BÖYÜK ÜRƏYİ VAR, ANA QƏLBİ VAR

Böyük ürəyi var, ana qəlbi var,
Haqqa əl uzadar, haqqa inanar.
Ömrünü əridər, şam kimi yana,
Əsl müəllim kimi Eminət xanım!

Səmimi deyim. Bu dünya doğrudan da Eminət Kaştayeva kimi ziyalılarla, müəllimlərlə, işıqlı adamlarla gözəldir. Axı onlar dünyanı və həyatı gözəlləşdirən, ürəyi xalq üçün, vətən üçün döyünən insanlardı, zülmət gecələri işıqlandıran ziyalılardı, hamı üçün əziz olan, ehtiyac zamanı insanların əlindən tutan, ürəkləri sevindirən insanlardı.
Eminət xanımla fəxr edirlər, öyünürlər. Fəxr eləyirlər ki, onun kimi vətəndaşlıq, soydaşlıq, yurddaşlıq borcunu şərəflə, ləyaqətlə yerinə yetirən bir insan var.
Hardasa oxumuşam. “Millətin balalarına elm öyrətməkdən, vətənə, millətə xidmət göstərməkdən, insanları haqq yoluna dəvət etməkdən böyük din yoxdur. Ümumi mənafe üçün çalışmaq ən böyük qəhrəmanlıqdır”. – Bu müdrik sözlərin kimin haqqında deyildiyini bilmirəm. Ancaq onu bilirəm ki, bu müdrik sözləri xatırlayanda öncə Eminət müəlliməni düşündüm, o böyük ürək sahibini xatırladım və eldə-obada böyük hörmət qazanmış tələbə yoldaşımla qürur duydum.

Qısa tanışlıq: Kaştayeva Eminət Vassi qızı 1964- cü ildə Zaqatala rayonunun Car kəndində anadan olub. 1971- ci ildə Çar 1(bir) sayı orta məktəbinin birinci sinfinə daxil olub.1981- ci ildə 10 -cu sinifini bitirib sənədlərini V.İ.Lenin adına APİ – nin coğrafiya fakültəsinə versə də, həmin il instituta qəbul oluna bilməyib.
1983- cü ildə yenidən hazırlaşaraq imtahanları müvəffəqiyyətlə verərək tələbə adını qazanıb. 1986- cı ildən Car kənd orta məktəbində pedaqoji fəaliyyətə başlayıb.
Zaqatala Kənd Təsərrüfatı Texnikumunda müəllim işləyib.
1990- cı ildə ailə həyatı qurub, iki övladı var; oğlu Nurlan, qızı Nərmin. Övladlarının hər ikisi ali təhsil alıb. Hazırda Zaqatala rayonunda işləyirlər.
Eminət müəllimənin özü də Car 1 saylı məktəbdə gənc nəslin savadlanmasında bilik və bacarığını əsirgəmir.
Həyat yoldaşı üç ildir ki,haqq dünyasına qovuşub.
Ailəsinin bütün yükünü öz çiyinlərində daşıyan bu mərd, mətanətli, vüqarlı ana iki övladının qayğısını çəkir. Qızı Nərmin ibtidai sinif müəllimi, oğlu Nurlan isə bizneslə məşğuldur.
Qızı Nərmin anası Eminət müəllimə haqqında ürək sözlərini belə ifadə elədi:

