AXTARIRIQ

İnsan olan bir ömürdü çarpışmada,
Yaşam adlı qayğıların hesabı yox.
Qəlb deyilən için- için alışmada,
Həm yazmağa dəftəri yox, kitabı yox.

Cavanların saçlarına düşən “ağ”lar,
Ataların, anaların qəlbin dağlar.
İçdə tufan, baxış tutqun, gözlər ağlar,
Beləcə də can olanı əcəl haqlar.

Ədalətin nəfəsi yox, vicdan yatıb,
Qanun yazan yazır, pozur öz nəfinə.
Adamların bir ovucu varda batıb,
Bəşər dönüb hərisliyin hədəfinə.

Zəhmətkeşin əli qabar, mədəsi boş,
Müftəxorun, tüfeylinin artır sayı.
Haram yolla varlananın ürəyi daş,
Kasıb doğma qardaşına olmaz payı.

Altmış beşdə təqaüdə çatan adam,
Anlayır ki, qırx beş ilin verib yelə.
Boğulurkən saman çöpü tutan adam,
Ahıl yaşda çarəsizcə girib selə.

Bax beləcə ömr edirik, ömür desən,
Yoxdu elmə nə əxlaqa qiymət verən.
Həyatından, öz- özündən çoxdu küsən,
İnsan oğlu yurd- yuvadan olub pərən.

Gün çıxınca batmasını gözləyənlər,
Yata bilsək yuxu yozan axtarırıq.
Naqisliyə, pisliklərə göz döyənlər,
Dinən, deyən, düzü yazan axtarırıq!

12.10.2026

Müəllif: Təvəkkül GORUSLU

TƏVƏKKÜL GORUSLUNUN YAZILARI

DAHA ÇOX MƏLUMAT BURADA

Oxuyun >> Gözündə tük var

Zaur Ustacın şeirləri haqqında

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<

PAYIZ

Biz indi oxşarıq gedilən yolda,
Mən səni hər anla duyuram, payız.
Küləklə, yağışla sən qeylü- qalda,
Mən də “cücələri sayıram “, payız.

Toxdaq olmalıyıq, həm də ki, ötkəm,
Fəsillə, zamanla dəyişir görkəm.
Nəyimiz artıqdı, nəyimizdi kəm,
Daşları yerinə qoyuram, payız.

Siz dörd qardaşların növbəsi bəlli,
Tanrı bəxş eyləmiş ilə təməlli.
Mən isə insanam günü bədəlli,
Sən içsən, mən isə bayıram, payız.

Gəlmisən, gələrsən gələn il yenə,
İşarət olacaq gəldiyin günə.
Hər il baxacaqsan bir daha önə,
Mən isə ömrümə qıyıram, payız.

Dərmandı havanın bircə udumu,
Küləyin sönməyə qoymaz odumu,
Yazıb yaradaram, mən də adımı,
Təsəllim, şeirlə yayaram, payız.

13. 09. 2026

Müəllif: Təvəkkül GORUSLU

TƏVƏKKÜL GORUSLUNUN YAZILARI

DAHA ÇOX MƏLUMAT BURADA

Oxuyun >> Gözündə tük var

Zaur Ustacın şeirləri haqqında

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<

ŞURNUXU QAPISI AZƏRBAYCANIN

Kim qoydu sərhəddi Qubadlı yöndən?
Bölündü yurd yerim o həmin gündən.
Uzadaq əlləri, açılsın öndən ,
Şurnuxu qapısi Azərbaycanın.

Qafan Sünik olmuş, Gorus da Qoris,
Xustuba söykənib əzəmətli Kirs,
Tarixə möhürdü, türkçülüyə irs.
Şurnuxu qapısi Azərbaycanın.

Gorus Qafan yolu edildi sərhəd,
Kəpəsin üstünün qülləsi ibrət,
oldu iztirablı, intizarlı dərd ,
Şurnuxu qapısı Azərbaycanın.

Zəngəzur qəribdi öz torpağında,
İllərdi çırpınır el sorağında,
Bizləri qoymasın yurd fərağında,
Şurnuxu qapısı Azərbaycanın.

