WWW.YAZARLAR.AZ

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Жансая (Бийбимәрьям) Утамбетова

Aprel 1, 2025 www.bitik.az Bir şərh yazın

ИЛҲАМ ДЕГЕН ЖИННИҢ
ҚАҚҚАНЫ ЖАМАН
(қыялый – қосық)

Арқа қозып гүзли, бәҳәр келгенде,
Жақынлап инсанның жүреги таман.
Ақ қағаз ҳәм қолға қәлем бергенде,
Илҳам деген жинниң қаққаны жаман…

Негедур адамды ойға талдырар,
Гей ўақыт ишлейин жылайды адам.
Ашықлық гирдабы,жолға салдырар,
Илҳам деген жинниң қаққаны жаман…

Таўларды титирентип, толқытып суўды,
Жақынлап барады соларға таман.
Гейде палды берип ишкизип уўды,
Илҳам деген жинниң қаққаны жаман…

Гейде жаўлап алып өзге жүректи,
Мақлуқты күсейди қаслары каман.
Саҳибжамал ушын бәлким керекти,
Илҳам деген жинниң қаққаны жаман…

Гейде жалын болып отта күйдирер,
Жүректе жанбаған бос болған ханам.
Гейде серпип таслап, гейде сүйдирер,
Илҳам деген жинниң қаққаны жаман…

Ертектей дизилип келип турады,
Алданыш гей ўақта, мен ушын соләм.
Аямай төрт қатар берип турады,
Илҳам деген жинниң қаққаны жаман…

Биреўлерди шығарады шоққыға,
Таза нәпес алар сондайда адам.
Тыңламайды суўды ҳәтте оттыда,
Илҳам деген жинниң қаққаны жаман…

Шексиз ойларымның болып қурдымы,
Деймен бузылмағай бул ақыл санам.
Етпегей адамды алжы – булжылы,
Илҳам деген жинниң қаққаны жаман…

Кимлер жүр арқалы дүзде елирип,
Кесегин шыңғытып , дус келген таман.
Көреалмаслық деген ишлей кемирип,
Илҳам деген жинниң қаққаны жаман…

Қызғанба биреўге берген илҳәмди,
Адамның тек ғана сол жери сорам.
Бәлки өзи ушын , даўа мәлҳәмди,
Илҳам деген жинниң қаққаны жаман…

Сол жин қаққанлардың еси пүтиндей,
Мудам бир тилегим саў жүрсин аман.
Сонда да ишлери қара түтиндей,
Илҳам деген жинниң қаққаны жаман…

Қуўанады жаңа тема тапқанда,
Бир адым жақынлар дөретпе таман.
Я.. билмедим жөргегинде қаққан ба.?
Илҳәм деген жинниң қаққаны жаман…
1- Апрель 2024 жыл

YAZAR: BİBİMƏRYƏM

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Бийбимәрьям – МЕН ЖАЗДЫ САҒЫНДЫМ

Mart 17, 2025 www.bitik.az Bir şərh yazın

МЕН ЖАЗДЫ САҒЫНДЫМ

Әтирапы көкке оралған,
Гүлге толы сәни бағымның.
Мине бәҳәр келер келместен,
Және де мен жазды сағындым…

Гүллер ийси жанымды жайлап,
Тәбиятқа үнсиз бағындым.
Қоршаўында мен сени ойлап,
Және де мен жазды сағындым…

Сулыў қызыл гүллерди терип,
Гөззаллығын бер деп жалындым.
Абайлайсыз сүўретти көрип,
Гүл жайнаған жазды сағындым…

Баўрайына кирип гүлшанға,
Жүргим келер, кел деп жалындым.
Илҳәм йошын берсин инсанға,
Бәҳәрде мен жазды сағындым…

Сени күтер бир гөззал қызың…
Келеғойсеш тезирек жазым…

YAZAR: BİBİMƏRYƏM

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Бийбимәрьям – НАЎРЫЗЫМ

Mart 15, 2025 www.bitik.az Bir şərh yazın

НАЎРЫЗЫМ

Бәҳәр сәўир самаллары ескенде,
Қуяш нурларынан меҳир түскенде.
Кеўиллерим илҳам көлин кешкенде,
Маған бир әжайып йош бердиң Наўрыз…

Сүмелек қайнаған қара қазанда,
Миллий дәстүр қуўат берип адамға.
Бүгин йошып илҳам берип мағанда,
Кеўлимди жасартып хош келдиң Наўрыз…

Наманы шерткендей толқытқаныңда,
Әжайып саз бенен балқытқаныңда.
Әткөншек тепкенде ырғытқаныңда,
Кеўлимди көтердиң йош пенен Наўрыз…

Шадланып жас баллар ойын қурғанда,
Пәтпелек ушырып мойын бурғанда.
Мағанда йош келди өзиң турғанда.
Илҳамым оянар сен келсең Наўрыз…

