Etiket arxivi: İSLAM SADIQ

İslam Sadıq: NARGİN ADASI

NARGİN ADASI

Bu adanı gördüm, gözlərim doldu,
Burda ürək dözmür, ağıl da çaşır.
Bu adanı gördüm, köksü yol-yoldu,
Başının üstündə ahlar dolaşır.

Nargin bir kitabdı, hər varağı qan,
Açsan, arasından od töküləcək.
Bir dindirən olsa, bax onun, inan,
Yaddaşından neçə ad töküləcək.

Bu adanı gördüm, daşdı heyrətim,
Çığırtı, bağırtı çaldı qulağım.
Qorxdu qorxmaz canım,
Ürpəşdi ətim,
Bir az da eyməndim, sancdı dalağım.

Burda qan qoxuyur hava da, su da,
Burda daşların da qandı gördüyü.
Nargin deyən kimi nə düşür yada:
Ölümlər, itimlər, cəllad kötüyü!

Kim əsdirib qara yelləri burda,
Burda ağın üstə qara çəkilib.
Kəsiblər haqq deyən dilləri burda,
Burda haqqın özü dara çəkilib.

Neçə könül susub burda bir zaman,
Baxtı daşa dəyib gör neçə sazın.
Qəlbim qan ağlayır, aman, ay aman,
Daşları dindirin, səsini yazın.

Yazın bu səsləri, itib-batmasın,
Hər səhər, hər axşam efirə verin.
Yadlar bir də bizi qoy aldatmasın,
Yaddaşı yatmasın bu göyün, yerin!

06 yanvar 2024
Novxanı

MÜƏLLİF: İSLAM SADIQ

İSLAM SADIĞIN YAZLARI


>>>SATIŞDA OLAN KİTABLAR


Aşıq Qurban: – Pərdəli gəzməyən

Mustafa Müseyiboğlu adına kitabxana

> > > > MÜTLƏQ OXUYUN !!!

“ƏDƏBİ OVQAT” JURNALI PDF

“YAZARLAR”  JURNALI PDF

“XƏZAN” JURNALI PDF

WWW.BEYDEMİR.RU

YAZARLAR.AZ
===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

İSLAM SADIQ: NƏ TEZ UNUTDUN

NƏ TEZ UNUTDUN

Sənin gözlərinə vuruldum bir gün,
Gözlərinə baxıb duruldum bir gün.
Sökülüb təzədən quruldum bir gün,
Qurduğun İslamı nə tez unutdun?!

Soyuq yel əsirdi sağı-solunda,
Bir qol üşüyürdü yoxsa qolunda.
Bir gül almaq üçün hər gün yolunda
Durduğun İslamı nə tez unutdun?!

Barmağın dəymişdi elə yenicə,
Dinirdi könlümün sarı simicə.
Bənövşə dərəndə vurğun kimicə
Vurduğun İslamı nə tez unutdun?!

Bizə yol salmışdı bir işıq sizdən,
Günəşmi doğurdu ya evinizdən.
Bir gün görməyəndə, cığırdan, izdən
Sorduğun İslamı nə tez unutdun?!

Ürəyim dedi ki, döz alanatan,
Gözündən əl çəkmə göz alanatan.
Dilindən bir kəlmə söz alanatan
Yorduğun İslamı nə tez unutdun?!

26 mart 2017
Novxanı

MÜƏLLİF: İSLAM SADIQ

İSLAM SADIĞIN YAZLARI


>>>SATIŞDA OLAN KİTABLAR


Aşıq Qurban: – Pərdəli gəzməyən

Mustafa Müseyiboğlu adına kitabxana

> > > > MÜTLƏQ OXUYUN !!!

“ƏDƏBİ OVQAT” JURNALI PDF

“YAZARLAR”  JURNALI PDF

“XƏZAN” JURNALI PDF

WWW.BEYDEMİR.RU

YAZARLAR.AZ
===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru

ZAUR USTAC – KOROĞLU

KOROĞLU
(Ədəbiyyatımızın Koroğlusu İslam Sadığa)
Qalxanı kitabdır, qılıncı qələm,
Koroğlu özüdür, bığı yerində!
Şad gün elçisidir, uzaqdı ələm,
Koroğlu özüdür, bığı yerində

Basdığı paşalar söz oğrusudur,
Mehtəri ocaqdan köz oğrusudur,
Türfə gözəlləri göz oğrusudur,
Koroğlu özüdür, bığı yerində!

Sübhü daglardadır, şamı aranda,
Təntiməz, tövşüməz qarda, boranda,
Adı həmən addır İran, Turanda,
Koroğlu özüdür, bığı yerində!

Düzdür ilqarına, düzdür əhdinə,
Çatar arzusuna, baxmaz cəhdinə,
Ustac bu şeirlə çıxıb mədhinə,
Koroğlu özüdür, bığı yerində!
29.01.2024 – Bakı.

Müəllif: Zaur USTAC


Aşıq Qurban: -“Pərdəli gəzməyən nəzərə gələr.”

Mustafa Müseyiboğlu adına kitabxana

ZAUR  USTACIN  YAZILARI

> > > > MÜTLƏQ OXUYUN !!!

“ƏDƏBİ OVQAT” JURNALI PDF

“YAZARLAR”  JURNALI PDF

“XƏZAN” JURNALI PDF

YAZARLAR.AZ
===============================================

<<<< WWW.YAZARLAR.AZ və  WWW.USTAC.AZ >>>> 

Əlaqə: Tel: (+994) 70-390-39-93   E-mail: zauryazar@mail.ru