ÖVLADIYAM Müzəffər ordunun şanlı əsgəri, Ərənlər yurdunun ər övladıyam! Zalımın zülmünə təhəmmülüm yox, Babəklər yurdunun hürr övladıyam! * * * Ustadım Nəsimi, sözümüz sözdü, Ədalət, həqiqət bağrımda közdü, Ziyadar dühası bir deyil, yüzdü, Mövlalar yurdunun nur övladıyam! * * * Dərvişəm, müqqəddəs sayılır təkkəm, Hülqumdan yuxarı dayanır öfkəm, Od, ocaq diyarı tanınır ölkəm, Alovlar yurdunun nar övladıyam! * * * Unutma, şah babam Xətai başdı, Nadir şah, mətədə tərpənməz daşdı, İlham, nə keçilməz sədləri aşdı, İgidlər yurdunun nər övladıyam! * * * Tarixdə Nəbisi, Koroğlusu var, Gen dünya yağıya daim olub dar, Düşmən qarşımızda yenə oldu xar, Aslanlar yurdunun şir övladıyam! * * * Göydən Yer üzünə ərmağan, payam, Gündüzlər Günəşəm, gecələr Ayam, Ən parlaq ulduzdan törəyən boyam, Ozanlar yurdunun sirr övladıyam! * * * Ustacam, vətənim vətən içində, Axıb duruluruq zaman köçündə, Min bir anlamı var, adi “heç”in də, Aqillər yurdunun pir övladıyam! 13.11.2020. Bakı.
Gecə tanqosu Qədəmlər dindi, İzdihamın şövqünü duyub. Hər tərəfdə pıçıldayıb duran Aşiqlər sakitcə baxar, durub. Bax, qasırğa qopdu və Səma üzündə parladı ulduz Baş üstündə elədi cilvə. Əlvida deyib çəkildi gündüz Vəhmim gəldi gah sükunətin, Qulağı dolub qaldı heyran. Dan sonunda sığırçınları Şad uşaqlar yamsılar bu an. Varlıq tamam sarındı Gecənin qara çadrasına Hisslər ilə həyəcan saldı Gah girdi qəlb arasına Ay gizlənər şah gecədə elə Sanki ruhlar qına giribdir. Dinazavr dayanıb durantək Ürəyimə qorxu axmaqdadı. Qışqırıqlar gəlməkdə gizli Yuxularımda həqiqət bozarar Axşam çağı açılan üzgün. Bəxtiqara namazgülülər Yenə dönüb nifrətlə oxuyar Bayılmağın naxoş sədası Belə boşluqda sakit daranar Tənha qızın gecə tahqosu
ÖVLADIYAM Müzəffər ordunun şanlı əsgəri, Ərənlər yurdunun ər övladıyam! Zalımın zülmünə təhəmmülüm yox, Babəklər yurdunun hürr övladıyam! * * * Ustadım Nəsimi, sözümüz sözdü, Ədalət, həqiqət bağrımda közdü, Ziyadar dühası bir deyil, yüzdü, Mövlalar yurdunun nur övladıyam! * * * Dərvişəm, müqqəddəs sayılır təkkəm, Hülqumdan yuxarı dayanır öfkəm, Od, ocaq diyarı tanınır ölkəm, Alovlar yurdunun nar övladıyam! * * * Unutma, şah babam Xətai başdı, Nadir şah, mətədə tərpənməz daşdı, İlham, nə keçilməz sədləri aşdı, İgidlər yurdunun nər övladıyam! * * * Tarixdə Nəbisi, Koroğlusu var, Gen dünya yağıya daim olub dar, Düşmən qarşımızda yenə oldu xar, Aslanlar yurdunun şir övladıyam! * * * Göydən Yer üzünə ərmağan, payam, Gündüzlər Günəşəm, gecələr Ayam, Ən parlaq ulduzdan törəyən boyam, Ozanlar yurdunun sirr övladıyam! * * * Ustacam, vətənim vətən içində, Axıb duruluruq zaman köçündə, Min bir anlamı var, adi “heç”in də, Aqillər yurdunun pir övladıyam! 13.11.2020. Bakı.