Açılsın Mehridən yol Naxçıvana,
Gedək Qubadlıya, həm Zəngilana,
Gəlincə dönməsin Seytas dalana,
Şurnuxu qapısı Azərbaycanın.

Bilirəm o günə daha az qalıb ,
Ya elə, ya belə olarıq qalib ,
Açılar Turana olunca talib,
Şurnuxu qapısi Azərbaycanın.

10. 06.2026

Müəllif: Təvəkkül GORUSLU

TƏVƏKKÜL GORUSLUNUN YAZILARI

DAHA ÇOX MƏLUMAT BURADA

Oxuyun >> Gözündə tük var

Zaur Ustacın şeirləri haqqında

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<

ŞEİR YAZIRAM

Özüm öz dərdimi olmadım soran,
Dostdan nigaranam, yardan nigaran.
Şeirim olursa dərdlərə dərman,
Oturub sakitcə şeir yazıram.

Düşüncəm perikib yuvaya dönmür,
Özünə qapanıb, lal olub, dinmir,
Beyinlə çarpışır, ürəyə enmir,
Oturub sakitcə şeir yazıram.

Rəqibim çoxdursa, sevənim də çox,
Özümə, sözümə güvənim də çox,
Əhvalım urfani, qiyafətim tox,
Oturub sakitcə şeir yazıram.

Fikirdi, kədərdi ürəyi deşən,
Odunda, közündə bişdikcə- bişən,
Qələmdi, kağızdı mənə də düşən,
Oturub sakitcə şeir yazıram.

Şair peyğəmbərsə, şeir ayətsə,
Tanrıya sitayiş Ona biətsə,
Dilək duadlrsa, arzu niyətsə,
Oturub sakitcə şeir yazıram.

10.06.2022

Müəllif: Təvəkkül GORUSLU

TƏVƏKKÜL GORUSLUNUN YAZILARI

DAHA ÇOX MƏLUMAT BURADA

Oxuyun >> Gözündə tük var

Zaur Ustacın şeirləri haqqında

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<

GÖRƏCƏM

Yuxudan oyanam bir yaz səhəri,
Görəm ki, kəndimiz Ağbulaqdayam.
Unudam kədəri, udam qəhəri
Görəm ki, kəndimiz Ağbulaqdayam.

Görəm ki, dərəyə sel suyu dolmuş,
Görəm ki, güneylər yamyaşıl olmuş,
Görəm ki, dağ döşün lalələr almış,
Görəm ki, kəndimiz Ağbulaqdayam.

Günəş Dəfyalından görəm boylanır,
Sürülər örüşə görəm haylanır,
Odunu taylanır, otu laylanır,
Görəm ki, kəndimiz Ağbulaqdayam.

Görəm ki, biçinə durub babalar,
Görəm ki, işdədi dımrıx, yabalar,
Görəm ki, qış üçün artıb çabalar,
Görəm ki, kəndimiz Ağbulaqdayam.

Görəm ki, yayılıb quzu quzeyə,
Otların içində dönüb bəzəyə.
Bulaq da nəğməsin oxur kuzəyə,
Görəm ki, kəndimiz Ağbulaqdayam.

Görəm ki, kol altdan baxır bənövşə,
Qoxusu könülə gətirir nəşə.
Görəm ki, Xustuba uzanır meşə,
Görəm ki, kəndimiz Ağbulaqdayam.

---

Yuxudan oyanıb bir yay səhəri,
Görəm ki, kəndimiz Ağbulaqdayam.
Nə ola yuxuda edib səfəri,
Görəm ki, kəndimiz Ağbulaqdayam.

Görəm ki, məktəbə getdiyim ilmiş,
Görəm ki, uşaqlar tətilə gəlmiş,
Görəm ki, kəndimiz bir ağır elmış,
Görəm ki, kəndimiz Ağbulaqdayam.

Görəm ki, hər küçə, döngə qaynayır,
Görəm ki, hər çəpər yola boylayır,
Görəm ki, uşaqlar futbol oynayır,
Görəm ki, kəndimiz Ağbulaqdayam.