-Mən anamla nəfəs aldıran. Anamın düşüncələrində, alın tərində, gecəsində, gündüzündə böyümüşəm. Böyüyə – böyüyə ana ucalığına, ana böyüklüyünə baxıb qürrələnmışam.
Həyatda tutduğum mövqeyə,aldığım təhsilə və tərbiyəyə görə anama borcluyam.
Bu həyatda nəyə nail olmuşamsa, anamın sayəsində əldə etmişəm. Qardaşımın da savadlı bir insan kimi yetişməsində anamın zəhməti böyük olub.
Eminət müəllimənin oğlu Nurlan bacısının sözlərinə əlavə edib deyir:
-Uşaqlıq çağlarımdan, həyatı dərk etməyə başladığım vaxtdan bəri anamın siması gözlərimin qarşısında olub, mən də yurda bağlılıqda, xeyirxahlıqda, yaxşılıq etməkdə, insanların qayğısına qalmaqda…ona oxşamağa çalışmışam. Çalışmışam ki, onun kimi, xalq,Vətən qarşısında öz borcumuzu ləyaqətlə ödəyək.
Eminət müəllimə o qədər duru, o qədər saf, o qədər təmiz insandır ki, üzünə, gözünə baxanların ürəyində, qəlbində özünə yer tapır.
Mərd, gözü tox, başı uca, amalı təmiz, sözün əsl mənasında qayğıkeş, həssas, humanist, mehriban bir ana, bir müəllim olan Eminət xanım, Tanrının ona bəxş etdiyi insanlığın ən uça, ən ali xeyirxahlıq zirvəsindədir!

• 
  Hüseyn İsaoğlu, yazıçı-publisist,
  AYB – nin və AJB – nin üzvü.

DAHA ÇOX YENİ MƏLUMAT

Oxuyun >> Gözündə tük var

Zaur Ustacın şeirləri haqqında

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<I

ƏN BÖYÜK MÜƏLLİM HƏYATIN ÖZÜDÜR

Ziyalı oğlusan Azərbaycanın,
Təmizdir ürəyin, safdır vicdanın.
Vətən sevgisiylə alışır canın,
Unutmaz heç zaman bu Vətən səni.

