ANAM
Saçlarına düşsə də dən,
Gözəlləşir günü-gündən,
Nur ələnir cöhrəsindən,
Yaz selitək çağlar anam.
Qayğıkeşdi gedir-gəlir,
Nə dayanır, nə dincəlir.
Ürək kövrək, qəlb incəlir,
Ömrü bizə bağlar anam.
Toy-büsata hazırlaşıb,
Gəlin qızı pərvazlaşıb,
Sevinci də aşıb-daşıb…
Əzəməti dağlar anam.
Rahiləni gələn görsə,
Hey danışıb-dinən görsə,
Gülümsəyib-gülən görsə,
Sevincindən ağlar anam.
Müəllif: Rahilə QARALOVA
>>>> ƏN ÇOX OXUNAN HEKAYƏ <<<<
YAZARLAR.AZ
===============================================
<<<<<< WWW.USTAC.AZ və WWW.BİTİK.AZ >>>>>>
Əlaqə: Tel: (+994) 70-390-39-93 E-mail: zauryazar@mail.ru