Görəm ki sel keçən dərə durulmuş,
Yağışlar kəsincə hana qurulmuş,
Görəm ki, Otayda taya vurulmuş,
Görəm ki, kəndimiz Ağbulaqdayam.

---

Yuxudan oyanıb payız səhəri,
Görəm ki, kəndimiz Ağbulaqdayam.
Nə ola yuxuda minəm kəhəri,
Görəm ki, kəndimiz Ağbulaqdayam.

Görəm ki, çən-duman alıb dağları,
Bar, bəhər gətirib alma bağları.
Görəm ki, saralıb ləkdə tağları,
Görəm ki, kəndimiz Ağbulaqdayam.

Görəm ki, tarlalar taxılla zəngin,
Görəm ki, meşələr dəyişir rəngin,
Ağaclar payızla eyləyir cəngin,
Görəm ki, kəndimiz Ağbulaqdayam.

Görəm ki, durnalar cənuba köçür,
Görəm ki, ot- ələf qırovu seçir,
Görəm ki, payızdan qışa yol keçir,
Görəm ki, kəndimiz Ağbulaqdayam.

---

Yuxudan oyanıb bir qış səhəri,
Görəm ki, kəndimiz Ağbulaqdayam.
Duyam ki, ordumuz çalıb zəfəri,
Görəm ki, kəndimiz Ağbulaqdayam.

Görəm ki, ağarıb torpağın üstü,
Görəm ki, damlardan uzanır tüstü,
Görəm ki, hər tərəf ayazdı, sisdi,
Görəm ki, kəndimiz Ağbulaqdayam.

Görəm ki, qar yağır kəndə quşbaşı,
Görəm ki, bələyir torpağı, daşı,
Görəm ki, görünmür Kəpəsin qaşı,
Görəm ki, kəndimiz Ağbulaqdayam.

Görəm ki, buz tutub yolu, dərəni.
Görəm ki, əliklər keçib bərəni,
Gözlərim axtarır yanı- yörəni,
Görəm ki, kəndimiz Ağbulaqdayam.

---

Gözlə, gələcəyik yurd yerim Vətən,
Səni yurdu bilməz hər yandan ötən.
Övladın olacaq ününə yetən…
Görəcəm Gorusda, Ağbulaqdayam.

04. 05. 2026

Müəllif: Təvəkkül GORUSLU

TƏVƏKKÜL GORUSLUNUN YAZILARI

DAHA ÇOX MƏLUMAT BURADA

Oxuyun >> Gözündə tük var

Zaur Ustacın şeirləri haqqında

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<

EDAM EDİN ŞAİRİ

“Piştaxta” arxasında oturunca vasvası,
Qarışıq fikirlərdən partlamaqda qafası,
Alın götürün ordan, bitsin artıq cəzası,
Sinəsinin üstünə yarlıq edin şeirin,
Kitabını alan yox, edam edin şairi!

Qara bulud dolaşıb başı üstündən keçir,
Günəşin şüarları dəryaca tərin içir,
Gələnlər nəzər edir, guya kitablar seçir,
Sevinci qram, qram, ölçüsü yox kədərin,
Kitabını alan yox, edam edin şairi!

Telefon, internetlə adamlar sosiallaşıb,
Tik-tok, instaqramdan şüurları kallaşıb,
Axı nə kitab alsın, durub, baxıb, dolaşıb,
Oturan nimdaş şair yaşayırsa betərin,
Kitabını alan yox, edam edin şairi!

Hansısa sözə görə soyardılar dərisin,
Söz də hədəfə dəydi tapmazdılar çarəsin,
Ölüləri anılır, sayan yoxdur dirisin,
Qələm, dəftər yazığın qarşılamır zərərin,
Kitabını alan yox, edam edin şairi!

Mütaliə, oxuya heç qalmayınca həvəs,
Kitablar da olublar əsir şeirə məhbəs,
İndi fikirlər azad, indi düşüncə sərbəst,
Verin oda yandırın hər misrasın, sətirin,
Kitabını alan yox, edam edin şairi!

