13.EVA Petropoulou Lianou 14.Dra Hc Maria Elena Ramirez 15.Niloy Rafiq 16.Kujtim Hajdari 17.Jansaya Utambetova (Bibimaryam) 18.Sanobar Mehmon 19.Lobar Rustamova 20.Sojiraxon Mamadaliyeva 21.Ne’matilla G‘aybullayev 22.Nosir Abbos 23.Boqiy Mirzo 24.Farida Afro‘z
Türk dünyasında Nasreddin Hoca, ortak kültürel hafızanın en güçlü figürlerinden biridir. Sadece Türkiye’de değil; Azerbaycan, Kazakistan, Kırgızistan, Özbekistan, Türkmenistan, Tataristan, Başkurdistan, Uygur bölgesi ve Balkanlar dâhil çok geniş bir coğrafyada tanınır. Birçok yerde “Molla Nasreddin”, “Apendi / Afendi”, “Nasirdin Ependi”, “Nasreddin Efendi” gibi adlarla bilinir. Aşağıda Nasreddin Hoca’nın Türk Dünyası kültüründeki yeri, etkisi ve anlamı özetlenmiştir:
1. Ortak Türk Mizahının Simgesi
Türk toplulukları arasında mizah anlayışı benzer olduğu için Nasreddin Hoca fıkraları coğrafyaya göre değişse bile özünde aynı bilgelik ve espri bulunur.
Toplumsal eleştiri
Günlük hayatın pratik zekâ örnekleri
Güçlüye karşı zayıfın akılla üstün gelmesi
Bu temalar Türk halk edebiyatının ortak özellikleridir.
2. Kültürel Birleştirici Figür
Nasreddin Hoca fıkraları Türk dünyasında kültürel birlik göstergesi olarak kabul edilir.
Orta Asya’da Afendi hikâyeleri, Anadolu’dakilere çok benzer.
Ortak değerler: adalet, dürüstlük, pratik zekâ, insanı güldürerek düşündürmek.
Bu yönüyle Hoca, Türk milletinin tarihsel kültür bağlarını canlı tutan bir figürdür.
3. Sözlü Kültürün Bir Parçası
Türk boyları arasında yüzyıllarca sözlü olarak aktarılan Hoca fıkraları:
Köylü pazarlıklarından
Han, kervansaray, çarşı sohbetlerinden
Toy (şölen) eğlencelerinden
günümüze kadar taşınmıştır.
Her bölge kendi diline, ağız özelliklerine ve günlük hayatına göre Hoca’yı yeniden yorumlamıştır.
4. Bilgelik ve Nüktedanlık Arketipi
Türk kültüründe “bilge adam” ve “halk filozofu” tipi vardır.
Bu tipin en belirgin temsilcisi Nasreddin Hoca’dır.
Aynı arketip yine Türk dünyasında:
Keloğlan,
Apendi (Orta Asya),
Bektaşi fıkraları,
Uygur Nasirdin Ependi
gibi figürlerde görülür. 5. UNESCO ve Uluslararası Tanınırlık 2023’te Nasreddin Hoca’nın 800. doğum yılı UNESCO tarafından anma yılı ilan edilmiştir. Bu karar Türk dünyasının ortak başvurusuyla gerçekleşmiş ve Hoca’nın uluslararası bir figür olduğu yeniden vurgulanmıştır.
Zaqafqaziya xalqlarının mədəni birliyi aylığında iştirak edən Azərbaycan yazıçıları və şairləri. 1929-cu il.
Ayaq üstdə sağdan ikinci Əhməd Cavad, üçüncü Abdulla Şaiq, dördüncü Mikayıl Müşfiq. Fotoda C.Məmmədquluzadə, H.Cavid, Ə.Haqverdiyev və Cəfər Cabbarlı da yer alıb.
Bu gün sözün, kitabın, biliyin ömrünə çevrildiyi bir yolun — Nadir İsmayılov imzasının 70 illik müdriklik zirvəsidir.
