Tək sənin xətrinə, sənin xətrinə
Gözüm gözəllərdən biganə qaldı
Tək sənin xətrinə, sənin xətrinə
Ruhum qanadlandı, ərşə ucaldı
Tək sənin xətrinə, sənin xətrinə.
Mən bu inadımnan dönən deyiləm
Məhəbbət dağından enən deyiləm
“Eşq”lə alışmışam, sönən deyiləm
Tək sənin xətrinə, sənin xətrinə.
Yolunda gül çiçək olub bitərəm
Sevgimdə hər zaman təzəyəm, tərəm
Hamıya bağlıdır ürək pəncərəm
Tək sənin xətrinə, sənin xətrinə.
Ömrünə ömürlük gəlirəm gülüm
Səninlə eşqimi bölürəm gülüm
Muradam, öl desən ölərəm gülüm
Tək sənin xətrinə, sənin xətrinə.
08.07.2023
Müəllif: Murad Eloğlu
Oxuyun >> Gözündə tük var