Əziz həməsrim! Həyata gəldiyimdən bu yana özümdəki qeyri-adi dəyişikliklərdən bəzən lal qalan, bəzən çıxılmaz vəziyyətə düşən vaxtlarım çox olub. “Mən kiməm?” sualı məni heç vaxt tərk etməyib. Özümlə baş verə bilən hər cür hadisələri gah zövqlə yola salsam, gah da üzümə təşviş əlamətləri xətt çəkməyə başladı. Qəlbən olduqca zəkalı qız kimi böyüsəm də, yaddaşımda ən incik, inadkar, söz başa düşməyən qızcığazlara xas şıltaqlıqlarımla kimlərisə yaralamağım, hətta yaxınlarıma da əzab verməyim mümkündür. Uşaqlığın əyləncəli günlərinə qayıtdığımda çox əhvalatların xatirəmdən uçub getdiyini sezirəm. Yaradıcılıq qabiliyyətimi öz vaxtında hiss edəndə, bəlkə hər anımdakı hadisələri maraqla ağ vərəqlərə köçürməliydim… Daim yüz yaşlı qoca ürəyimə girib ordakı laylaları aydınlaşdırıb oturar, özümü həyatda uşaqtək zənn etməyə, yaşıma yaraşan iş görməyə məcbur olunan kimi olurdum. Gah dələduz uşaqlığa, gah ağıllı Zümrədxanıma, gah qəddar zalıma çevrilərək öz təsəvvürümdəki qəhrəmanımı formalaşdırırdım. Bağçada da çox fəal olmuşam. Ən çox əzizləndiyimi və özümü mələklər kimi aparmağımı bağçada hiss etmişəm, öyrənmişəm desəm təəccüblənməyin. Onda dörd-beş yaşında olsam da, tərbiyəçilərimin bir dəfə də sərt danışmalarını, toxunmalarını yada sala bilmirəm. Digər qrupdaşlarıma çox rəhmim gələrdi. Bir uşaq yatmasaydı yaxşıca kötək yeyərdi, hətta oyuncağı da icazəsiz oynada bilməzdi. Bunun məndə ilk dəfə oyanan rəhm, şəfqət duyğusu olması təəccüblü deyil. Müxtəlif bayramlarda ata-anam bağçamıza öz sazəndələri ilə gəlib fərqli tədbirlər keçirər, mən isə rəqs edərdim. Tamaşaçıların baxışlarını hiss edəndə ilk dəfə fəxr duyğusunun məni bürüməyə başladığını hiss etdim. Sonda hamının baxışı məndə, hamı əl çalmaqda idi… Uşaqlığımı dönə-dönə yada salıram. Sanki məsud anlarıma qayıtmağı və orada ömrü boyu qalmağı istəyən tək… Ata-anamın sənətkar olması və mənim də əksər səfərlərdə olmağım üçünmü bu barədə xeyli təcrübəyə yiyələnmişdim. Hər bayramda yaşayış yerimizdəki oğlan və qızlar toplaşıb binalarımızın girişlərini mövsümə uyğun bəzəyərdik. Babamın evdəki bütün “instrument”lərini çölə çıxarıb, yerləşdirib konsert verərdik. Əlbəttə, kağızdan düzəldilmiş biletlərimiz də olardı. Bəzən pul, bəzən də digər hədiyyələr verərdilər. Məktəb dövrü mənim üçün ən əzablı, anlaşılmaz, boynumu bərkidən, beynimi incidib keçən vaxtlar, laylaya bənzər riyazi terminlər, coğrafiya, yer üzünün bir kağız üstündə ilan olub düzülüb duran bilgilərini höccələyib öyrənmək ərimək duyğusu verirdi. Mənə bu dərslərin marağı yox kimi idi, zəngin çalınmasını gözləyərdim. Musiqi dərsinə marağım artmağa başlayanda dördüncü-beşinci sinifdə oxuyurdum. Məktəb dövründən mənə xoş olan, yaddaşımda qalan tədbirlər, gəzintilərdir. Nəğmələr, folklor mahnıları, deyişmələr, tamaşalar olduqca maraqlı olardı. Belə vaxtlarda ədəbiyyata da yavaş-yavaş girişməyə başladım. Xoşbəxt uşaqlığımı ağır xəstəlik dəlik-dəlik etdi və on dördüncü baharımdan bu yana ancaq xəstəliklərlə keçdi. Arzulamaqdan, can atmaqdan, öz üzərimdə işləməkdən