Siz ömrünüzü sətirlərin arasına hikmət səpən, kitab rəflərini düşüncə məktəbinə çevirən, biblioqrafiyanı sadə siyahıdan elm fəlsəfəsinə yüksəldən bir ziyalı oldunuz. Sizin üçün kitab yalnız kağız deyil — o, zamanla danışan yaddaş, gələcəyə yol göstərən çıraqdır. Müəllim kimi Siz tələbələrə təkcə bilik yox, elmə hörmət, sözə məsuliyyət, axtarışa sədaqət öyrətdiniz. Minlərlə gəncin həyat yolunda “istiqamət” sözü ilk dəfə Sizin dərslərinizdə mənasını tapdı. Səbrinizlə, təvazökarlığınızla, dərin elmi baxışınızla bir məktəb yaratdınız — səssiz, amma möhkəm. Alim kimi qələminiz danışdı, sözünüz elmi məkanlarda iz qoydu, Azərbaycan kitabxanaşünaslığının səsini dünyaya çatdırdı. Bu yol asan olmadı, amma Siz elmin yükünü şərəflə daşıdınız. Bu gün 70 yaşınızda arxaya baxanda rəflər dolusu kitabdan çox, ürəklər dolusu hörmət, tələbələr dolusu minnətdarlıq görürsünüz. Qoy ömrünüzün bu müdrik çağları sakit sevinc, sağlamlıq və yaradıcılıqla dolu olsun. Qoy sözünüz daim dəyərli, yolunuz işıqlı, adınız isə elm yaddaşında əbədi yaşasın. Siz sözə xidmət edən nadir insanlardansınız. Ad gününüz mübarək olsun, Nadir müəllim
Xalq yazıçısı Sabir Əhmədli və dostu, Xalq şairi Məmməd Arazın xatirələrindən bir hissə: Deyilənə görə Xalq şairi Məmməd Araz 70 – ci illərdə “Ədəbiyyat və incəsənət” qəzetinin baş redaktor müavini vəzifəsində işləyən zaman qəzetdə gedən bir yazıya görə onu işindən azad edirlər. Yazıçılar İttifaqında Məmməd Arazın məsələsi müzakirə edilir və müzakirə zamanı hamı onun işdən çıxarılmasının lehinə səs verir. Hər kəs şairin işdən çıxarılmasını istəyir. İclasda iştirak edən bir nəfər – Xalq yazıçısı Sabir Əhmədli isə şairin işdən çıxarılmasına qarşı çıxır. Hər kəsdən fərqli olaraq o, Məmməd Arazın arxasında durur, ona dəstək olur. Xatirələrdən oxuyuruq ki, Sabir Əhmədli iclasda ayağa qalxıb amiranə bir tərzdə deyib ki, özü burda olmayan, iclasda iştirak etməyən, yəni özünü müdafiə edə bilməyən bir adamı işdən çıxarmaq olarmı? Bu ədalətdirmi? Bir halda ki, bu yazının qəzetdə işıq üzü görməsində yalnız Məmməd Arazın yox, elə qəzetin digər yaradıcı kollektivinin də günahı vardır. Bu doğru deyildir! Xalq yazıçısı Sabir Əhmədlinin iclasdakı tənqidinə, müdafiəsinə baxmayaraq, Məmməd Arazı işdən çıxarırlar. Bu hadisə onun səhhətinə ciddi təsir göstərir. Və Məmməd Araz parkinson xəstəliyinə tutulur. Ömrünü bu xəstəliklə başa vurur… Allah hər ikisinə rəhmət eləsin…
1963-cü ildə Qaxdan hava reysi var idi – Şəkidən Qaxa 25 dəqiqəyə uçuş 1963-cü ildə indiki Şəki şəhərindən (o dövrdə Nuxa) Qax rayonuna müntəzəm hava reysi fəaliyyət göstərib. Arxiv sənədlərinə əsasən, Nuxa Ticarət Limanının 1963-cü il mayın 15-dən noyabrın 14-dək olan uçuş cədvəlində Qax istiqaməti rəsmi şəkildə yer alıb. Cədvələ görə: Marşrut: Nuxa – Qax Təyyarə tipi: AN-2 Uçuş vaxtı: saat 09:35 Çatma vaxtı: saat 10:00 Uçuş müddəti: təxminən 25 dəqiqə Biletin qiyməti: 3 manat İqtisadi müqayisələrə görə, 1963-cü ildə ödənilən 3 manat bu günün pulla təxminən 25–35 AZN-ə bərabərdir. Bu da onu göstərir ki, həmin dövrdə Qax kimi bölgələrə hava nəqliyyatı dövlət tərəfindən subsidiyalaşdırılan və əhali üçün əlçatan bir xidmət olub. Həmin illərdə sərnişinlər 5 kiloqrama qədər yükü pulsuz daşıya bilir, 12 yaşına qədər uşaqlar üçün isə 50 faiz güzəşt tətbiq olunurdu. Bu fakt Sovet dövründə Qax rayonunun hava nəqliyyatı şəbəkəsinə daxil olduğunu və qısa məsafələr üçün belə aviasiyadan aktiv istifadə edildiyini göstərir. Bu gün artıq fəaliyyət göstərməyən həmin marşrut bölgənin nəqliyyat tarixində maraqlı və az bilinən bir səhifə hesab olunur.
