***
Qadın sevər qulağıyla,
Kişi oynayar onunla –
hissləri ilə
həvəsi ilə,
duyğusu ilə…
Soyundurub bir qadını,
qulağına pıçıldayar
sevgi yalanlarını…
Danışar gəlib-keçmiş
Həyat nağıllarını…
Qadın seçər
aldanmağı.
Qadın seçər
inanmağı.
Qadın yanar
Qadın donar
Qadın umar —
Bir balaca sevgini də…
Çünki qadın
Sevilmək istəyər
Çünki qadın
Sevdiyi kəsin
Yalanını həqiqət eşidər.
Çünki qadın
Xəyanəti görsə belə
Atar içinə
Görməzdən gələr.
Çünki qadın susar
Qadın dözər…
Xəyanət olan ev
Uçar,
Tökülər.
Qadın sevərsə —
Dayaq olar,
Qadın ev olar,
Yuva olar…
Qadın sevərsə —
Xəyanəti də,
Nifrəti də unudar.
Ümid edər —
“Bəlkə bir gün düzələr”
Müəllif: Şəlalə CAMAL
Prezident təqaüdçüsü
Oxuyun >> Gözündə tük var
