Mən sevginin özüyəm. Sən sevməyi bilməmisən… Bircə dəfə yanağımdan ürəyimə süzüb gələn göz yaşımı silməmisən… Sevgi mənəm… Cırmaq – cırmaq, Addım – addım, Aşa – aşa, Çaşa – çaşa məhəbbətdən dönməmişəm… Sevgi mənəm, Sən ölsən də… Yaşayacam kainatda, bil ki, hələ ölməmişəm.
Gücüm çatmır ayrılmağa, Gəl yaramı özün bağla… Bəlkə fürsət yaranardı, sonuncu kəz danışmağa… Bu son vida… Əmin ol ki, sovurulacaq bundan belə, gəlib – gedən bəla – qada… Nəfəsimdə iniltini, içimdəki qımıltını, evimdəki hənirtini yox edəcəm… Darıxma, tez gedəcəm… Qalmayacam…. Bu ölkədə, bu həyatda, kainatda olmayacam… Sağlığında qiymət verin insanlara demişdilər… Nə olsun ki? Demişdilər… Mən sağ ikən görməmişdim o qiyməti, o dəyəri…. İçim nisgil, çölüm nisgil… Dərd içində qıvrılıram… Yanıb göyə sovuruluram… Gəl yaramı bağlamağa…. Tut əlimdən danış görüm. Mən beləyəm. Sən necəsən?
Ruhunla tanış deyiləm… Daha danışan deyiləm… İçimdəki o qığılcım sönüb artıq… Sənə qarşı ruhumdakı o şəfqət də dönüb artıq… Üzü dönsün ayrılığın deyirdilər… Dönməz olsun. Ayrılıqdan betəri var… Dözə – dözə inləyərsən… Sakitliyin içində sən göz yaşını dinləyərsən… Ruhuma bələd bir qadın, Yadımdan da çıxıb adın. Allaha yetir fəryadım, Daha danışan deyiləm.
Bu gün bir qərar almışam, Elə indi getməliyəm… Get – gəllərdə ha qalmışam Mən sənə layiq deyiləm…
Hanı sevgin bitməz idi?! Bu ümmana yetməz idi?! İnan səndən getməz idim, Mən sənə layiq deyiləm…
Məhəbbətdən pay olmazdı, Əhdi – peyman pozulmazdı. Min bir yerə yozulmazdı Mən sənə layiq deyiləm…
Qara saçımı dən aldı, Ayrılıq da hərdən oldu. Eşqin məni məndən aldı Mən sənə layiq deyiləm.
Gəzər, axtarar ürəyim Evim, eşiyim, dirəyim. Ay mənim yarım, gərəyim, Mən sənə layiq deyiləm.
GƏL
Gəlişinə qurban olum, Elə gəl ki, şəfəq saçsın Məhəbbətin şüaları üzərimə. Günəşi özünlə gətir Gəl günəşim ol sən mənim. Səni sevim, əzizləyim. Qollarıma alım səni Sığallayım… Ağlayanda lay lay deyim Allahımdan bir pay deyim Ağıl balam Nağıl balam Get şirin yuxuya sən Noğul balam Tez böyü, tez dil aç sən Tez böyüyüb tez dil açsan Ana desən Canım qurban olsun balam. Doğmalardan doğma olan Gözəl balam.
Çoxdandır ki, görüşmürük Gəl danışaq, söhbət edək. Danış mənə qalanlardan, Ölənlərdən, Keçənlərdən, Ötənlərdən… Danış göyə sovurulandan, Danış yerdə bitənlərdən Məndən sonra nələr oldu? Nə dəyişdi? Bu dünyanın özəyindən Kimlər doğdu? Kim doğuldu? Bir ara eşitdim ki, Bu yaxında Bir az olar Təzəlikcə Məhəbbətə yelkən açan Bu sevgiyə qucaq açan Neçə – neçə Saysız qədər Sevgililər Eşqə batdı Və boğuldu. İndi söylə… Dəyərimi anlamadın Çıxıb getdin. Dönüşünə nə söyləyim? Mən susuram, Danışırsan, özün danış…
İCAZƏ VER ÇIXIM GEDİM Danışmayaq söz xətrinə… Nə səndən sevən çıxacacaq… Nə məndən adam olacaq…. * * * Ürəyim dönüb dumana, Çatmayır sevgim limana, Eşqim yetmir bu ümmana, Məndən adam olmayacaq… * * * Hər yalanına uyaram, Məhəbbətini duyaram… Dizlərinə baş qoyaram Məndən adam olmayacaq…. * * * Gəl sən mənə çox güvənmə, Gəl sən mənə bel bağlama, Xətrinə dəyməsin, amma Məndən adam olmayacaq…. * * * Bax, bu eşqə düşsəm belə, Səninlə görüşsəm belə.. Sevgimi bölüşsəm belə, Məndən adam olmayacaq. * * * Gözlərimdən yaş tökərəm Bağrımı yarıb sökərəm… Qəlbim qaralıb çökərəm Məndən adam olmayacaq…