Milli Kitabxanada “Biblioqrafiyaşünas alim Nadir İsmayılov” adlı virtual və ənənəvi kitab sərgisi istifadəçilərə təqdim olunub
5 fevral 2025-ci il tarixində Milli Kitabxanada görkəmli biblioqrafiyaşünas alim, pedaqogika üzrə fəlsəfə doktoru, Sənəd menecmenti kafedrasının müdiri, dosent Nadir İsmayılovun anadan olmasının 70 illik yubileyi münasibətilə “Biblioqrafiyaşünas alim Nadir İsmayılov” adlı virtual və ənənəvi kitab sərgisi istifadəçilərə təqdim olunub.
Sərgilərdə alimin biblioqrafiya, biblioqrafiyaşünaslıq, biblioqrafiyaşünaslığın tədrisi metodikasına dair dərslik və dərs vəsaitləri, monoqrafiyaları, elmi məcmuələrdə çıxan çoxsaylı tədqiqatları, ön sözünün müəllifi, rəyçi və redaktoru olduğu kitablar, tərtib etdiyi biblioqrafiyalar və s. Azərbaycan və xarici dillərdə resurslar nümayış olunur.
Virtual sərgi ilə tanış olmaq istəyənlər https://anl.az/el/vsb/Nadir_Ismayilov/index.htm linkindən istifadə edə bilərlər.
Nadir İslam oğlu İsmayılov 1956-cı il fevral ayının 5-də Beyləqan rayonunun Əmirzeyidli kəndində anadan olub. 1973-cü ildə Şahsevən kənd 1 saylı orta məktəbi bitirib. 1974-1979-cü ildə indiki BDU-nun İnformasiya və sənəd menecmenti fakültəsində ail təhsil alıb.
1979-cu il sentyabr ayının 5-dən dekabr ayının 30-dək M.F. Axundov adına Azərbaycan Respublika Dövlət Kitabxanasının (indiki Milli Kitabxana) Elmi-metodiki şöbəsində böyük kitabxanaçı vəzifəsində çalışıb. 1979-1982-ci illərdə BDU-nun Biblioqrafiya kafedrasının (indiki Sənəd menecmenti kafedrası) əyani aspirantı olub. 1982-ci ildən həmin kafedrada müəllim, 1988-ci ildən baş müəllim, 1992-ci ildən dosent kimi fəaliyyət göstərib, 1994-2003-cü illərdə fakültədə dekan müavini olub. 2007-ci ildən kafedra müdiri vəzifəsinə təyin edilib. Fakültədə Azərbaycanda təbabətin biblioqrafiyası, biblioqrafiyaşünaslıq, biblioqrafiyaşünaslığın tədrisi metodikası, ixtisasa giriş, arxiv işinin əsasları və s. fənləri tədris edir.
1987-ci ildə Moskva Dövlət Mədəniyyət və İncəsənət Universitetində “Təbabət üzrə məhəlli kitabxana-biblioqrafiya ehtiyatlarının inkişafı, müasir vəziyyəti və təkmilləşdirilməsi yolları (Azərbaycan materialları əsasında)” mövzusunda dissertasiya müdafiə edərək pedaqoji elmlər namizədi alimlik dərəcəsini alıb.
150-dən çox məqalənin, 3 dərslik və dərs vəsaitinin, 34 monoqrafiyanın, 12 kitabın müəllifidir. Bunlardan “Azərbaycan biblioqrafiyasının biblioqrafiyası” (2003), “Xəzər dənizi və neft” (2003), “Kitabxanada biblioqrafik tərtibatın metodikası” (2004), “Heydər Əliyev və Azərbaycan elmi” (2010), “Kitabxanada ölkəşünaslıq üzrə biblioqrafik fəaliyyətin təşkili” (2004), “Kitabxanalarda biblioqrafik işin təşkili və metodikası” (2018), “Azərbaycanda kitabxanaçılıq-biblioqrafiya sahəsində sənəd axınının təşəkkülü, inkişafı və müasir vəziyyəti” (2021), “Rəqəmsal bilik və tədqiqat bacarıqları” (2022), “Sənədşünaslıq” (2025) adlı vəsaitlər xüsusilə əhəmiyyətlidir.