yorulmadım. Səhvlər, maneələr, daxili çəkişmələr, üsyanlar vaxt keçdikcə məni yaradıcı olmağa, qələm tutmağa məcbur etdi. Xəstəlik mənə nə verdi? O, məni ömür boyu insan səsini eşitməkdən məhrum etdi… Bununla həyat dayanıb durmadı, əksinə, daha güclü davam etdi və xəstəlik mənə ağı qaradan tanımağı öyrətdi. Ən mühümü, insan qəlbini eşidə bilməyənlər tayfasından deyiləm. Xatırlayıram, eşitməməyimlə bağlı yeganə yadımda qalan özümü itirən günüm yalnız bircə dəfə olub. Uzunmüddətli müalicədən sonra xəstəxanadan evə qayıtdım. Həmin günlərdə doğum günüm keçirildi. Mən o vaxtlar indi çoxlarında olan pleyerə sahib olmağı daim arzu edirdim. Böyük bacım və yeznəm mənə zərif çəkmələr və pleyer bağışladılar. Sevincimin həddi yox idi, qulaqcığı qulağıma oturdana qədər eşitməməyim heç kimin xəyalına da gəlmədi. Belə dinləməyə hərəkət etsəm də, səsi yüksəltsəm də eşidə bilmədim. O vaxtkı halımı sözlə ifadə edə bilmirəm. Özümü kütlədən aralı duydum. Sakitcə qulaqcığa son deyib, onu kiçik bacıma hədiyyə etdim və çəkmələri götürüb geyindim, yetərincə yaraşıqlı oldu. Atılıb-düşərək, sanki dərdimi unutmaq istəyirmiş kimi bağıraraq güldüm, özümü yaxınlarımın önündə özümü itirmiş, kədərli kimi göstərmək istəmədim… Başlıcası, yaxınlarım var. Məni bundan sonra da saxlayıb, qüvvətləndirib yaşadacaqlarına inanıram. Əziz oxucum! Bu yazdıqlarımı dostlarım, sirdaşlarım, yaradıcı həmkarlarım üçün yazdım. Qəlbnamə tərzində o qədər mükəmməl olmasa da, ürəyimin səsini bir qədər dinləsəniz, mən bundan sevinərəm!
Cəlilabadda milli-ədəbi layihə (“Turan ellərinin söz çələngi” layihəsinin yekunu və eyniadlı ədəbi məcmuənin təqdimat mərasimindən reportaj) Bu gün – 30.05.2026-cı il tarixində “Həməşəra” müstəqil, elmi, tarixi, mədəni və ictimai rüblük mətbu orqanı və Cəlilabad Mərkəzləşdirilmiş Kitabxana Sisteminin (MKS) birgə təşkilatçılığı ilə Cəlilabad şəhər MKS-nin inzibati binasında fəlsəfə üzrə fəlsəfə doktoru, Azərbaycan Yazıçılar Birliyi, Azərbaycan Jurnalistlər Birliyi və Turan Yazarlar Birliyinin üzvü, yazıçı-publisist İlqar İsmayılzadənin cari ilin son ayları ərzində (24.03.2026-04.05.2026) Cəlilabad ədəbi mühitinin bir qrup şairlərinin iştirakı ilə uğurla həyata keçirdiyi “Turan ellərinin söz çələngi” adlı layihənin yekun mərhələsi olaraq işıq üzü görmüş eyniadlı kitabının (ədəbi məcmuə və ya antalogiyanın) təqdimat mərasimi keçirildi. Vətən və dövlətçilik uğrunda canından keçmiş şəhidlərimizin əziz xatirəsinin anılması hədəfi ilə 1 dəqiqəlik sükutla başlayan tədbirdə rayonun bir qrup tanınmış ziyalı simaları, ictimaiyyət nümayəndələri, müəllimlər və xüsusilə də Cəlilabad ədəbi mühitinin parlaq simaları iştirak etdilər və yüksək səviyyədə, həm də mənəvi aurada keçirilən tədbir iştirakçıların məmnuniyyəti ilə yadda qaldı. Tədbirin aparıcısı, eyni halda layihə rəhbəri və kitab müəllifi yazıçı-publisist İlqar İsmayılzadə öz çıxışında ərsəyə gəlmiş kitabla bağlı əhatəli məlumat verərək, indiyədək rayon, bölgə və respublika səviyyəsində milli kimlik, türkçülük, Turan məfkurəsi və