Милий липасларың көрнекли көзге,
Кең баўрың толыдай мақтаўлы сөзге.
Байрамым шадлықта көринер көзге,
Елимди қуўантып келдиң сен Наўрыз…

Дастурхан үстинде түрли тағамлар,
Дәм татың наўырызға қумар боғанлар.
Аман болсын басшы болған ағамлар,
Ҳәммени қуўантып келдиң сен Наўрыз…

Жасарар тәбият жасарар жерлер,
Қолында бел кетпен дийхандай ерлер,
Ҳәммени қуўантқан бул бәҳәр дерлер.
Доланып елиме келдиңбе Наўрыз…

Жарасар көксиңе сазың – сәўбетиң,
Суўың мол елиме келсин әўметиң.
Ҳәммеге бағышлап келсин әўметиң,
Быйылғы жылымда келди деп Наўрыз…

Қушақлап меҳирли қәлбиң жарассын,
Баўырлар көрисип жағдай сорассын.
Байрамларың байрамларға улассын,
Аўылласлар бүгин оң болсын Наўрыз…
20 – марть 2024 жыл.

YAZAR: BİBİMƏRYƏM

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Бийбимәрьям – ШАЙЫРЛАР

Mart 15, 2025 www.bitik.az Bir şərh yazın

ШАЙЫРЛАР

Меҳирге толыдай оның жүреги,
Толып тасып күнде жаза береди.
Оның дәртлерине солғой кереги,
Илҳам таўларынан саза келеди…

Ашықлық дәртлери түссе басына,
Делбедей арқасы қоза береди.
Периштелер келип оның қасына,
Сәўгиниң шарабын соза береди…

Егерде айралық отларын жақса,
Жүрекке қайтпастай ыза береди.
Және бир нәзелим бир қыя бақса,
Қайтадан жанланып жаза береди…

Жанында тәнинде болса жаңалық,
Қосығы йош берип маза береди.
Қәлем қағазына қайта оралып,
Шайырлар пәт алып жаза береди…

Сыясы Ананы, Ўатанды жырлап,
Қәлеми жорғалап сыза береди.
Ҳәм пейли жүреги турыпты қоллап,
Жаңа дөретпелер жаза береди…

Қайғы – ғам тәшиўшлер соның ишинде,
Өмирдиң мазмунын соза береди.
Тынбастан илҳамның берген күшинде,
Шайырлар шаршамай жаза береди…

Бул берген Тәбият сыйлы инәмы,
Ҳәр түрли көзлерде оны көреди.
Егер тири болса Шайыр әўлады,
Кеўлине сыйғанын жаза береди…

Қосық өзи болмас оқыған ўақта,
Жазғаның қан менен қоса келеди.
Алтын сыяларды түсирип хатқа,
Негедур Шайырлар жаза береди…

22.04.2024 ж.

YAZAR: BİBİMƏRYƏM

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Бийбимәрьям – ЖАЗДЫ КҮТИП

Mart 11, 2025 www.bitik.az Bir şərh yazın

ЖАЗДЫ КҮТИП

Бәҳәр инәм етип бахытлы таңын,
Кийдирмек болады гүл шеңбер тажын.
Муҳаббат ишкизип паллы шарабын,
Ғул – ғула салады тек жазды күтип…

Көклем нәпесине тойынып кеўлим,
Ышқы дарғасындай салады зәўлим.
Себеби шығарда сырлы қараўдың,
Талпынып турыппан мен жазды күтип…

Жаздың шырайына боларман шайда,
Көк – көмбек гилемдей болмаса қайда.
Тәбият инәми кирсем сарайға,
Сағынып жасайман мен жазды күтип…

Тәбият көксинде қолымнан услап,
Жүрсең жалынлатып сезимиң таслап.
Сол ўақта кеткендей кеўил ҳалласлап,
Негедур күтемен сағынып күтемен жазды…

Жаз сийнеси жанландырып жәҳәнди,
Сүйемен ҳәр күнги атқан ҳәр таңды.
Қос гүбелек ойын қурған мәҳәлди,
Ышқый қәлбим менен жазды күтемен…

YAZAR: BİBİMƏRYƏM

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Бийбимәрьям – ГҮЛЛЕРСИЗ

Mart 7, 2025 www.bitik.az Bir şərh yazın

ГҮЛЛЕРСИЗ
(8 – марть байрамына)

Дүнья жаснамайды билсем сизлерсиз,
Ана, апа, сиңли және кимлерсиз.
Жубайыңа сүйикли яр атанған,
Кең әлемде шайқатылған гүллерсиз…

Бириң лала, бириң мегзес қызғалдақ,
Бар күшиң сарыплап турмысқа арнап.
Перзентти өсирип, өмирге жоллап,
Бахытын тилеген сизлер гүллерсиз…

Көзге түссең ләззет берер ҳәммеге,
Гөззаллығың илҳәм берер бендеңе.
Ҳәзиллескен өзи дилўар жеңгеңе,
Тиллерине муқам берген гүллерсиз…