Qalaq- qalaq kitablar məzarlığı andırır,
Baxışları buz kimi, içi için yandırır,
Elit bir cəmiyyətdə kimləri bu qandırır,
Ayağının altında kötük edin şeirin,
Kitabın oxuyan yox, edam edin şairi!

Müəllif: Təvəkkül GORUSLU

TƏVƏKKÜL GORUSLUNUN YAZILARI

DAHA ÇOX MƏLUMAT BURADA

Oxuyun >> Gözündə tük var

Zaur Ustacın şeirləri haqqında

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<

BÜTÖV AZƏRBAYCAN

Səması ağlayan şəhid anası,
Naləsi şimşəkdir dağları yaxan.
Torpağı lal-dinməz şəhid atası,
İçi məzarlıqdı, yollara baxan.

Üfüqdə əl-ələ,çiyin-çiyinə,
Durmuşlar içində övlad acısı.
Gələlər, yetələr, qucub öyünə,
Bakı qardaşıdı, Təbriz bacısı.

Yəqin, anlaşıldı edilmiş divan,
Qovulmuş sakinlər doğma yerindən.
Talanmış Zəngəzur, Göyçə, İrəvan,
Zorla qoparılmış qərbi şərqindən.

Türkün sinəsinə saplanan bu ox,
Ermənistan adlı bir yara oldu.
Məkrli hiyləsi ağrlslndan çox,
Birliyi pozmağa bir çara oldu.

Ana yurddan ayrı düşdü Naxçıvan,
Dar gündə Türkiyəm yetdi hayına.
Xaçlılar qorxurdu qurulsa Turan,
İtaət, köləlik düşər payına…

Şimallı, cənublu, şərqli və qərbli,
Birləşsin cəhətlər, olsunlar bir can.
Sülh ilə döyüşsüz, hərbsiz ya hərbli,
Var olsun bir bütöv tək Azərbaycan!

Müəllif: Təvəkkül GORUSLU

TƏVƏKKÜL GORUSLUNUN YAZILARI

Yazarlar.Az

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<I

QALX AYAĞA

Qalx ayağa ulu millət,
Göstər gücün, məharətin.
Bitsin basqı, bitsin zillət,
Buna yetər cəsarətin.

Qalx ayağa ulu xalqım,
Bu gün, o gün, ayaqda ol.
Saldırırsa yurda zalım,
Silahla ol, bayraqla ol!

Daha bəsdi həqarətə,
cəhalətə dözdün, durdun.
Toplan, cəm ol şərafətlə,
İstiqlala yetsin yurdun.

Yürü millət, yürü xalqım,
Öz taleyin özün həll et.
Ol yurdunun hürrü xalqım,
Azadlığı qazan, bəll et!

Bitsin artıq bu rəzalət,
Boz qurd cəngə dalsın artıq!
Ya istiqlal, ya şəhadət,
Taleyimiz olsun artıq!

06.03.2026

Müəllif: Təvəkkül GORUSLU

TƏVƏKKÜL GORUSLUNUN YAZILARI

Yazarlar.Az

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<I

ÇÖZÜM

Qədrin bil hər zaman suyun, çörəyin,
Əlində möhkəm tut səb(i)r dirəyin,
Həm Tanrı vurmursa yerə kürəyin,
Dərdə də, qəmə də zamandı çözüm.

Güvən düşüncəyə, güvən ağıla,
Bu həyat bənzəmir işdə nağıla,
Tarlada saralan, dəyən taxıla,
Dərilcək küləşdi, samandı çözüm.

Düşün ki, bu dünya belə də qalmaz,
Nə ona, nə buna meylini salmaz,
Biri çin olarsa, biri də olmaz,
Arzuya, diləyə gümandı çözüm.

Min deyil, milyondu, milyarddı bəşər,
Sevincdi, şadlıqdı, həm dərddi bəşər,
Kiminə rəzalət, … qüdrətdi bəşər,
Elə insana da insandı çözüm.

21. 12. 2025

Müəllif: Təvəkkül GORUSLU

TƏVƏKKÜL GORUSLUNUN YAZILARI

Yazarlar.Az

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<I