turançılıqla bağlı belə bir ədəbi məcmuənin qeydə alınmadığı, “Turan ellərinin söz çəlləngi” layihəsi çərçivəsində ərsəyə gəlmiş eyniadlı kitabın uyğun mövzuda ilkə atılmış bir imza olduğunu tədbir iştirakçılarının diqqətinə çatdırdı. O, hər bir vətəndaşın və xüsusilə də söz və qələm əhlinin öz milli kimliyinə sadiq qalmasını bir vazkeçilməz zərurət adlandıraraq, milli kimliyin tarix, mədəniyyət, dil və milli-mənəvi dəyərlər anlamında olduğu və qanunvericilik baxımından milli kimliyin qorunması və yaşadılmasına icazə verildiyini, yalnız ifrat millətçilik və milli-irqi ayrıseçkiliyin qanunvericilik baxımından yasaqlandığını bildirdi. İ.İsmayılzadə söhbətinin davamında indiyədək həmin layihə çərçivəsində Cəlilabad ədəbi mühitindən 24 şairin təsbit edildiyi və onların milli kimliklə bağlı bir-birindən gözəl və dərinmənalı şeirlərinin “Turan ellərinin söz çələngi” adlı ədəbi məcmuədə nəşr olunduğunu vurğuladı. Tədbirdə iştirak edən Cəlilabad ədəbi mühitinin tanınmış nümayəndələrindən:
Ustad Zülfi Vellidağ (Cəlilabad Rayon Ağsaqqallar Şurasının İdarə Heyətinin üzvü, TYB-nin üzvü, “Həməşəra” və “Nizami Gəncəvi” Fəxri Diplomları laureatı, ədəbiyyatşünas, yazıçı-şair);
Solmaz xanım Məmmədova (keçmiş SSRİ Jurnalistlər Birliyinin üzvü, “Qönçə” Yaradıcı Qadınlar Birliyinin sədri, “Həməşəra” və “Nizami Gəncəvi” Fəxri Diplomları laureatı, veteran jurnalist, yazıçı-publisist, şair);
Gülşən xanım Şahmuradlı (TYB-nin üzvü, “Qızıl Qələm” Media Mükafatı, “Həməşəra” Fəxri Diplomu və TYB-nin Ödülü laureatı, şair);
Turan Xalq şairi Şəhla xanım Rəvan (Cəlilabad rayon Göytəpə şəhər şəhid Vasif Hüseynov adına 2 saylı orta məktəbin direktoru, eyni halda Cəlilabad ədəbi mühitinin görkəmli xanım nümayəndəsi, Turan Yazarlar Birliyinin üzvü, “Həməşəra” və “Nizami Gəncəvi” Fəxri Diplomları, “Ziyadar” Mükafatı və “Ustad Niftalı Göyçəli” Ödülü laureatı, Turan Xalq şairi, ədəbiyyatşünas, ədəbi təhlilçi və tənqidçi, şair);
Seylan xanım Abbas (TYB-nin üzvü, “Həməşəra” Fəxri Diplomu laureatı, şair);
Mikayıl İnçəçaylı (TYB-nin üzvü, “Həməşəra” Fəxri Diplomu laureatı, bədii qiraətçi, şair);
Elnur Qoca Türk (TYB-nin üzvü, veteran pedaqoq, tədqiqatçı, riyaziyyatçı, “Muğan Tarixçilər Birliyi”nin üzvü, şair);
Xəlil Fərəməzoğlu (pedaqoq, “Həməşəra” Fəxri Diplomu laureatı, yazıçı-publisist);
Adıgözəl Nuriyev (“Həməşəra” Fəxri Diplomu laureatı, veteran pedaqoq, bədii qiraətçi);
Sakit Üçtəpəli (TYB-nin üzvü, “Həməşəra” Fəxri Diplomu laureatı, şəhid qardaşı, yazıçı-şair);
Cəlil Ələsgərov (biologiya elmləri namizədi, fizioloq, “Həməşəra” Fəxri Diplomu laureatı, TYB-nin üzvü, şair-publisist);
Müşahidə xanım Nərimanova (“Həməşəra” Fəxri Diplomu laureatı, kitabxanaşünas, bədii qiraətçi, şair);
Gülcahan xanım Xürrəm (“Həməşəra” Fəxri Diplomu laureatı, qəzəlxan-şair);
Qurban Əhməd (I Qarabağ Savaşının iştirakçısı, qazi, “Həməşəra” Fəxri Diplomu laureatı, Azad Yazarlar Birliyi, TYB və AJB-nin üzvü, yazıçı-publisist, jurnalist və şair);
Azər Mirzə (TYB-nin üzvü, “Həməşəra” Fəxri Diplomu və TYB-nin Ödülü laureatı, şair);
