
* * *
Bir ömür ruhumu sıxıb bu şəhər,
Doğub, pəncərəmdən baxmayır səhər,
Yəhəri belində, kişnəyir kəhər,
Çağır Əsgülümə pir, qonaq eylə.
* * *
Azıb dərələrdə, bataq dərinə,
Çataq baxışları ocaq yerinə,
Külək əvəznə sən tellərimə
Şanə barmaqları vur, daraq eylə.
* * *
Baharam, güllərin nazı məndədir,
Eşqin alovundan qor sinəmdədir,
Bu qulun halından razı bəndədir,
Hüsnümü ruhuna qur, calaq eylə.
* * *
Adımı qayaya, daşa yaz, qalım,
Vədəsiz yetişən qışa yaz, qalım,
Həsrətin yanında qoşa yaz, qalım,
Şairin halına bir maraq eylə.
* * *
Budur son istəyim, götür yaz yada,
Əzdirmə özgəyə, qoxlatma yada!
Ya gül bil Laləni, özün bil, ya da –
Xırdala, ocağa qamqalaq eylə.
18.12.2020.
Müəllif: Lalə İSMAYIL
YAZARLAR.AZ
===============================================
<<<<<< WWW.USTAC.AZ və WWW.BİTİK.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru
SÖZ
Nə gündəsən a qələm, nə gündəsən a varaq?!
Qaralanıb, pozulur üz-gözün varaq, varaq,
Səni edam eyləyir, hər yetən əl, ovaraq,
Döz, deməyə üzüm yox, tərsə düşüb zamanın.
* * *
Qonub bir şah budağa, “qarr” eyləyir qarğası,
Oturub sağ yanında, dəmin tutur darğası,
Arxasıza toy tutur, kimin varsa arxası,
Sovurur hayın, küyün, sovurmur söz xırmanın.
* * *
Düyün salıb, ilməsi çözülməyən büyüdür,
Üfləyir bəbəklərə, tozu gözdə böyüdür,
Ləl udub, mədəsində, xırdalayıb, üyüdür,
Şər tutub bu dünyanın fırladır dəyirmanın.
* * *
Tamahın zirvəsinə, qanadlanma hündürə,
Siçan düşər tələyə, acsa müftə pendirə,
Şöhrəti yal qabında, düyünləyir kəndirə,
Ucun tapıb, sallaşan, dırmanın hey, dırmanın!
* * *
Dörd tərəfə ayırma, parçalama gəl biri,
Onsuz da ələyəcək şadarası, xəlbiri,
Son gedişin ələkdə, çox qalmazsan sən diri,
Hər at verməz minməyə, hər yetənə yalmanın!
* * *
Özü memarı olsun, insan gərək özünü-
İnşaa edərkən, tutsun bünövrədə sözünü,
Demirəm, burda mənəm, Tanrı yumub gözünü,
Yetəcək harayıma, gözləyirəm fərmanın.
15. 04. 2021.
Müəllif: Lalə İSMAYIL
YAZARLAR.AZ
===============================================
<<<<<<WWW.YAZARLAR.AZ və WWW.USTAC.AZ>>>>>>
Əlaqə: Tel: (+994) 70-390-39-93 E-mail: zauryazar@mail.ru