2013-cü ildə Almaniyanın “Lambert” akademik nəşriyyatında “Azərbaycanın kitabxana-biblioqrafiya və informasiya resursları: inkişaf mərhələləri, vəziyyəti və təkmilləşdirilməsi yolları” adlı monoqrafiyası rus dilində çap olunub. Son 5 ildə onun 50 məqaləsi beynəlxalq xülasələndirmə bazasında indekslənən jurnallarda çap olunub. Hazırda H-indeksi 22-dir.
Nadir İsmayılov 2014-cü ildə BMT yanında Beynəlxalq İnformasiyalaşdırma Akademiyasının həqiqi üzvü seçilib. 2015-ci ildə Azərbaycan Kitabxana Ensiklopediyasının hazırlayan işçi qrupunun üzvü olub.
Bir sıra respublika və beynəlxalq konfranslarda iştirak edib. Elmi məsləhətçiliyi ilə 4 fəlsəfə doktoru hazırlanıb, 3 doktorantın dissertasiya işi müzakirəyə təqdim edilib, 4 doktorantın rəsmi opponenti olub.
Nadir İsmayılov Azərbaycan Respublikası Təhsil Nazirliyinin “Qabaqcıl Təhsil İşçisi” döş nişanı ilə, Fəxri fərmanla, Bakı Dövlət Universitetinin Fəxri fərmanı ilə, 2019-cu ildə “Bakı Dövlət Universitetinin 100 illiyi (1919-2019) Azərbaycan Respublikasının yubiley medalı” ilə təltif olunub. 2023-cü ildə Bakı Dövlət Universitetində əməkdaşlar arasında 27 Mart – Elm Gününə həsr olunmuş “İlin alimi” müsabiqəsinin nəticələrinə əsasən “Humanitar və ictimai elmlər” nominasiyası üzrə I yerə layiq görülub. https://www.millikitabxana.az/news/alim-nadir-ismayilov
Etibar Həsənzadədən Akademisyen Ahmet Çalışıra anlamlı hədiyyə
Kültür,Sanat VE SOSYAL İŞLER DAİRESİ BAŞKANLIĞI Kültür, Sanat ve Sosyal İşler Dairesi Başkanı 1985-86-87 Kur’an ı Kerim Okuma yarışmaları İmam – Hatip liseleri birincilikleri 1996 Konyada yılın kültür ve sanat adamı (Müsiad)Necmettin Erbakan Üniversitesi Tasavvuf Musikisi dalında fahri doktoru, Akademisyen, Türk, Klasik Türk Musikisi bestekârı, ses sanatçısı, hâfız, Tasavvuf Mûsikisi topluluğu idarecisi ve yazar Türkiye ve 50 den fazla ülkede konser vermiş ve bir çok simpozium ve seminerler katılımcısi Ahmet Çalışır bəyə Azərbaycanlı Yazar Prezident təqaüdçüsü Etibar Həsənzadənin ” Zəfərlərə Doğru’ kitabı yazarın Türkiyədəki Könül Elçisi Mustafa Nazilli bəy tərəfindən hədiyyə edilmişdir.
Bu barədə Yazar öz rəsmi sosial media hesablarında məlumat vermişdir. ” Zəfərlərə Doğru” kitabım Türkiyədəki Könül Elçim Mustafa Nazilli bəy tərəfindən Akademisyen Ahmet Çalışır bəyə hədiyyə edilmişdir. Akademisyen Ahmet Çalışır bəyə və məni layiqincə təmsil etdiyinə görə Mustafa Nazilli bəyə təşəkkürümü bildirirəm. Allah ömür versin Allah sizlərdən razı olsun var olun.