Hicran xanım Əhmədli (TYB-nin üzvü, “Sarı Aşıq” Sazlı-Sözlü Borçalı Ədəbi Məclisinin üzvü, “Qızıl Qələm” və “Zəfər” Media Mükafatları, TYB-nin Ödülü” və “Həməşəra” Fəxri Diplomu laureatı, bədii qiraətçi, yazıçı-şair);
Sevinc xanım Şirvanlı (TYB-nin üzvü, “Həməşəra” və “Nizami Gəncəvi” Fəxri Diplomları, “Ziyadar” Mükafatı və TYB-nin Ödülü laureatı, şair);
Arzu xanım Əyyarqızı (AYB, AJB və TYB-nin üzvü, “Həməşəra” Ədəbi Məclisinin yaradıcısı və rəhbəri, “Zərif kölgələr” ədəbi portalının İdarə Heyətinin üzvü, “Həməşəra” və “Nizami Gəncəvi” Fəxri Diplomları və “Ziyadar” Mükafatı laureatı, şair-publisist);
Atlaz xanım Rzayi (TYB-nin üzvü, “Həməşəra” Fəxri Diplomu, “Ziyadar” Mükafatı və TYB-nin Ödülü laureatı, bədii qiraətçi, yazıçı-şair)… Həmçinin, rayonun tanınmış ziyalılarından, təhsil, mədəniyyət və incəsənət adamlarından olan:
Hacı Paşa Rüstəmov (Əmək zərbəçisi və Əmək veteranı, “Həməşəra” və “Dədə Qorqud” Fəxri Diplomları laureatı);
Dadaş Bayramov (“Həməşəra” Fəxri Diplomu laureatı, veteran pedaqoq);
Azər Əsgər (Musavat Partiyasının Cəlilalab Rayon Təşkilatının sədri, “Həməşəra” Fəxri Diplomu laureatı, tarix müəllimi, veteran pedaqoq, qazi atası);
Xatirə xanım Quliyeva (“Həməşəra” Fəxri Diplomu laureatı, ədəbiyyatşünas, veteran pedaqoq);
Akif Mədədli (Muğam ifaçısı, “Həməşəra” Fəxri Diplomu laureatı);
Qənimət xanım İsrafilova (Cəlilabad MKS-nin direktoru, “Həməşəra” Fəxri Diplomu laureatı, kitabxanaşünas);
Elçin Cəlil oğlu Ələsgərov (Antiterror əməliyyatının iştirakçısı);
Aydan Mənsimli və s. öz çıxışlarında yazıçı-publisist İlqar İsmayılzadənin təşəbbüsü və rəhbərliyi ilə həyata keçirilmiş “Turan ellərinin söz çələngi” adlı layihəni yüksək dəyərləndirdilər, layihə rəhbəri və kitab müəllifinə uğurlar arzuladılar. Tədbir iştirakçıları eyni halda yazıçı-publisist İlqar İsmayılzadənin doğum günü və 50 illik yubileyi münasibətilə ona səmimi təbriklərini çatdırıb hədiyyələr təqdim etdilər. Tədbirin davamında bu yaxınlarda TYB tərəfindən “Turan Xalq şairi” fəxri adına layiq görülmüş Şəhla xanım Rəvana TYB-nin xüsusi bildiriş lövhəsi, həmçinin, “Həməşəra” mətbu orqanı tərəfindən rayonun bir qrup tanınmış simalarına “Həməşəra” Fəxri Diplomu, Turan Yazarlar Birliyinin Ödülü və TYB-nə yenicə üzv qəbul edilmiş bir neçə nəfərə üzvülük vəsiqəsi, xüsusilə də layihədə iştirak etmiş şəxslərə yenicə təsis edilmiş “Turan Ödülü” və kitab hədiyyələri təqdim edildi. Tədbir xatirə şəkillərinin çəkilişi ilə yekunlaşdı. Tədbirdən fotolar:
Məlumatı hazırladı: İlqar İsmayılzadə, fəlsəfə üzrə fəlsəfə doktoru, “Həməşəra” mətbu orqanının təsisçisi və baş redaktoru, Azərbaycan Jurnalistlər Birliyi, Azərbaycan Yazıçılar Birliyi və Turan Yazarlar Birliyinin üzvü, TYB İdarə Heyətinin üzvü, “Ziyadar” Mükafatı, “Qızıl Qələm” və “Zəfər” Media Mükafatları laureatı, teoloq, araşdırmaçı, tərcüməçi, yazıçı-publisist