Таңда турсаң гүл жүзлериң жадырап,
Сен күлгенде жайнап кетер әтирап.
Ҳаял – қызлар бул дүньяның шырайы,
Жәҳәнди қулпыртқан сизлер гүллерсиз…

Сен Анасаң берген өмир инсанға,
Апа – сиңли, қарындассаң мың санға.
Еринбеген бесик тербер бир таңға,
Жаратыўшы инсанларды гүллерсиз…

Даўам еткей, қулпырғанда гүл бағың,
Нама шалып бүлбил етсин сайранын.
Мен мегзеткен ҳаял – қызлар бәриңе,
Қутлы болсын ҳаял – қызлар байрамың…

YAZAR: BİBİMƏRYƏM

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Жансая (Бийбимәрьям) Утамбетова

Dekabr 5, 2024 www.bitik.az Bir şərh yazın

АҚҚАН ДӘРЬЯ АҒАБЕРЕДИ

Қазып кеткен өзек жол болса,
Көмик қумлар саға береди.
Аржағында суўы мол болса,
Аққан дәрья ағабереди…

Қызыл ағыс шыдатпас жолын,
Еплеп жолын табабереди.
Сарплап соған күшиниң барын,
Аққан дәрья, ағабереди…

Бурқасынлап ылай суўында,
Гүрпилдеген саза береди.
Томар, тамыр патас нәрселер,
Қосылысып аға береди…

Тоқтатыўға кесе жатсаңда,
Домалатып бара береди.
Кес – кеслеўдиң жолын тапсаңда,
Аққан дәрья аға береди…

Шарасы жоқ тапсаңда қандай,
Аспанлардан нала келеди.
Түсингенге илҳәмда сондай,
Аққан дәрья ағабереди…

YAZAR: BİBİMƏRYƏM

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Жансая (Бийбимәрьям) Утамбетова – Ана – тил…

Noyabr 30, 2024 www.bitik.az Bir şərh yazın

МАҚТАНЫШЫМ АНА ТИЛ

Дүнья тән бергендей сулыў тилим бар,
Сениң менен мен үйренген билим бар.
Аты белли дүнья билер елим бар,
Қарақалпақша мақтанышым Ана – тил…

Сениң менен басланады сәлемим,
Сениң менен сақланады әдебим.
Сен арқалы қосық жазар қәлемим,
Сүйенишим, мақтанышым Ана – тил…

Сен мақтаў бересең атқан таңыма,
Сен арқалы илҳәм кирер жаныма.
Бир өмирге қарысқансаң қаныма,
Жан тәнимде, мақтанышым Ана – тил…

Устазларым сабақ берип мектепте,
Сени қоллап еле мийнет етпекте.
Әўладлардан зор нәтийже күтпекте,
Қәдирданым мақтанышым Ана – тил…

Бағларында сайрап тилде бүлбили,
Бабаларым мийрас етти үлгили.
Сени десе қутлықлайын ҳәр күни,
Байрамыңда, мақтанышым Ана – тил…

YAZAR: BİBİMƏRYƏM

===============================================

<<<< WWW.YAZARLAR.AZ və WWW.USTAC.AZ >>>>

Əlaqə: Tel: (+994) 70-390-39-93 E-mail: zauryazar@mail.ru

www.USTAC.az

Жансая (Бийбимәрьям) Утамбетова

Noyabr 28, 2024 www.bitik.az Bir şərh yazın

ХАЛҚЫМНЫҢ ҮРИП – ӘДЕТ
МИНЕЗИ ЖАҚСЫ

Аталар жол басшы жас шаңараққа,
Енелер тәбия,ақлыққа сақшы.
Турмыс өте берер сынаўы ашшы,
Халқымның үрип – әдет минези жақсы…

Перзент деп жолында күйгени басқа,
Ул – қызы өседи қарап ықласқа.
Меҳирли үлкейсе жора – жолдасқа,
Халқымның үрип – әдет минези жақсы..

Не жақсы жаманды алдынан билген,
Бир бирин басқылап тойларда күлген.
Келин қылар қызын шөкелеп жүрген,
Халқымның үрип әдет минези жақсы..

Меҳирли кеўил бар гейде аўырсақ,
Қандай жақсы қатнасықта таўылсақ.
Мереке – тойларда писер баўырсақ,
Халқымның үрип – әдет минези жақсы..

Қәдениң дәстүрин ырым етеди,
Тойларда қуўаныш көкке жетеди.
Бизиң Қарекеңде солай өтеди,
Халқымның үрип әдет минези жақсы…

Тегинликте тиймес киси кеўлине,
Жайдарыдай инсап берген пейлине.
Кеўли қалса қарамайды кейнине,
Халқымның үрип – әдет минези жақсы…

Өмир даўам етер өсер келешек,
Дәстүр даўам етер жаман демесек,
Тәрбиялы жаслар болар ересек,
Халқымның үрип – әдет минези жақсы…

YAZAR: BİBİMƏRYƏM