BAŞININ ÜSTÜNDƏ TANRI KÖLGƏSİ
Ancaq haqq sözü var onun dilində,
Tanrının sığalı qalıb telində.
Əsl müəllim kimi, ziyalı kimi,
İnan nur ələyir hər yana Solmaz!
Müəllim adı şərəfli olduğu qədər də məsuliyyətlidir. Bu məsuliyyəti dərk edən, peşəsini vicdanla, ləyaqətlə yerinə yetirən müəllimlərə həmişə böyük hörmət və sayğı olub.
Ulu öndər Heydər Əliyev müəllim adını uca tutardı, müəllimliyi bütün peşələrdən ən şərəflisi hesab edərdi. Ulu öndər deyirdi: “Həqiqi müəllim adını daşıyan insan həmişə, tarixin ən çətin dövrlərində dəyanətli, dözümlü olubdur və mənəviyyatını hər şeydən yüksək tutubdur”.
Solmaz Nəzərova tərcümeyi-halında yazır: Mən Nəzərova Solmaz Kamil qızı 25 dekabr 1960-cı ildə Sumqayıt şəhərində anadan olmuşam. 1967- ci ildə Sumqayıt şəhərində 8 saylı məktəbdə ibtidai təhsilimi başa vurandan sonra, orta təhsilimi 23 saylı məktəbdə almışam. 1977- ci ildə orta məktəbi bitirib sənədlərimi V.İ.Lenin adına APİ-nin filologiya fakültəsinə vedim, ancaq müsabiqədən keşə bilmədim.
Sumqayıtda yerləşən tikiş fabrikində əmək fəaliyyətinə başladım. Bir müddət tikiş fabrikində çalışdım. Sonra 20 saylı tam orta məktəbə “Pioner baş dəstə rəhbəri” vəzifəsini yerinə yetirməyə başladım.
1983-cü ildə yenə də APİ-nin filologiya fakültəsinə qəbul olunmaq üçün imtahan verdim və filologiya fakültəsinin qiyabi şöbəsinə daxil oldum. Hələ tələbə ikən 1985-ci ildən pedoqoji fəaliyyətə başladım və aşağı siniflərdə Azərbaycan dili və ədəbiyyat fənnin tədris elədim.
1988-ci ildə APİ-nin filologiya fakültəsini başa vurub ali təhsilli müəllim kimi Azərbaycan dili və ədəbiyyat fənnini gənc nəsilə mənimsətməyə başladım.
1988- ci ildə Fazil Abbasquluzadə ilə ailə həyatı qurdum. Fazil müəllim APİ-nin Bədii qrafika fakültəsində təhsil almışdı.
1988- ci ilin sentyabr ayından təynatla İsmayıllı rayonuna getmişdir. 1988-1993- cü ilə qədər hər ikimiz İsmayıllı rayonunda müəllimliklə məşğul olduq.1993- cü ilin sentiyabr ayından Sumqayıt şəhəri 29 saylı tam orta məktəbdə Azərbaycan dili və ədəbiyyat müəllimi kimi çalışıram .
Üç övladımız var: bir qız, iki oğlan. Hər üçü ali təhsillidir. Üç nəvəmiz var.
Tələbəlik illərindən 37- il ötüb-keçir. Bu illər ərzində Hüseyn müəllimin təşkilatçılığı ilə bir neçə dəfə görüşüb ötən illəri birlikdə xatırlamışıq, bu görülərdə bir-birimizlə daha sıx əlaqə yarada bilmişik.
…Təhsil hər bir ölkənin, hər bir xalqın aparıcı qüvvəsidir. Əgər bütün sahələrdə inkişafı təmin etmək, yaxşı mütəxəssis hazırlamaq istəyiriksə, onda gənc nəslə yaxşı təhsil verməliyik.
Müəllim əməyinin nəticəsində cəmiyyət formalaşır, savadlı, bilikli, geniş dünyagörüşlü, nümunəvi əxlaqa malik insanlar yetişir. Bu insanlar cəmiyyəti daha da inkişaf etdirir. Hazırda dövlətimizin müstəqilliyinin möhkəmlənməsində fəal iştirak edən insanlar məhz müəllim əməyinin yetirmələridir. Müəllimlər yeni cəmiyyət quruculuğunun ən fəal iştirakçılarıdır. Hər birimizin layiqli vətəndaş kimi yetişməyində müəllimlərimizin əvəzsiz xidmətləri olmuşdur.
Gənc nəslin vətəndaş kimi formalaşmasında Solmaz müəllimənin də xidmətləri unudulmazdır.
Hüseyn İsaoğlu, yazıçı-publisist,
AYB – nin və AJB – nin üzvü.
Oxuyun >> Gözündə tük var
Zaur Ustacın şeirləri haqqında