La Fondation Meriless en Algérie adopte la couverture du roman “Al-Sinjab” comme œuvre d’art La Fondation Meriless a présenté une série d’œuvres d’art industriel et a adopté la couverture originale du roman “Al-Sinjab” comme matériau principal pour la création d’une nouvelle œuvre, dans le cadre de son projet visant à instaurer un dialogue entre la littérature et les arts visuels en Algérie. La Fondation a expliqué que le choix de la couverture du roman n’était pas arbitraire, mais motivé par sa forte symbolique visuelle qui s’harmonise avec l’atmosphère psychologique du texte. La composition chromatique et linéaire de la couverture reflète l’état de tension intérieure et de mouvement silencieux qui caractérisent les personnages du roman et son espace narratif. Les responsables du projet ont confirmé que cette démarche vise à réintroduire l’œuvre littéraire à travers un nouveau langage visuel, permettant au lecteur et au spectateur de découvrir le roman sous un angle sensoriel différent, et de transformer la couverture d’une simple façade en une œuvre d’art à part entière. La pièce sera réalisée par impression artistique Giclée sur toile, afin de garantir la plus haute précision et la pérennité des couleurs sur le long terme. L’œuvre inspirée de la couverture d’Al-Sinjab sera exposée lors de la prochaine exposition de la Fondation Meriless sur Instagram, aux côtés d’une collection d’œuvres inspirées de l’encyclopédie du patrimoine algérien et mondial, dans une tentative de mettre en lumière la convergence vivante entre le mot et l’image. La Fondation Meriless en Algérie adopte la couverture du roman “Al-Sinjab” comme œuvre d’art. Məlumat Azərbaycan dilində: Əlcəzairdəki Meriless Fondu “Əs-Sincab” romanının üz qabığını incəsənət əsəri kimi qəbul edib
Meriless Fondu sənaye incəsənətinə aid bir sıra əsərlər təqdim edib və ədəbiyyatla vizual incəsənət arasında dialoq yaratmağı hədəfləyən layihəsi çərçivəsində “Əs-Sincab” romanının orijinal üz qabığını yeni bir sənət əsərinin yaradılması üçün əsas material kimi seçib.
Fond bildirib ki, romanın üz qabığının seçilməsi təsadüfi olmayıb. Bu seçim onun mətnin psixoloji atmosferi ilə uyğunlaşan güclü vizual simvolizmi ilə əlaqədardır. Üz qabığındakı rəng və xətt kompozisiyası romanın qəhrəmanlarını və nəqli məkanını xarakterizə edən daxili gərginlik və səssiz hərəkət hissini əks etdirir.
Layihə rəhbərləri vurğulayıblar ki, bu təşəbbüs ədəbi əsəri yeni vizual dil vasitəsilə yenidən təqdim etməyi hədəfləyir. Bu yanaşma oxucuya və tamaşaçıya romanı fərqli duyğusal baxış bucağından kəşf etməyə imkan verir və üz qabığını sadəcə bir təqdimat vasitəsindən müstəqil sənət əsərinə çevirir. Əsər rənglərin uzunmüddətli qorunmasını və ən yüksək keyfiyyəti təmin etmək məqsədilə kətan üzərində Giclée bədii çap texnologiyası ilə hazırlanacaq.
“Əs-Sincab” romanının üz qabığından ilham alınaraq yaradılan əsər yaxın zamanda Meriless Fondunun Instagram platformasında təşkil olunacaq sərgidə nümayiş etdiriləcək. Burada həmçinin Əlcəzair və dünya irsi ensiklopediyasından ilhamlanan digər sənət əsərləri də təqdim ediləcək. Bu təşəbbüs sözlə obrazın canlı vəhdətini ön plana çıxarmaq məqsədi daşıyır.
