İSTƏYİRƏM
(birinci şeir)
İstəyirəm, şeir yazım;
Qəhrəmanı Sən olasan!
İstəyirəm, hava olub;
Ciyərlərimə dolasan!

---

Su kimi içməyim gəlir,
Keçərsənmi dodağımdan?!
Od kimi əlimdən girib,
Çıxarsanmı yanağımdan?!

---

Qalan ömrüm Sənə fəda;
Gəl, yeni bir dünya quraq!
Dol canıma, gəz qanımda,
Sonunda bir olaq torpaq!

---

Üzeyirlə dostdur Ustac,
Fərqi yoxdur; ya sağ, ya sol.
İstəyirəm həmin günü,
Oyananda yanımda ol!
15.04.2025. Bakı.
HURİCAMALA ŞEİRLƏR SİLSİLƏSİNDƏN

Müəllif: Zaur USTAC

“YAZARLAR” jurnalının baş redaktoru, Azərbaycan Yazıçılar Birliyinin və Azərbaycan Jurnalistlər Birliyinin üzvü, şair – publisist

ZAUR USTACIN YAZILARI

“YAZARLAR” – SİFARİŞ ET

Mustafa Müseyiboğlu adına kitabxana

> > > > MÜTLƏQ OXUYUN !!!

“YAZARLAR”  JURNALI PDF

YAZARLAR.AZ
===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

VƏTƏN
Adəmi dünyaya bəxş edən, Vətən,
Doğmalar içində yada dönmüsən.
Dünyanın bağrında qoca vulkantək,
Hərdən kükrəmisən, hərdən sönmüsən.
***
Kiminə yol oldun, kiminə qapı,
Nadirtək nadirin anasısan sən!
Uca Yaradanın sənət əsəri,
Zərdən imə-ilmə hanasısan sən!
***
Dahi Nəsiminin şanlı vətəni,
Dərin dühaların uca yurdusan!
Qılıncı, qələmi qoşa qanadtək,
Daim hazır olan qoca ordusan!
***
Kimi iki deyir, kimi dörd deyir,
Min dəfə yüz yerə bolunmusən sən!
Paramparça olub, tikə-tikədir,
Vətənim içində boğulan Vətən…
***
Bizi diri tutan əcdadın ruhu,
Nabatdan, şəkərdən şirin dilimdir.
Tarixin özüylə el-el gəzdirən,
Törəsin şah bilən ulu elimdir.
***
Tomrisin andını andımız bilək,
Adəmdən bu yana ulum bir çətən!
Tarixdən dərs alaq, ibarət götürək,
Bir daha, ta dara düşməsin Vətən!
12.11.2021. Bakı.

Müəllif: Zaur USTAC

AYB və AJB-nin üzvü, “Yazarlar” jurnalının baş redaktoru, şair-publisist, tərcüməçi-nasir

ZAUR USTACIN YAZILARI

Oxuyun >> Gözündə tük var

Zaur Ustacın şeirləri haqqında

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<I