Bu gün sivil ölkələr sırasında Azərbaycanı nüfuzlu dövlət kimi görürüksə, demək olar ki, dövlətin güclü silahı olan elmi inkişafdadır. XXI yüzillik elm və informasiya əsri olduğundan, sürətli inkişafda Azərbaycanda da elm və təhsil dünya səviyyəsində inkişaf etdirilir. Təhsilin inkişafına göstərilən yüksək diqqət Azərbaycanın dünya miqyasında tanıdılmasına və layiqli yerinin təmin olunmasına xidmət edir. Təhsil sistemində əldə olunan yeniliklər Azərbaycan elminin dünyaya inteqrasiya sürətini artırıb.
Ömür yarpaqlarından: Allahşükür Balağa oğlu Kərimov 1959-cu ildə Masallı rayonu, Yeddioymaq sovetliyinin Şıxlar kəndində anadan olub. İbtidai təhsilini Şıxlar kəndində, orta təhsilini isə T. Bayraməlibəyov adına Yeddioymaq kənd orta məktəbində alıb.
1977-1979-cu illərdə Sovet Ordusu sıralarında xidmət eləyib.
1979-1981-ci illərdə Bakı şəhərində Jurnalist Sənətkarlığı İnstitutunda oxuyub. 1983-cü ildə V.İ.Lenin adına APİ-nin filologiya fakültəsinə daxil olub və 1988-ci ildə institutu uğurla başa vurub.
1980-1982-ci illərdə Masallı rayonu N.Krupskaya adına sovxozda azad komsomol komitəsinin katibi vəzifəsində çalışıb.
Allahşükür Kərimov Pedaqoji fəaliyyətə 1988-ci ildə Şıxlar kənd 1 saylı ümumi orta məktəbində Azərbaycan dili və ədəbiyyat müəllimi kimi başlayıb. 2012-2015-ci illərdə işlədiyi məktəbdə direktor kimi fəaliyyət göstərib.
Allahşükür müəllim 1975-ci ildən dövri mətbuatda müntəzəm olaraq çıxış edir. Yerli rayon qəzeti olan (“Çağırış”) “Yeni həyat “, ” Respublika” və s. qəzetlərdə, eləcə də radioda rəngarəng mövzularda xəbər, zarisovka, publisist yazıları ilə tanınıb. Azərbaycan Jurnalistlər Birliyinin və Masallı rayon Ağsaqqallar Şurası idarə heyətinin üzvü, 40 saylı Şıxkar kənd seçki məntəqəsinin sədridir.
Ömrünün 66 -cı baharını yaşayan Allahşükür müəllim 2024-cü ildən 48 illik fasiləsiz əmək fəaliyyətinə malik olmaqla təqaüdə çıxıb. Pedaqoji fəaliyyətinin 36 ili tamam olub. Ən yadda qalan xatirələrdən biri ona elm, bilik yolunda bələdçilik edən, əlindən tutub yazıb -oxumağı öyrədən doğma müəllimlərlə çiyin-çiyinə işləmək olub.
Tələbəlik illəri isə gənclik dövrünün qaynar nöqtəsindən keçərək həyatda silinməz izlər buraxıb. Həyat yoldaşı Narınc xanımla 35 illik evlilikdən beş övladı olub. Ömür-gün yoldaşı 2015-cı ildə haqq dünyasına qovuşub. Bir qızı və dörd oğlan övladları yadigar qalıb. Onlardan ikisi pedaqoji sahədə müəllim kimi çalışır.
Allahşükür müəllim yeddi nəvənin babasıdır. Dörd qardaşın bir bacısı olan Zərnişan xanım qardaşlarının ümid və pənah apardığı ana əvəzidir.
Allahşükür müəllim institut həyatı
nı, tələbə yoldaşlarını, müəllimlərini unutmayıb. O, həmişə İsmayıl Şıxlı, Xeyrulla Məmmədov, İsrail Mustafayev, Mürsəl Həkimov və başqalarının əziz xatirələrini uca tutub onlar haqqıda fəxrlə söhbət açır, Tanrıdan onlara rəhmət diləyir.
Allahşükür müəllimin amalı müqəddəs, ürəyi təmizdir. O, həm yaxşı yoldaş,etibarlı dostdur. Həmişə gülərüzlü olub, mehriban təbəssüm indi də üzündən əskik olmur.
Onun haqqında saatlarla danışsam, yenə də sözüm bitib-tükənməz.
Və ən nəhayət, onu demək istəyirəm ki, Allahşükür müəllim humanist insandı. Elə müəllim sənəti də humanist sənətdir, insan mənəviyyatını formalaşdıran sənətdir.
Bəli, o bir müəllim olaraq həmişə vəzifəsinin öhdəsindən ləyaqətlə gəlib, həm də ömrünü tarixə çevirmək şərəfinə yiyələnib. Ömrü tarixə çevirmək insan üçün ən böyük xoşbəxtlikdir.
Tanrnın kölgəsi həmişə üstündə olsun Allahşükür müəllim!
Tanrı səni bizə çox görməsin.

Hüseyn İsaoğlu, yazıçı-publisist,
AYB – nin və AJB – nin üzvü.

DAHA ÇOX YENİ MƏLUMAT

Oxuyun >> Gözündə tük var

Zaur Ustacın şeirləri haqqında

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<I

ZAUR USTACIN YAZILARI

ANA DİLİM
Bu şipşirin Ana dilim,
Həm də qutlu sancağımdır!
Min illərdir Ata Yurdun
Sərhədini bəlirləyir…
Ta Şumerdən üzü bəri,
Dədəm Qorqud öyüd verib,
Şah İsmayıl fərman yazıb,
Qoç Koroğlu nərə çəkib…
Ulu Babəkin fəryadı,
Füzulinin ah-naləsi,
Nəsimin şah nidası,
Bu dildədir!!!
Bu dil, Tomrisin dilidir;
Layla deyib,
Hökm verib…
Min illərdir Ata Yurdun
Sərhədinin keşiyində
Əsgər kimi durub, bu dil!!!
Ana dilim həm əsgərdir,
Həm də sərhəd!!!
Toxunulmaz bir tabudur!!!
19.02.2023. Bakı.

Müəllif: Zaur USTAC,

“Yazarlar” jurnalının baş redaktoru,

şair-publisist.

ZAUR USTACIN ŞEİRLƏRİ

DAHA ÇOX YENİ MƏLUMAT

Oxuyun >> Gözündə tük var

Zaur Ustacın şeirləri haqqında

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<I