Əlcəzairdəki Meriless Fondu “Əs-Sincab” romanının üz qabığını incəsənət əsəri kimi qəbul edib.
“Yazarlar” olaraq həmkarımız Turkia Loucifi təbrik edir, bütün həyat və fəaliyyətində yeni-yeni nailiyyətlər arzulayırıq! Uğurlarınız bol olsun! Xeyirli olsun!
ƏZƏMƏT GÖSTƏRİR ALƏMƏ LAÇIN (sonet) Göyə qucaq açıb yalçın qayalar, Əzəmət göstərir aləmə Laçın. Hansı yaraşıqdan, de, söhbət açım, Burda gözəlliyin min bir izi var.
Şəfəq Nasirin yaradıcılığı milli yaddaşın işığında
Azərbaycan jurnalistikasında özünəməxsus dəst-xətti ilə seçilən yazıçı-publisist Şəfəq Nasir uzun illərdir ki, oxucuların rəğbətini qazanan qələm adamlarından biridir. Onun publisistikası, araşdırmaları və bədii düşüncəsi hər zaman diqqət çəkib. Şəfəq xanımın yaradıcılığını yaxından izləyənlər yaxşı bilirlər ki, o, yalnız jurnalist kimi deyil, həm də milli yaddaşımıza xidmət edən ciddi tədqiqatçı kimi fəaliyyət göstərir. Son illərdə işıq üzü görən “İdrakın işığında”, “Lək-lək”, “Bürhani-həqiqət” kitabları müəllifin zəngin yaradıcılıq axtarışlarının nəticəsidir. Bu əsərlərdə təkcə ədəbi düşüncə deyil, həm də milli kimliyimizə bağlılıq, tariximizə və mənəvi köklərimizə ehtiram açıq şəkildə hiss olunur. İrəvan ədəbi mühitini, Qərbi Azərbaycanın zəngin mədəni irsini özündə əks etdirən bu kitablar oxucular tərəfindən böyük maraqla qarşılanıb. Bu günlərdə həmin kitabların təqdimat mərasimi Qərbi Azərbaycan İcmasında keçirildi. Tədbirdə elm və ədəbiyyat adamları, ziyalılar, ictimaiyyət nümayəndələri iştirak etdilər. Təqdimat zamanı geniş müzakirələr aparıldı, müəllifin yaradıcılığı yüksək qiymətləndirildi. Qərbi Azərbaycan İcmasının İdarə Heyətinin sədri, Milli Məclisin deputatı Əziz Ələkbərov çıxış edərək Şəfəq Nasirin Azərbaycan ədəbiyyatına və publisistikasına verdiyi töhfələri xüsusi vurğuladı. O bildirdi ki, müəllifin əsərləri milli yaddaşın qorunmasına, Qərbi Azərbaycanın ədəbi və mənəvi irsinin gələcək nəsillərə çatdırılmasına mühüm xidmət göstərir. Çıxış edən alimlər və tədqiqatçılar Şəfəq Nasirin mənsub olduğu ziyalı nəslindən də bəhs etdilər. Xüsusilə onun babası, “Molla Nəsrəddin” ədəbi məktəbinin davamçılarından olan Məmmədəli Nasirin yaradıcılığı yada salındı. Bildirildi ki, Şəfəq xanımın bu gün milli düşüncəyə, maarifçiliyə və həqiqətə xidmət edən bir yol seçməsi təsadüfi deyil. O, babasından gələn ziyalılıq ənənəsini uğurla davam etdirir. Şəfəq Nasirin yaradıcılığı bir daha göstərir ki, ədəbiyyat yalnız söz sənəti deyil, həm də milli yaddaşın qorunması, həqiqətin yaşadılması missiyasıdır. Onun zəhmət və məsuliyyətlə ərsəyə gətirdiyi əsərlər milli-mənəvi dəyərlərimizin təbliğinə xidmət edir. İnanırıq ki, yazıçı-publisist Şəfəq Nasir bundan sonra da yeni əsərləri ilə oxucularını sevindirəcək, Azərbaycan ədəbiyyatında və publisistikasında qazandığı uğurlarını davam etdirəcəkdir. Şəmsiyyə Kərimova, 29.05.2026 Bakı Əməkdar jurnalist