Bahar Bəxtiyarqızının ədəbi portreti Müasir Azərbaycan ədəbiyyatında yeni adların meydana çıxması təsadüfi deyil; bu, zamanın, düşüncənin və daxili ehtiyacın diktə etdiyi bir prosesdir. Bu prosesin diqqətçəkən simalarından biri də yazıçı, esseist Bahar Bəxtiyarqızıdır. Onun yaradıcılığı insanın daxili aləmini, düşüncə qatlarını və varlıq suallarını səssiz, lakin dərin bir dillə ifadə etməsi ilə seçilir. Bahar Bəxtiyarqızı 13 mart 1992-ci ildə Bakı şəhərində anadan olub. Əslən Sabirabad rayonundan olan müəllif hazırda Bakı şəhərində yaşayır və yaradıcılıq fəaliyyətini də burada davam etdirir. Onun həyat yolu paytaxtın mədəni mühiti ilə kənd köklərinin mənəvi saflığını birləşdirən maraqlı bir sintez yaradır. Orta təhsilini Bakı şəhəri 49 nömrəli İntellekt liseyində alan Bahar Bəxtiyarqızı uşaq yaşlarından ədəbiyyata xüsusi maraq göstərib. Sözə, düşüncəyə, insanın daxili dünyasına qarşı formalaşan bu həssas münasibət onun yaradıcılıq taleyinin əsas bünövrəsini təşkil edir. Hələ erkən yaşlardan müşahidə qabiliyyəti, hissləri incəliklə dərk etmək bacarığı və düşüncəni yazıya köçürmək ehtiyacı onun fərdi yaradıcılıq yolunu müəyyənləşdirib. Müəllif 13 yaşından etibarən bədii ədəbiyyat oxumağa başlamış, paralel olaraq yazı ilə məşğul olmuşdur. Bu mərhələdə o, klassik və müasir ədəbiyyat nümunələrindən bəhrələnərək öz daxili dünyasını kəşf etməyə çalışıb. Uzun illər yazarlıq fəaliyyəti Bahar Bəxtiyarqızı üçün daha çox şəxsi yaradıcılıq mərhələsi kimi davam edib. O, bu dövrdə yazını bir ünsiyyət vasitəsindən çox, özünə hesabat, daxili sükutun dili, ruhun gündəliyi kimi qəbul edib. Gündəlik qeydlər, bədii parçalar və esselər müəllifin daxili müşahidələrinin, psixoloji axtarışlarının və həyatla dialoqunun yazılı ifadəsinə çevrilib. Bu yazılar Bahar Bəxtiyarqızının ədəbi dünyasını formalaşdırmaqla yanaşı, onun yaradıcılığında səmimiyyət və təbiiliyin əsas xətt olmasına səbəb olub. Oxucu ilə ilk rəsmi görüş isə 2024-cü ildə baş tutub. Həmin ildə müəllifin ilk kitabı — “Əlvida deməyə tələsmə” işıq üzü görüb. Bu kitab, adından da göründüyü kimi, ayrılıq, zaman, itki və insanın içində qalan sözlər mövzusuna toxunur. Əsər oxucunu tələsik qərarlardan, ani vida anlarından çəkindirən bir düşüncə çağırışı kimi dəyərləndirilə bilər. Kitab müəllifin daxili səsinin artıq oxucu ilə paylaşılmağa hazır olduğunu göstərən mühüm mərhələdir. Bahar Bəxtiyarqızının ikinci kitabı isə “Əslində mən kiməm?” adlanır. Bu əsər müəllifin yaradıcılığında yeni bir mərhələni, daha dərin fəlsəfi və psixoloji axtarışları ifadə edir. Kitab insanın özünüdərk prosesi, daxili parçalanma, cəmiyyətlə fərd arasındakı ziddiyyətlər və şəxsiyyət sualı üzərində qurulub. Müəllif bu əsərdə oxucunu yalnız oxumağa deyil, düşünməyə, sual verməyə və öz daxili aləmi ilə üzləşməyə dəvət edir. Bahar Bəxtiyarqızının yaradıcılığı publisistik və bədii düşüncənin qovşağında dayanır. Onun yazıları pafosdan uzaq, lakin emosional dərinliyi ilə seçilir. Müəllif oxucuya hazır cavablar təqdim etmir; əksinə, suallar yaradır, düşüncə üçün boşluqlar saxlayır və insanı öz daxili dialoquna qaytarır:
-“Əlvida deməyə tələsmə” insan münasibətlərində ən kövrək, amma ən təhlükəli nöqtəyə — yalanla qorunan sevgiyə toxunan psixoloji-emosional bir əsərdir. Kitabda gənc bir qızla gənc bir oğlanın münasibəti üzərində qurulan hadisələr əslində təkcə iki insanın hekayəsi deyil, itirmək qorxusu ilə susan minlərlə insanın daxili dramıdır. Onlar bir-birini sevirlər, amma bu sevgi dürüstlük üzərində yox, gizlədilən həqiqətlər üzərində formalaşır. Əvvəl oğlan yalan danışır, sonra qız. Hər iki yalanın kökündə eyni qorxu dayanır: sevgini itirmək qorxusu. Amma yazar incə bir mesaj verir — insan bəzən sevdiyini itirməmək üçün yalan danışdığını düşünür, əslində isə yalanın özü itkinin başlanğıcı olur. Bu kitabda oxucuya aşılansa romantik sevgi deyil, sevginin məsuliyyətidir. İnsanlar burada bir-birinə yox, daha çox öz qorxularına aşiq olurlar. Həqiqəti deməyə cəsarət etməyən qəhrəmanlar zamanla yalanın içində boğulur və sonda ən asan yolu seçirlər — əlvida deməyə tələsməyi. Müəllif oxucuya açıq sual ünvanlayır: Sevgi həqiqətsiz yaşaya bilərmi? və cavabı da sətiraltı verir: Sevgi yalanla qorunmur, yalanla məhv olur. “Əlvida deməyə tələsmə” ayrılıq hekayəsi olmaqdan çox, danışılmamış həqiqətlərin romanıdır. Bu kitab oxucunu yalnız oxutmur, düşündürür, öz münasibətlərinə güzgü tutur və pıçıldayır: Bəzən insan əlvida deməyə tələsmir, sadəcə həqiqəti deməyə cəsarət etmir.
-Bahar Bəxtiyarqızının “Əslində, Mən Kiməm?” adlı kitabı oxucunu sadəcə bir hekayələr toplusu ilə deyil, insanın daxili dünyasına yönəlmiş psixoloji və mənəvi bir yolçuluqla qarşılayır. Bu əsər özünü axtaran, keçmişi ilə mübarizə aparan və qorxularının kölgəsində yaşayan insanların səsini əks etdirən güclü bir çağırışdır. Kitabın əsas mövzusu müxtəlif talelərə sahib insanların psixoloq yanına gəlişi üzərindən qurulub. Hər bir obraz fərqli həyat hekayəsi, fərqli ağrılar və qorxularla oxucunun qarşısına çıxır. Onları birləşdirən isə eyni sualdır: “Əslində, mən kiməm?” Psixoloqla aparılan söhbətlər sadəcə terapiya seansları deyil, eyni zamanda insanın özü ilə üz-üzə qalmasının, keçmişin dərin qatlarına enməsinin simvoludur. Əsərdə qəhrəmanlar keçmişlərindən qaçmırlar, əksinə onunla üzləşirlər. Uşaqlıq travmaları, yarımçıq qalan hisslər, bastırılmış qorxular bir-bir üzə çıxır. Müəllif bu prosesləri incə psixoloji detallarla təsvir edərək oxucuya göstərir ki, insanı azad edən məhz həqiqətlə üzləşməkdir. Keçmişlə barışmadan gələcəyə sağlam addım atmaq mümkün deyil. “Əslində, Mən Kiməm?” kitabının əsas mesajı aydındır: insan keçmişi ilə yaşamamalıdır, amma ondan qaçmaq da çıxış yolu deyil. Keçmiş insanın bir parçasıdır və onu qəbul etmək, ondan dərs çıxarmaq insanın daxili gücünü üzə çıxarır. Qorxuların üzərinə getmək, onlara meydan oxumaq isə insanı özünün ən güclü versiyasına çevirir. Bu kitab oxucuya psixoloji rahatlıqla yanaşı, dərin bir özünüdərk mesajı ötürür. Bahar Bəxtiyarqızı əsəri ilə göstərir ki, “mən kiməm?” sualının cavabı kənarda deyil, insanın öz içində gizlidir. Onu tapmaq üçün isə cəsarət, səmimiyyət və özünlə üzləşmək lazımdır. “Əslində, Mən Kiməm?” — özünü tanımaq istəyən hər kəs üçün güzgü rolunu oynayan, düşündürən və dəyişməyə təşviq edən bir əsərdir. Bu gün Bahar Bəxtiyarqızı müasir Azərbaycan ədəbiyyatında sözə səmimi münasibəti, daxili müşahidələrə əsaslanan yazı tərzi və düşüncə yönümlü əsərləri ilə seçilən gənc qələm sahiblərindən biridir. Onun yaradıcılıq yolu hələ davam edir və görünən odur ki, bu yol oxucu ilə dərin mənəvi təmaslara aparan uzun, mənalı bir ədəbi səfər olacaq.
